រដ្ឋាភិបាលរុស្ស៊ីកាលពីថ្ងៃអង្គារ ទី ២០ ខែកុម្ភៈ បានចាត់ទុកវិទ្យុអឺរ៉ុបសេរី/វិទ្យុសេរីភាពRFE/RL ដែលជាសម្ព័ន្ធនឹងវីអូអេជា «អង្គការមិនគួរស្វាគមន៍» ក្នុងចំណាត់ការដែលបង្ហាញពីការគាបសង្កត់យ៉ាងខ្លាំងលើប្រព័ន្ធផ្សព្វផ្សាយរបស់រដ្ឋាភិបាលវិមានក្រឹមឡាំង។
ក្រុមអ្នកកាសែតនិយាយថា ការយកព័ត៌មានក្នុងតំបន់ West Bank តែងមានការប្រឈមជានិច្ច។ ប៉ុន្តែចាប់តាំងពីការវាយប្រហារភេរវកម្មថ្ងៃទី៧ ខែតុលាដោយក្រុមហាម៉ាស់មក អ្នកកាសែតមានការរឹតបន្តឹងកាន់តែខ្លាំងឡើង។
អង្គការឃ្លាំមើលបណ្តាញព័ត៌មាននិយាយថា មានអ្នកកាសែតយ៉ាងហោចណាស់៣២០នាក់បានជាប់ឃុំឃាំងក្នុងពន្ធនាគារលើពិភពលោក ដោយប្រទេសចិននិងមីយ៉ាន់ម៉ាស្ថិតនៅក្នុងចំណាត់ថ្នាក់ខ្ពស់ជាងគេ។
កំណត់ត្រាមួយផ្នែកនៃរបាយការណ៍ប្រចាំឆ្នាំ២០២៣ របស់សមាគមសម្ព័ន្ធអ្នកសារព័ត៌មានកម្ពុជា ហៅកាត់ថាខេមបូចាឱ្យដឹងថា អ្នកសារព័ត៌មាន និងស្ថាប័នសារព័ត៌មានឯករាជ្យនៅតែប្រឈមមុខនឹងការយាយីគ្រប់ទម្រង់។ មន្ត្រីរដ្ឋាភិបាលកម្ពុជាថា សេរីភាពនៃការបញ្ចេញមតិ និងសេរីភាពសារព័ត៌មានត្រូវបានអនុវត្ត និងលើកកម្ពស់ពេញលេញ។
អ្នកកាសែតម៉ិកស៊ិកអ្នកស្រី Maria Teresa Montaño បានរួចជីវិតពីការគំរាមសម្លាប់និងចាប់ជំរិត។ ប៉ុន្តែអ្នកស្រីបដិសេធមិនឈប់ស៊ើបអង្កេតអំពើពុករលួយ និងការប្រព្រឹត្តខុសទេ។ អ្នកស្រី Cristina Caicedo Smit នៃ VOA រាយការណ៍ពីទីក្រុង Toluca ប្រទេសម៉ិកស៊ិក។ លោក សុខ ខេមរា ជូនសេចក្តីប្រែសម្រួល៕
លោក ណុប វី នាយកប្រតិបត្តិសមាគមសម្ព័ន្ធអ្នកសារព័ត៌មានកម្ពុជា ហៅកាត់ថាខេមបូចា ប្រាប់វីអូអេថាបច្ចុប្បន្នប្រជាពលរដ្ឋគ្រប់រូបបានចូលរួមចំណែកក្នុងការផ្សព្វផ្សាយព័ត៌មាន។
របាយការណ៍របស់អង្គការ Freedom House បានឱ្យដឹងថា សេរីភាពអ៊ីនធឺណិតនៅកម្ពុជាគឺនៅតែបន្តធ្លាក់ចុះ និងរងការរឹតត្បិត ក្រោយមានការចាប់ខ្លួនសកម្មជននយោបាយ អ្នកសារព័ត៌មាន និងប្រជាពលរដ្ឋ ដោយសារតែពួកគេបានបញ្ចេញមតិផ្សេងៗនៅលើបណ្តាញសង្គម។
ក្រសួងព័ត៌មានព្រមានបញ្ចប់អាជីពអ្នកសារព័ត៌មាន និងប្រតិបត្តិការរបស់អង្គភាពសារព័ត៌មានទាំងឡាយណាដែលបន្តស្នើសុំលុយ ឬទារលុយពីកាស៊ីណូ Top Diamond ដោយថា ទង្វើនេះធ្វើឱ្យប៉ះពាល់ដល់អ្នកប្រកបវិជ្ជាជីវៈសារព័ត៌មានដទៃទៀតនៅកម្ពុជា។
អស់រយៈពេលជាច្រើនឆ្នាំមកនេះ អ្នកយកព័ត៌មានជនជាតិនីហ្សេរីយ៉ាលោក Philip Obaji Jr. បានស៊ើបអង្កេតសកម្មភាពរបស់ក្រុមទាហានស៊ីឈ្នួលរុស្ស៊ី Wagner នៅអាហ្វ្រិក។ វាជាប្រភេទព័ត៌មានដែលអ្នកយកព័ត៌មានប្រឈមបញ្ហាជាច្រើន។
តំណាងអង្គការ UNESCO ប្រចាំនៅកម្ពុជា លោក Sardar Umar Alam ប្រាប់ក្រុមមន្ត្រី និងអ្នកជំនាញសារព័ត៌មានថា ការបង្កើតឱ្យមានក្រុមប្រឹក្សាសារព័ត៌មានជាតិនេះ គឺដើម្បីលើកកម្ពស់សិទ្ធិក្នុងការទទួលបានព័ត៌មាន ក៏ដូចជាការកសាងសមត្ថភាពបន្ថែមដល់អ្នកសារព័ត៌មានផងដែរ។
លោក ប៉ា ងួនទៀន ក៏បានបញ្ជាក់ថា សហការីនៅក្រៅប្រទេសនឹងចូលរួមផ្សព្វផ្សាយព័ត៌មាន ហើយវាមិនមានជាប់ពាក់ព័ន្ធនឹងអ្នកស្ថិតក្នុងប្រទេសកម្ពុជាឡើយ។
កាលពីថ្ងៃអង្គារ ទី១២ ខែកញ្ញា តុលាការហ្វីលីពីនបានទម្លាក់ចោលបទចោទប្រកាន់លើអ្នកស្រី Maria Ressa និងគេហទំព័រសារព័ត៌មាន Rappler របស់អ្នកស្រី នៅក្នុងសំណុំរឿងពន្ធដារ។
ព័ត៌មានផ្សេងទៀត
No media source currently available
