ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សហរដ្ឋ​អាមេរិក​ដក​ខ្លួន​ចេញ​ពី​សន្ធិ​សញ្ញា​កម្លាំង​នុយក្លេអ៊ែរ​វង់​ប្រតិបត្តិការ​មធ្យម


រូប​ឯកសារ៖ ផ្នែក​នៃ​ប្រព័ន្ធ​មីស៊ីល​ SSC-8/9M729 ដែល​ត្រូវ​ដាក់​តាំង​បង្ហាញ​នៅ​ក្រសួង​ការពារ​ជាតិ​រុស្ស៊ី នៅ​ទីក្រុង​មូស្គូ ​ប្រទេស​រុស្ស៊ី កាល​លពី​ខែ​មករា ២០១៩។

សហរដ្ឋ​អាមេរិក​នៅ​ថ្ងៃ​សុក្រ​នេះ ​បាន​ដក​ខ្លួន​ចេញ​ពី​សន្ធិ​សញ្ញា​កម្លាំង​នុយក្លេអ៊ែរ​វង់ប្រតិបត្តិការ​មធ្យមឬ ​(INF)​ ដើម្បី​អភិវឌ្ឍ​ក្បាល​កាំជ្រួច​ថ្មី​របស់​ខ្លួន​បន្ទាប់​ពី​ប្រ​ទេស​រុស្ស៊ី​បដិសេធ​មិន​កម្ទេច​កាំជ្រួច​មីស៊ីល​ថ្មី​របស់​ខ្លួន។ ​អង្គការ​អូតង់​និយាយ​ថា​រុស្ស៊ី​បាន​រំលោភ​សន្ធិសញ្ញា​នោះ។

លោក ​Mike Pompeo ​រដ្ឋមន្រ្តី​ការបរទេស​សហរដ្ឋ​អាមេរិក​បាន​ថ្លែង​ថា៖ «រុស្ស៊ី​មិន​បាន​វិល​ត្រឡប់​ទៅ​អនុវត្ត​ឲ្យ​បាន​ពេញ​ទំហឹងនិង​មាន​ការ​ត្រួត​ពិនិត្យ​តាម​រយៈ​ការ​កម្ទេច​ប្រព័ន្ធ​កាំជ្រួច​មីស៊ីលប្រភេទ ​SSC-8 ឬ ​9M729​ ដែល​បាញ់​ពី​ដី​ឬ​កាំជ្រួច​មីស៊ីល​វង់​ប្រតិបត្តិការ​មធ្យម។ រុស្ស៊ី​ត្រូវ​តែ​ទទួល​ខុស​ត្រូវ​ចំពោះ​ការ​បញ្ឈប់​កិច្ច​ព្រម​ព្រៀង​នេះ»។

ក្នុង​សេចក្តី​ថ្លែងការណ៍ ​លោក​រដ្ឋ​មន្រ្តីការ​បរទេស​អាមេរិក​ Pompeo​ បាន​និយាយ​ថា ​សហរដ្ឋ​អាមេរិក​នឹង​មិន​ស្ថិត​នៅ​ជាភាគី​មួយ​នៃ​សន្ធិសញ្ញា​ដែល​ត្រូវ​បាន​រំលោភដោយ​រុស្ស៊ី​ទេ។ ការ​មិន​អនុវត្ត​តាម​សន្ធិ​សញ្ញាដោយ​ប្រទេស​រុស្ស៊ី ​បាន​ធ្វើ​ឲ្យ​គ្រោះ​ថ្នាក់​ដល់​ផល​ប្រយោជន៍​របស់​សហរដ្ឋ​អាមេរិក​យ៉ាង​ខ្លាំង​នៅ​ពេល​ដែល​ការ​អភិវឌ្ឍ​និង​ការ​ប្រកួត​ប្រជែងប្រព័ន្ធ​កាំជ្រួច​មីស៊ីល​ដែល​រំលោភសន្ធិ​សញ្ញា​របស់​រុស្ស៊ី ​គំរាម​កំហែង​ដោយ​ផ្ទាល់​ដល់​សហរដ្ឋ​អាមេរិក​ និង​សម្ព័ន្ធ​មិត្ត​និង​ដៃ​គូ​របស់​យើង​នោះ។

ប្រធានា​ធិបតី​សហរដ្ឋ​អាមេរិក​លោក​ ដូណាល់ ​ត្រាំ សង្ឃឹម​ថា ​កិច្ច​ព្រម​ព្រៀង​ថ្មី​អាច​ត្រូវ​ជំនួស​សន្ធិសញ្ញា​សម័យ​សង្គ្រាម​ត្រជាក់។

ក៏ប៉ុន្តែ​ លោក​ប្រធានាធិបតី​ ត្រាំ ថ្លែង​នៅ​សួន​ច្បារ​ខាង​ត្បូង​សេតវិមាន​មុន​ពេល​ឡើងជិះ​ឧទ្ធម្ភាគ​ចក្រ​ Marine One​ ថា៖ «យើង​នឹង​មិន​ពិភាក្សា​សន្ធិសញ្ញា​កម្លាំង​នុយក្លេអ៊ែរ វង់ប្រតិបត្តិការ​មធ្យមឬ ​(INF)​ នៅ​ពេល​ដែល​លោក ​និយាយ​ទៅ​កាន់​ប្រធានា​ធិបតី​រុស្ស៊ី Vladimir Putin ​កាល​ពី​ប៉ុន្មាន​ថ្ងៃ​មុន»៕

អត្ថបទ​ទាក់ទង

XS
SM
MD
LG