នៅក្នុងលិខិតមួយច្បាប់ដែលដាក់ទៅប្រធានសាលាដំបូងរាជធានីភ្នំពេញ កាលពីថ្ងៃព្រហស្បតិ៍ លោក ជូង ជូងី បញ្ជាក់ថា រហូតមកដល់ពេលនេះ មិនទាន់មានសាលក្រមស្ថាពរណាមួយឡើយលើសំណុំរឿងនេះ។ ដូច្នេះលោក ថាច់ សេដ្ឋា នៅតែជនគ្មានទោសដដែល។
អ្នកតាមដានស្ថានភាពនយោបាយនិងសង្គមនៅកម្ពុជាមួយចំនួនលើកឡើងថាអ្នកនយោបាយជំនាន់ថ្មីនឹងដើរតាមគន្លងរបស់អ្នកនយោបាយជំនាន់ចាស់ ខណៈអ្នកខ្លះរង់ចាំមើលថាតើអ្នកនយោបាយជំនាន់ថ្មី នឹងដឹកនាំកម្ពុជាទៅតាមគន្លងប្រជាធិបតេយ្យពិតប្រាកដឬយ៉ាងណា។
លោក Volker Türk ឧត្តមស្នងការជាន់ខ្ពស់អង្គការសហប្រជាជាតិទទួលបន្ទុកសិទ្ធិមនុស្ស បានចេញសេចក្តីថ្លែងការណ៍មួយថា ការបោះឆ្នោតនៅកម្ពុជាកាលពីថ្ងៃទី២៣ ខែកក្កដា ត្រូវបានរៀបចំឡើងក្នុងបរិយាកាសរឹតត្បិតខ្លាំង ហើយវាប៉ះពាល់ដល់សិទ្ធិរបស់ប្រជាពលរដ្ឋកម្ពុជា។
បើតាមមន្ត្រីគណបក្សភ្លើងទៀន រហូតមកដល់ពេលនេះ ក៏នៅតែមានការតាមចាប់ខ្លួនសកម្មជនហើយសកម្មជនខ្លះត្រូវបានគេចចេញពីផ្ទះ ដើម្បីគេចខ្លួនពីការតាមចាប់របស់អាជ្ញាធរមូលដ្ឋាន ស្របពេលដែលគណបក្សភ្លើងទៀនមិនមានសិទ្ធិចូលរួមប្រកួតប្រជែងការបោះឆ្នោត។
អាសនៈទាំង៥ ដែលគណបក្សហ៊្វុនស៊ិនប៉ិចឈ្នះបាន រួមមានមណ្ឌលភ្នំពេញ ១អាសនៈ ដែលព្រះអង្គម្ចាស់ នរោត្តម ចក្រាវុធ ជាព្រះប្រធានគណបក្សហ៊្វុនស៊ិនប៉ិច មណ្ឌលខេត្តកំពង់ចាម ១អាសនៈ ខេត្តកំពង់ធំ ១អាសនៈ ខេត្តកណ្តាល ១អាសនៈ និងមណ្ឌលខេត្តព្រៃវែង ១អាសនៈ។
នាថ្ងៃអាទិត្យនេះ ប្រជាពលរដ្ឋបានចេញទៅបោះឆ្នោតដែលអវត្តមានគណបក្សភ្លើងទៀន។ ពួកគេមួយចំនួនលើកឡើងពីសារសំខាន់ និងកាតព្វកិច្ចក្នុងការចូលរួមបោះឆ្នោត។ ចំណែកអ្នកខ្លះបង្ហាញក្តីសោកស្តាយដែលអវត្តមានគណបក្សជំទាស់ដ៏ធំ។
បើទោះបីជាមានគណបក្សនយោបាយ ១៧ ផ្សេងទៀតចូលរួមប្រកួត ក៏គេរំពឹងថា គណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន អាចនឹងឈ្នះ ១២៥ អាសនៈនៅរដ្ឋសភា និងបន្តដឹកនាំសភាដោយឯកបក្ស។
ការបោះឆ្នោតជ្រើសរើសតំណាងរាស្ត្រអាណត្តិទី ៧ នេះត្រូវបានគេមើលឃើញថានឹងធ្វើឱ្យគណបក្សប្រជាជនកម្ពុជាដឹកនាំរដ្ឋាភិបាលមួយអាណត្តិទៀត ខណៈអវត្តមានគណបក្សភ្លើងទៀនដែលជាគណបក្សប្រឆាំងដ៏ធំមួយ។
ប្រជាជនពលរដ្ឋប្រមាណ ៩លាន ៧សែននាក់ បានចុះឈ្មោះក្នុងបញ្ជីបោះឆ្នោត ដែលក្នុងនោះមានស្រ្តីជាង ៥លាន ១៦ម៉ឺននាក់ គឺលើស ៥០%។
ពួកគេចង់ឱ្យរដ្ឋាភិបាលថ្មីដែលនឹងកើតក្រោយការបោះឆ្នោត យកចិត្តទុកដាក់លើជីវភាពរបស់ប្រជាពលរដ្ឋ ដោយគិតគូរលើប្រាក់ខែរបស់កម្មករ កម្មាការិនី និងអ្នកធ្វើការក្នុងវិស័យផ្សេងទៀត។
លោក ហ៊ុន ម៉ាណែត បានដឹកនាំក្បួនបិទបញ្ចប់យុទ្ធនាការឃោសនាក្នុងរាជធានីភ្នំពេញ ដោយអំពាវនាវអ្នកគាំទ្រ និងប្រជាពលរដ្ឋឲ្យគូសសន្លឹកឆ្នោតឱ្យបានត្រឹមត្រូវ
លោក ហ៊ុន ម៉ាណែត បានអំពាវនាវទៅពលរដ្ឋបោះឆ្នោតគាំទ្រគណបក្សប្រជាជនកម្ពុជា ដោយគូសសន្លឹកឆ្នោតឱ្យបានត្រឹមត្រូវ។ លោកថា ការធ្វើបែបនេះគឺដើម្បីទប់ស្កាត់ឧបាយកលរបស់អ្នកចង់បំផ្លាញប្រទេសកម្ពុជា និងដើម្បីឱ្យគណបក្សឈ្នះភ្លូកទឹកភ្លូកដី។
គណបក្សប្រជាជនកម្ពុជា នៅព្រឹកថ្ងៃសុក្រ ទី២១ ខែកក្កដានេះ បើកយុទ្ធនាការឃោសនារកសំឡេងឆ្នោតរបស់ខ្លួន ដែលជាថ្ងៃចុងក្រោយនៃយុទ្ធនាការ២១ថ្ងៃ ដោយមានការហែក្បួនទ្រង់ទ្រាយធំរាប់ម៉ឺននាក់។
មន្រ្តីជាន់ខ្ពស់នៃគណបក្សភ្លើងទៀនបានបង្ហាញក្តីព្រួយបារម្ភថា មិនអាចចូលរួមការបោះឆ្នោតព្រឹទ្ធសភា នាដើមឆ្នាំក្រោយ
គណបក្សជំទាស់ ដែលបាត់សិទ្ធិចូលរួមការបោះឆ្នោតថ្នាក់ជាតិ បានលើកឡើងថា គណបក្ស មិនទទួលខុសត្រូវចំពោះទង្វើរបស់បុគ្គលទាំងឡាយណា ដែលធ្វើខុសនឹងច្បាប់នានារបស់កម្ពុជានោះទេ។
មន្ត្រីគណបក្សភ្លើងទៀនយ៉ាងតិច ៤នាក់ត្រូវបានអាជ្ញាធរចាប់ខ្លួន ពាក់ព័ន្ធនឹងបទញុះញង់ឱ្យប្រជាពលរដ្ឋបំផ្លាញសន្លឹកឆ្នោតចោល ខណៈអ្នកនយោបាយនៅក្រៅប្រទេសជាង ១០នាក់ទៀត ត្រូវបានដកសិទ្ធិឈរឈ្មោះឱ្យគេបោះឆ្នោត។
រដ្ឋាភិបាលកម្ពុជាបានបញ្ជាឱ្យអ្នកផ្គត់ផ្គង់សេវាអ៊ីនធឺណិតក្នុងប្រទេសកម្ពុជារាំងខ្ទប់គេហទំព័រសារព័ត៌មានមួយចំនួន ក្នុងនោះមានសារព័ត៌មានអាស៊ីសេរី The Cambodia Daily និងគេហទំព័រកំណត់ត្រា ដែលជាបណ្តុំព័ត៌មានរបស់សារព័ត៌មានវីអូឌី ដែលត្រូវបានរដ្ឋាភិបាលបិទដំណើរការ។
លោក គីមសួរ ភិរិទ្ធ អ្នកនាំពាក្យគណបក្សភ្លើងទៀន យល់ថា ការចាប់ខ្លួនសកម្មជនគណបក្សភ្លើងទៀន ស្របពេលគណបក្សមិនអាចចូលរួមប្រកួតប្រជែងការបោះឆ្នោតថ្នាក់ជាតិឆ្នាំ២០២៣ នេះ គឺជាបំភិតបំភ័យ និងគំរាមកំហែងផ្នែកនយោបាយ។
ព័ត៌មានផ្សេងទៀត
