អតីតប្រធានាធិបតីសហរដ្ឋអាមេរិកលោកបារ៉ាក់ អូបាម៉ា និងលោកស្រីហ៊ីឡារី គ្លីនតុនអតីតបេក្ខជនប្រធានាធិបតីខាងគណបក្សប្រជាធិបតេយ្យនៅតែជាបុរសនិងស្ត្រីដែលទទួលបានការកោតសរសើរដ៏ខ្លាំបំផុតរបស់ពិភពលោកនៅក្នុងចំណោមប្រជាពលរដ្ឋអាមេរិកាំង នេះយោងតាមការស្ទង់មតិថ្មីមួយដោយអង្គការ Gallup។
ការស្ទង់មតិបានរកឃើញថា លោកអូបាម៉ា និងលោកស្រីគ្លីនតុនបានរក្សាឋានៈភាពដែលមានការគោរពយ៉ាងខ្លាំងបំផុតសម្រាប់រយៈពេល១០ឆ្នាំកន្លងមកនេះ ដោយប្រៀបធៀបទៅនឹងប្រធានាធិបតីត្រាំមានតែ១៤ភាគរយដែលស្ថិតនៅក្នុងលំដាប់ទី២។
លោកស្រីគ្លីនតុនដែលជាអតីតរដ្ឋមន្ត្រីការបរទេសដែរនោះ បានឈ្នះលោកជំទាវ Michael Obama ដោយសំឡេងឆ្នោត៩ភាគរយនិង៧ភាគរយ។
នេះជារយៈពេល១៦ឆ្នាំជាប់ៗគ្នាដែលការស្ទង់មតិនោះបានបង្ហាញថា លោកស្រីគ្លីនតុនជាស្ត្រីដែលទទួលបានការកោតសរសើរដ៏ខ្លាំងបំផុត។ នេះក៏ជាលើកទី២២ដែលលោកស្រីគ្លីនតុនបានទទួលការសរសើរបែបនេះជាងឥស្សរជនផ្សេងៗទៀត ដោយអតីតស្ត្រីទី១ Eleanor Roosevelt បានស្ថិតនៅក្នុងលំដាប់ទី២ដោយឈ្នះអតីតស្ត្រីទី១ចំនួន១៣នាក់ទៀត។
លោកអូបាម៉ាបានទទួលកិត្តិយសជាបុរសដែលបានទទួលការកោតសរសើរបំផុតចំនួន១០ដង ដោយស្ថិតនៅលំដាប់ទី២បន្ទាប់ពីអតីតប្រធានាធិបតី Dwight Eisenhower ដែលបានទទួលការកោតសរសើរបំផុតចំនួន១២ដង។
ទោះជាយ៉ាងណាក៏ដោយកិត្តិស័ព្ទនៅពេលថ្មីៗនេះរបស់លោកស្រីគ្លីនតុននិងលោកអូបាម៉ាមិនខ្លាំងដូចដែលពួកអស់លោកបានទទួលកាលពីឆ្នាំមុនៗទេ៕
