បើតាមការវិភាគរបស់អង្គការអង្គការអ្នកសារព័ត៌មានគ្មានព្រំដែន កម្ពុជាកំពុងមើលឃើញទំនោរស្រដៀងគ្នានឹងប្រទេសបង់ក្លាដេស ទីដែលការធ្វើទុក្ខបុកម្នេញលើប្រព័ន្ធផ្សព្វផ្សាយឯករាជ្យកំពុងកើនឡើង ខណៈការបោះឆ្នោតនឹងចាប់ផ្តើមនៅប៉ុន្មានខែខាងមុខទៀតនេះ។
ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក Patrick Murphy ថ្លែងថា អ្នកសារព័ត៌មានដើរតួយ៉ាងសំខាន់ក្នុងការលើកកម្ពស់គោលការណ៍ប្រជាធិបតេយ្យ លើកកម្ពស់ការបញ្ចេញមតិ តម្លាភាព និងធានាថាសំឡេងរបស់ពលរដ្ឋត្រូវបានគេយកទៅផ្សព្វផ្សាយ។
ក្នុងថ្ងៃប្រារព្ធទិវាសេរីភាពសារព័ត៌មានឆ្នាំ ២០២៣ នេះក្រុមអង្គការសង្គមស៊ីវិលស្នើឱ្យរដ្ឋាភិបាលនិងដៃគូពាក់ព័ន្ធបន្តយកចិត្តទុកដាក់បើកលម្ហសេរីភាពសារព័ត៌មានបន្ថែមទៀត និងបញ្ឈប់រាល់ការធ្វើទុក្ខបុកម្នេញលើអ្នកកាសែតដែលហ៊ានរាយការណ៍អំពីបញ្ហាអសកម្មផ្សេងៗនៅក្នុងសង្គម។
អ្នកជំនាញខាងប្រព័ន្ធផ្សព្វផ្សាយឯករាជ្យនៅកម្ពុជា លើកឡើងថាការខ្វះស្ថាប័នប្រព័ន្ធផ្សព្វផ្សាយនិងអ្នកសារព័ត៌មានឯករាជ្យដែលមានសមត្ថភាពក្នុងការរាយការណ៍ព័ត៌មាន ធ្វើឲ្យកម្ពុជាពិបាកក្នុងការធានាការបោះឆ្នោតមួយប្រកបដោយភាពសេរី ត្រឹមត្រូវនិងយុត្តិធម៌។
ពួកគេយល់ថាសារព័ត៌មានឯករាជ្យមានសារៈសំខាន់សម្រាប់ប្រជាពលរដ្ឋ ដោយសារហ៊ានផ្សាយបញ្ហាសង្គម ដើម្បីអាចឱ្យប្រជាពលរដ្ឋដឹងពីបញ្ហាទាំងនោះ និងបានជំរុញរដ្ឋាភិបាលយកចិត្តទុកដាក់ដោះស្រាយបញ្ហារបស់ប្រជាពលរដ្ឋឱ្យបានល្អប្រសើរ។
មន្រ្តីសម្របសម្រួលជាន់ខ្ពស់នៃអង្គការខុមហ្វ្រេល (Comfrel) យល់ថា ការបាត់បង់សារព័ត៌មានវីអូឌី (VOD) ធ្វើឱ្យប្រជាពលរដ្ឋទទួលបាននូវព័ត៌មានមិនគ្រប់ជ្រុងជ្រោយ និងព័ត៌មានផ្សេងៗដែលទាក់ទងទៅនឹងការបោះឆ្នោត។
លោក ហ៊ុយ វណ្ណៈ ប្រធានសហភាពសហព័ន្ធអ្នកសារព័ត៌មានកម្ពុជា ដែលជាសមាជិកនៃសម្ពន្ធភាពនេះ ប្រាប់វីអូអេនៅថ្ងៃពុធនេះថាការរួមគ្នាបង្កើតសម្ពន្ធសមាគមអ្នកសារព័ត៌មានកម្ពុជា គឺដោយសារតែកន្លងមកសមាគមទាំងនោះបានធ្វើការដាច់ដោយឡែកពីគ្នា ហើយមាន ការប្រកួតប្រជែងគ្នា។
លោក ណុប វី លើកឡើងថា ការបង្កើតស្ថាប័នប្រព័ន្ធផ្សព្វផ្សាយសាធារណៈឯករាជ្យដែលផ្ដល់មូលនិធិដោយប្រាក់បង់ពន្ធរបស់ពលរដ្ឋនឹងជួយជំរុញឱ្យសង្គមកម្ពុជា មានលំហប្រជាធិបតេយ្យឡើងវិញ ក្រោយពីវីអូឌី ត្រូវបានបិទ។
ការបិទវីអូឌីបណ្តាលឱ្យប៉ះពាល់ដល់អ្នកសារព័ត៌មានជាង ៣០ រូប បូករួមនិងអ្នកសារព័ត៌មាន Freelance ផ្សេងទៀត ដែលតែងតែសរសេរអត្ថបទឱ្យស្ថាប័នមួយនេះ។
ក្រោយការបិទសារព័ត៌មានវីអូឌី (VOD) ដែលបានដំណើរការ២០ឆ្នាំមកហើយ សារព័ត៌មាន Freshnews ដែលស្និទ្ធនឹងរដ្ឋាភិបាល ជាបន្តបន្ទាប់បានផ្សព្វផ្សាយថា វីអូឌីពាក់ព័ន្ធនឹងផែនការ«បដិវត្តន៍ពណ៍» ដែលជាការចោទប្រកាន់ត្រូវបានប្រើប្រាស់ ដើម្បីរំលាយគណបក្សសង្រ្គោះជាតិ កាលពីឆ្នាំ២០១៧។
មន្រ្តីជាន់ខ្ពស់កម្ពុជាបានច្រានចោលការអះអាងរបស់ក្រុមអ្នករាយការណ៍ពិសេសអ.ស.ប. ដោយចាត់ទុកការលើកឡើងរបស់ពួកគេមានភាពលម្អៀង។ នេះបើតាមសេចក្តីថ្លែងការណ៍មួយរបស់លោក អ៊ិន តារា ឯកអគ្គរាជទូតនិងតំណាងអចិន្ត្រៃយ៍កម្ពុជាប្រចាំការិយាល័យអ.ស.ប.និងអង្គការអន្តរជាតិនៅទីក្រុងហ្សឺណែវ ដែលវីអូអេទទួលបាននៅថ្ងៃពុធនេះ។
ក្រោយបិទការផ្សព្វផ្សាយទាំងស្រុងរបស់សារព័ត៌មានវីអូឌី លោក ហ៊ុន សែន បានថ្លែងថា លោកនឹងមិនឱ្យស្ថាប័នមួយនេះដំណើរការឡើងវិញឡើយ ដោយលោកថា សារព័ត៌មានមួយនេះបានផ្សព្វផ្សាយនូវព័ត៌មានមិនពិត ប៉ះពាល់ធ្ងន់ធ្ងរដល់រដ្ឋាភិបាល និងបង្កើតការមិនទុកចិត្តក្នុងរដ្ឋាភិបាល។
ព័ត៌មានផ្សេងទៀត
No media source currently available
