ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​ស្ទង់​មតិ​ថ្មី​របស់​អង្គការ ​Gallup ​លើ​ទស្សនៈ​ពលរដ្ឋ​រុស្ស៊ី​និង​អាមេរិកាំង​ចំពោះ​គ្នា​ទៅ​វិញ​ទៅមក


រូបឯកសារ៖ ប្រធានាធិបតី​រុស្ស៊ី Vladimir Putin ថ្លែង​ទៅ​កាន់​សភា​ និង​មន្ត្រី​រដ្ឋាភិបាល​ នៅ​ទីក្រុង​មូស្គូ។

ទស្សនៈ​របស់ពលរដ្ឋ​អាមេរិកាំង​ចំពោះប្រទេស​រុស្ស៊ី​បាន​ធ្លាក់​ចុះ​ដល់​កម្រិត​ដែលមិន​បាន​ឃើញ​ចាប់​តាំង​ពី​ការ​ដួល​រលំ​សហភាព​សូវៀត​មក។ នេះ​បើ​តាមការ​ស្ទង់​មតិ​ដែល​បាន​ចេញ​ផ្សាយ​កាល​ពី​ពេល​ថ្មីៗ​នេះ​ដោយ​មជ្ឈ​មណ្ឌល​ស្ទង់​មតិ Gallup ដែល​មាន​ទីតាំង​នៅ​សហរដ្ឋ​អាមេរិក។

ទិន្ន័យ​បាន​ប្រាប់​ឲ្យ​ដឹង​ថា ​ពលរដ្ឋ​អាមេរិកាំង​ចំនួន​៥២​ភាគ​រយ ​មើល​ឃើញ​អំ​ណាច​យោធា​រុស្ស៊ី​ថា​ ជា​ការ​គំរាម​កំហែង​ដោយ​ផ្ទាល់​ដល់​ផល​ប្រយោជន៍​របស់​សហរដ្ឋ​អា មេរិក ហើយ​ថា​ពលរដ្ឋ​អាមេរិក​១ភាគ​៣ ​ចាត់​ទុក​រុស្ស៊ី​ជា​គូ​សត្រូវ​ដ៏​ខ្លាំង​បំផុត​របស់​សហរដ្ឋ​អាមេរិក ដោយ​មាន​ន័យ​ថា បាន​ប្តូរប្រទេស​កូរ៉េខាង​ជើង​ដែល​ស្ថិត​នៅ​លើ​គេ​បំផុត​នៅ​ក្នុង​ចំណាត់ថ្នាក់​ប្រចាំ​ឆ្នាំ​របស់​អង្គការ​ Gallup​ ស្តី​ពី​សត្រូវ​របស់​សហរដ្ឋ​អាមេរិក។

អង្គការ​ស្ទង់​មតិ​ Gallup​ នោះ​បាន​ឲ្យ​ដឹង​ទៀត​ថា​ ចំនួន​ភាគរយ​នៃ​ពល​រដ្ឋ​អាមេរិ​កាំង​ដែលមិន​ពេញ​ចិត្ត​ប្រទេស​រុស្ស៊ី​ក៏​បាន​កើន​ឡើង​ពី​ពិន្ទុ​១​ភាគរយ​ទៅ​ដល់​៧៣នៅ​ក្នុង​ការ​ស្ទង់មតិ​កាល​ពី​ពេល​ថ្មីៗ​បំផុត​នេះ។

ការ​រក​ឃើញ​នោះ ​កើត​មាន​ឡើង​បន្ទាប់​ពី​ការ​ស្ទង់​មតិ​កាល​ពី​ខែ​មករា ​ឆ្នាំ២០១៨​ ដោយ​មជ្ឈមណ្ឌល​ឯករាជ្យ​ Levada​ ដែល​មាន​ទីតាំង​នៅ​ក្នុង​ទីក្រុង​មូស្គូ បាន​បង្ហាញ​ថា ពលរដ្ឋ​រុស្ស៊ី​ចំនួន​២​ភាគ​៣ ​បាន​ហៅ​សហរដ្ឋ​អាមេរិក​ជាសត្រូវ​ដ៏​សំ​ខាន់​របស់​ខ្លួន។

លោក ​Pavel Sharikov ​ជា​អ្នកស្រាវជ្រាវ​ជាន់​ខ្ពស់​ម្នាក់​នៅឯវិទ្យា​ស្ថាន​សម្រាប់​ការ​សិក្សា​សហរដ្ឋ​អាមេរិក​និង​កាណា​ដា​នៅឯ​បណ្ឌិត្យ​សភា​វិទ្យា​សាស្រ្ត​រុស្ស៊ី ​និយាយ​ថា ​ទោះ​បី​លទ្ធផល​នៅ​ពេល​ថ្មី​បំផុត​ជា​បុព្វហេតុ​នៃ​ការ​ព្រួយ​កង្វល់​ ទស្សន​វិស័យ ​ប្រហែល​មិន​អាប់​អួរ​ដូច្នេះ​ទេ៕

អត្ថបទ​ទាក់ទង

XS
SM
MD
LG