ក្រោយបិទការផ្សព្វផ្សាយទាំងស្រុងរបស់សារព័ត៌មានវីអូឌី លោក ហ៊ុន សែន បានថ្លែងថា លោកនឹងមិនឱ្យស្ថាប័នមួយនេះដំណើរការឡើងវិញឡើយ ដោយលោកថា សារព័ត៌មានមួយនេះបានផ្សព្វផ្សាយនូវព័ត៌មានមិនពិត ប៉ះពាល់ធ្ងន់ធ្ងរដល់រដ្ឋាភិបាល និងបង្កើតការមិនទុកចិត្តក្នុងរដ្ឋាភិបាល។
ក្រុមអង្គការសង្គមស៊ីវិលបានស្នើទៅកាន់រដ្ឋមន្ត្រីចំនួន៤រូបនៃក្រសួងពាក់ព័ន្ធដើម្បីឱ្យចាត់វិធានការច្បាប់ឱ្យបានតឹងរ៉ឹងទៅលើលោក ផែង វណ្ណៈ ចំពោះការប្រើប្រាស់ពាក្យមិនសមរម្យ ប្រមាថ មាក់ងាយ និងបៀតបៀនទៅលើស្ត្រីអ្នកសារព័ត៌មាន ព្រោះពួកគេចាត់ទុកថា វាជាទង្វើដែលមិនអាចលើកលែងបាន។
ក្រោយរដ្ឋាភិបាលសម្រេចបិទសារព័ត៌មានវីអូឌី ដែលបានដំណើរការ២០ឆ្នាំមកហើយនោះ លោកហ៊ុន សែន កាលពីថ្ងៃអង្គារ បានប្រកាសផ្តល់ក្របខណ្ឌរដ្ឋដល់អតីតបុគ្គលិកវីអូឌី ដែលលែងមានការងារធ្វើ និងមានបំណងចូលបម្រើរដ្ឋ។
មន្រ្តីជាន់ខ្ពស់ទទួលបន្ទុកសិទ្ធិមនុស្សរបស់អង្គការសហប្រជាជាតិ និងអង្គការសង្គមស៊ីវិលបានចាត់ទុកការលុបអាជ្ញាបណ្ណវីអូឌីមិនស្របតាមច្បាប់ស្តីពីរបបសារព័ត៌មាន។ ពួកគេស្នើឱ្យផ្តល់អាជ្ញាបណ្ណត្រឡប់មកវិញដើម្បីសារព័ត៌មាននេះអាចដំណើរឡើងវិញ។
ក្រោយរដ្ឋាភិបាលសម្រេចបិទវិទ្យុវីអូឌី បណ្តាស្ថានទូតបរទេសប្រចាំនៅកម្ពុជាបានសម្តែងការសោកស្តាយ និងជំរុញឱ្យរដ្ឋាភិបាលកម្ពុជាគិតគូរឡើងវិញក្នុងការដាក់ឱ្យសារព័ត៌មានមួយនេះដំណើរការឡើងវិញ។ ប៉ុន្តែក្រសួងការបរទេសកម្ពុជាបានឆ្លើយតបថា ការលើកឡើងរបស់ពួកគេធ្វើឡើងក្រោមហេតុផល«នយោបាយ»។
ក្រសួងព័ត៌មាន នៅថ្ងៃចន្ទនេះ បានចេញសេចក្តីសម្រេចមួយដោយលុបចោលអាជ្ញាបណ្ណរបស់វិទ្យុVOD តាមបញ្ជារបស់លោកនាយករដ្ឋមន្រ្តី ហ៊ុន សែន ដែលមិនពេញចិត្តនឹងការផ្សាយអត្ថបទមួយពាក់ព័ន្ធនឹងលោក ហ៊ុន ម៉ាណែត ដែលជាកូនប្រុសរបស់លោក។
ក្រសួងព័ត៌មានបានចេញសេចក្តីសម្រេចមួយនាថ្ងៃចន្ទនេះ ដោយបញ្ចប់ការផ្សាយរបស់វីអូឌី តាមរយៈការដកអាជ្ញាបណ្ណ ដែលការសម្រេចនេះធ្វើឡើងតាមបញ្ជារបស់លោកនាយករដ្ឋមន្ត្រីហ៊ុន សែនដែលមិនពេញចិត្តនឹងការផ្សាយរបស់សារព័ត៌មានមួយនេះពាក់ព័ន្ធនឹងកូនប្រុសរបស់លោក។
ក្រសួងព័ត៌មានបានចេញសេចក្តីសម្រេចមួយនាថ្ងៃចន្ទនេះ ដោយបញ្ចប់ការផ្សាយរបស់វីអូឌី តាមរយៈការដកអាជ្ញាបណ្ណ ដែលការសម្រេចនេះធ្វើឡើងតាមបញ្ជារបស់លោកនាយករដ្ឋមន្រ្តី ហ៊ុន សែន ដែលមិនពេញចិត្តនឹងការផ្សាយរបស់សារព័ត៌មានមួយនេះ ពាក់ព័ន្ធនឹងកូនប្រុសរបស់លោក។
ក្រុមប្រឹក្សាក្រមសីលធម៌មួយនេះមានតួនាទីក្នុងការតម្រង់ទិស ដាក់ពិន័យ និងកែលម្អអ្នកសារព័ត៌មានឱ្យបំពេញការងារតាមវិជ្ជាជីវៈ ចៀសវាងការរិះគន់ពីមហាជន ប៉ុន្តែអ្នកជំនាញចង់ឃើញក្រុមប្រឹក្សាមួយនេះអាចបំពេញការងារបានដោយឯករាជ្យ។
លោក ពុយ គា ប្រធានក្លឹបអ្នកកាសែតកម្ពុជា ប្រាប់វីអូអេថា គោលបំណងនៃការបង្កើតក្រុមប្រឹក្សាក្រមនេះគឺដើម្បីកែតម្រូវក៏ដូចជាតម្រង់ទិស និងពិនិត្យលើលទ្ធភាពដែលអាចដាក់វិន័យបានទៅដល់អ្នកសារព័ត៌មានដែលមិនគោរពទៅតាមវិជ្ជាជីវៈក្រមសីលធម៌ត្រឹមត្រូវ។
អ្នកជំនាញមកពីប្រទេសផ្សេងៗបានលើកឡើងថា អ្នកសារព័ត៌មានឯករាជ្យរងការគាប សង្កត់ក្នុងប្រទេសនីមួយៗ ដែលតម្រូវឱ្យមានការបង្កើតយន្តការរួម ដើម្បីជួយគ្នាទៅវិញទៅមក។
កាលពីថ្ងៃអាទិត្យ លោក ប៉ែន បូណា ប្រធានក្លឹបអ្នកកាសែតកម្ពុជា និងជានិពន្ធនាយករបស់ទូរទស្សន៍ PNN ដែលគ្រប់គ្រងដោយឧកញ៉ា លី យ៉ុងផាត់ ត្រូវបានតែងតាំងជារដ្ឋលេខាធិការក្រសួងព័ត៌មាន។
ព័ត៌មានផ្សេងទៀត
No media source currently available
