ការបោះឆ្នោតឃុំសង្កាត់ឆ្នាំ២០២២
វិមជ្ឈការនៅកម្ពុជាចាក់ឫស ២០ ឆ្នាំ ប៉ុន្តែមិនទាន់រឹងមាំ
ការបោះឆ្នោតជ្រើសរើសក្រុមប្រឹក្សាឃុំសង្កាត់ជាលើកដំបូងត្រូវបានរៀបចំឡើង នៅថ្ងៃទី ៣ ខែកុម្ភៈឆ្នាំ ២០០២។ វាគឺជាការចាប់ផ្តើមជាផ្លូវការនូវដំណើរការវិមជ្ឈការនិងលទ្ធិប្រជាធិបតេយ្យនៅថ្នាក់មូលដ្ឋាននៅប្រទេសកម្ពុជា។ ២០ឆ្នាំក្រោយមក រដ្ឋាភិបាលវាយតម្លៃថា ការអនុវត្តគោលនយោបាយវិមជ្ឈការនៅថ្នាក់មូលដ្ឋាន គឺបានដំណើរការល្អ។ អ្នកជំនាញវាយតម្លៃថា ការអនុវត្តគោលការណ៍វិមជ្ឈការនិងប្រជាធិបតេយ្យមូលដ្ឋានបានប្រសើរឡើងជាបន្តបន្ទាប់ ជាពិសេសក្រោយពីការបោះឆ្នោតក្រុមប្រឹក្សាឃុំសង្កាត់នៅថ្ងៃទី ៤ ខែមិថុនា ឆ្នាំ ២០១៧។ គណបក្សសង្គ្រោះជាតិដែលជាគណបក្សប្រឆាំងបានឈ្នះអាសនៈជាច្រើន ហើយឈានមកគ្រប់គ្រងនិងមានវត្តមាននៅឃុំសង្កាត់ស្ទើរតែនៅទូទាំងប្រទេស។ ប៉ុន្តែសុទ្ទិដ្ឋិនិយមនោះ មានរយៈពេលខ្លី បន្ទាប់ពីគណបក្សសង្គ្រោះជាតិត្រូវបានរំលាយនៅចុងឆ្នាំដដែលនោះ។ អានសេចក្តីរាយការណ៍លម្អិតរបស់លោក ម៉ែន គឹមសេង នៃវីអូអេ។
