ប្រធានសមាគមគ្រូបង្រៀនកម្ពុជាឯករាជ្យ អ្នកស្រី អ៊ុក ឆាយ៉ាវី ចង់ឃើញវិស័យអប់រំមានឯករាជ្យភាព ដោយមិនត្រូវបានដាក់ឱ្យស្ថិតនៅក្រោមឥទ្ធិពលគណបក្សកាន់អំណាច ឬគណបក្សណាមួយនោះទេ ដើម្បីធានាថា បុគ្គលិកអប់រំអាចបំពេញការងារទៅតាមឯកទេសរបស់ខ្លួន ហើយមិនស្ថិតក្រោមគំនាបនយោបាយ។
កាលពីចុងខែកញ្ញា លោក ទៀ សីហា រដ្ឋមន្ត្រីក្រសួងការពារជាតិបានចេញប្រកាសមួយ ដោយលុបឈ្មោះនាយទាហានម្នាក់ ដែលមានឋានៈជាវរសេនីយ៍ត្រី និងមានតួនាទីជាគ្រូបច្ចេកទេសថ្មើរជើងសាលានាយទាហានសកម្ម គឺលោក ពោន ធា ចេញពីក្របខណ្ឌ ដោយមូលហេតុពាក់ព័ន្ធការប្រើប្រាស់គ្រឿងញៀន។
យុវជនដែលជាសកម្មជនបរិស្ថាននៃចលនាមាតាធម្មជាតិបានសម្តែងការសោកស្តាយ នៅពេលសាលាដំបូងរាជធានីភ្នំពេញបានបដិសេធមិនឱ្យពួកគេចេញទៅប្រទេសស៊ុយអ៊ែត ដើម្បីទទួលពានរង្វាន់ Right Livelihood ២០២៣។ ពួកគេចាត់ទុកការសម្រេចរបស់តុលាការជារឿងអយុត្តិធម៌ និងជាការរឹតត្បិតសិទ្ធិសេរីភាពរបស់សកម្មជន។
ក្រុមយុវជនចលនាមាតាធម្មជាតិដែលហ៊ានចេញមុខការពារធនធានធម្មជាតិ កាលពីពេលថ្មីៗនេះ បានទទួលពានរង្វាន់ Right Livelihood ដែលមានមូលដ្ឋាននៅប្រទេសស៊ុយអ៊ែត ចំពោះសកម្មភាពក្នុងការពារធនធានធម្មជាតិរបស់ពួកគេ។ ពួកគេបន្តប្តេជ្ញាការពារធនធានធម្មជាតិ បើទោះប្រឈមនឹងការរឹតត្បិតពីអាជ្ញាធរ។
នាយករដ្ឋមន្ត្រីកម្ពុជាបកស្រាយថា រដ្ឋាភិបាលមិនទាន់ដាក់ចេញគោលការណ៍ប្រមូលពន្ធចំណេញមូលធននេះនៅឡើយទេ ខណៈអ្នកតាមដានយល់ថា រដ្ឋត្រូវតែគិតគូរឱ្យបានដិតដល់និងមិនគួរប្រមូលពន្ធចំណេញមូលធននាពេលនេះទេ ដោយគួរតែកាត់បន្ថយចំណាយរដ្ឋមិនចាំបាច់និងពង្រឹងការប្រមូលពន្ធដែលកំពុងអនុវត្តឱ្យមានតម្លាភាព។
អ្នកតាមដានចង់ឃើញថ្នាក់ដឹកនាំនៃប្រទេសទាំងពីរដោះស្រាយបញ្ហាដែលនៅសេសសល់ ដូចជាបញ្ហាព្រំដែន ឧក្រិដ្ឋកម្មឆ្លងដែន និងការគោរពបទដ្ឋានអន្តរជាតិទាក់ទងសិទ្ធិជ្រកកោននយោបាយ ដែលសកម្មជនសង្គមនិងនយោបាយកម្ពុជារងការយាយី និងត្រូវចាប់បញ្ជូនមកកម្ពុជាវិញ។
លោក ហង្ស ពុទ្ធា អ្នកនាំពាក្យស្ថាប័នរៀបចំការបោះឆ្នោត គ.ជ.ប ប្រាប់វីអូអេថាស្ថាប័នរដ្ឋសភា គឺជាអ្នកជ្រើសរើសថ្នាក់ដឹកនាំនៃស្ថាប័ន គ.ជ.ប ទាំង ៩ រូបនេះ ដោយយោងតាមការជជែកគ្នារវាងគណបក្សមានសំឡេងក្នុងរដ្ឋសភា។
ចៅក្រមសាលាដំបូងរាជធានីភ្នំពេញបានផ្តន្ទាទោសលោក ថាច់ សេដ្ឋា អនុប្រធានគណបក្សភ្លើងទៀន ដាក់ពន្ធនាគារ១ឆ្នាំកន្លះ នៅក្នុងសំណុំរឿងចេញសែកអត់សាច់ប្រាក់ ដែលលោកត្រូវបានចាប់ខ្លួនតាំងពីដើមឆ្នាំ២០២៣ តាមពាក្យបណ្តឹងរបស់ក្រុមហ៊ុនបញ្ចាំមួយ។
នៅពេលដែលអគ្គនាយកដ្ឋានពន្ធដារប្រកាសថារដ្ឋនឹងចាប់ផ្តើមអនុវត្តពន្ធលើប្រាក់ចំណេញមូលធន ចាប់ពីដើមឆ្នាំ២០២៤ មានប្រតិកម្ម និងការលើកឡើងមតិចម្រុះមួយចំនួន ក្នុងនោះមានការមិនពេញចិត្ត ដោយបារម្ភអំពីផលចំណេញ។
អស់រយៈពេលមួយសប្តាហ៍ ក្រោយរងការវាយដំយ៉ាងដំណំ លោក នី ណាក់ថា លោកមិនទាន់ទទួលបានតម្រុយអ្វីពាក់ព័ន្ធនឹងការចាប់ក្រុមជនបង្កទេ។ លោកចង់ឃើញពន្លឺយុត្តិធម៌ និងចង់មើលវីដេអូនៃកាមេរ៉ាសុវត្ថិភាពដើម្បីបានដឹងច្បាស់ចំពោះហេតុការណ៍ដែលកើតលើរូបលោក និងភរិយា។
នៅក្នុងដំណើរទស្សនកិច្ចផ្លូវការជាលើកដំបូងរបស់លោក ហ៊ុន ម៉ាណែត ទៅកាន់ប្រទេសចិន មេដឹកនាំថ្មីកម្ពុជាបានបញ្ជាក់សាជាថ្មីអំពីការប្រកាន់ខ្ជាប់នយោបាយចិនតែមួយ និងបន្តគាំទ្រចិននៅលើឆាកអន្តរជាតិ។ មេដឹកនាំចិនបានប្រកាសប្តេជ្ញាបន្តជួយកម្ពុជា។
លោក ទូច សុឃៈ អ្នកនាំពាក្យក្រសួងមហាផ្ទៃ ប្រាប់វីអូអេនៅថ្ងៃសុក្រនេះថា ការវាយដំលើលោក នី ណាក់ ជាហិង្សាមានស្ថានទម្ងន់ទោស ក្នុងចេតនាចង់យកទ្រព្យសម្បត្តិ ព្រោះជនបង្កមានគ្នាច្រើនឬជាក្រុម និងមានឧបករណ៍គ្រោះថ្នាក់ក្នុងការប្រព្រឹត្តបទល្មើស។
គិតត្រឹមខែចុងខែសីហា កម្ពុជាមានអ្នកឆ្លងជំងឺគ្រុនឈាម ចំនួនជាង ១ ម៉ឺន ៧ ពាន់នាក់ ក្នុងនោះមានស្លាប់ ៣២ នាក់ ដែលចំនួននេះកើនឡើង ២ ដង បើធៀបទៅនឹងរយៈពេលដូចគ្នាក្នុងឆ្នាំ ២០២២។
សកម្មជននយោបាយគណបក្សប្រឆាំងមួយចំនួន ព្រួយបារម្ភអំពីសុវត្ថិភាពផ្ទាល់ខ្លួននិងក្រុមគ្រួសាររបស់ពួកគេ ខណៈបច្ចុប្បន្នមានក្រុមតាមឃ្លាំមើលសកម្មភាព និងថតរូបពួកគេ។
លោក នី ណាក់ តែងតែរិះគន់អំពីភាពអវិជ្ជមានសង្គម និងជាសកម្មជនមួយរូប ដែលធ្លាប់ជាប់ពន្ធនាគារ។
នាពេលពេលបច្ចុប្បន្ននេះ រោងចក្រកាត់ដេរប្រមាណ៣០ បានព្យួរការងារកម្មករជិត២ម៉ឺននាក់ ដែលការណ៍នេះបានធ្វើឱ្យប៉ះពាល់សេដ្ឋកិច្ច និងជីវភាពធ្ងន់ធ្ងរទៅលើកម្មករ បើទោះបីពួកគេទទួលបានប្រាក់ឧបត្ថម្ភចំនួន៧០ដុល្លារអាមេរិកពីរដ្ឋាភិបាល និងថៅកែរោងចក្រក្តី។
អ្នកជំនាញលើកឡើងថា ប្រសិនបើមានករណីនេះពិតមែន គឺអ្នកសារព័ត៌មានទាំងនោះ មិនបានអនុវត្តត្រឹមត្រូវតាមវិជ្ជាជីវៈនោះទេ ដូច្នេះអាជ្ញាធរខេត្ត និងក្រសួងព័ត៌មាន ត្រូវតែស្វែងរកមូលហេតុនៅក្រោយរឿងនេះ។
ការចរចាប្រាក់ឈ្នួលអប្បបរមារបស់កម្មកររោងចក្រសម្រាប់ឆ្នាំ២០២៤ បានឈានចូលដល់ការដាក់សំណើតួលេខរវាងភាគីសហជីព និងនិយោជក ដោយភាគីសហជីពទាមទារដំឡើង១៥ដុល្លារអាមេរិក តែភាគីនិយោជកថា មានលទ្ធភាពដំឡើងឱ្យកម្មករត្រឹម១ដុល្លារតែប៉ុណ្ណោះ បន្ថែមលើប្រាក់ឈ្នួលគោលបច្ចុប្បន្ន ដែលមានចំនួន២០០ដុល្លារអាមេរិក។
ក្នុងការចរចាជុំទី៣នោះ តំណាងភាគីនិយោជកថានឹងដំឡើងប្រាក់ឈ្នួលឱ្យកម្មករ១ដុល្លារអាមេរិក បន្ថែមលើប្រាក់ឈ្នួលឆ្នាំ២០២៣ ដែលមានចំនួន២០០ដុល្លារ ខណៈភាគីកម្មករនិយោជិត ចង់បានដល់២១៥ដុល្លារអាមេរិក ដែលមានន័យថា ខាងតំណាងភាគីកម្មករចង់ដំឡើង១៥ដុល្លារបន្ថែមទៀត។
លោក ហ៊ុន ម៉ាណែត បានឆ្លើយតបទៅ អ្នកដែលរិះគន់ចំពោះការរៀបចំក្បាលម៉ាស៊ីនរដ្ឋាភិបាល និងការតែងតាំងទីប្រឹក្សាតាមក្រសួងស្ថាប័នរដ្ឋមានចំនួនច្រើន។ លោកថា គឺដោយសារមានតម្រូវការការងារ និងដើម្បីលើកទឹកចិត្ត និងផ្តល់កិត្តិយសដល់មន្ត្រីចូលនិវត្តន៍។
ព័ត៌មានផ្សេងទៀត
