ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

គណៈកម្មការ​រៀបចំ​ការ​បោះ​ឆ្នោត​ថៃ​ថា គណបក្ស​ដែល​មាន​ទំនោរ​ទៅ​រក​ពួក​យោធា​ឈ្នះ​សំឡេង​ឆ្នោត


រូបឯកសារ៖ លោក​ Prayuth Chan-ocha នៃគណបក្ស​ Palang Paracharat ទទួលផ្កាពីក្រុមអ្នកគាំទ្រអំឡុងពេលយុទ្ធនាការ​ឃោសនាបោះឆ្នោតនៅក្រុងបាងកក ប្រទេសថៃ កាលពីថ្ងៃទី២២ ខែមីនា ឆ្នាំ២០១៩។ 

ទោះបីជា​លទ្ធផល​នេះ​តំណាង​ឲ្យ​សន្លឹក​ឆ្នោត​ទាំង​អស់​ដែល​បាន​រាប់​ក៏​ដោយ ចំនួន​សរុប​នេះ​នៅតែ​មិន​ទាន់​ផ្លូវការ​នៅ​ឡើយ រហូត​ទាល់តែ​គណៈកម្មការ​រៀបចំ​ការ​បោះ​ឆ្នោត​ប្រកាស​លទ្ធផល​ផ្លូវការ​នៅ​ថ្ងៃ​ទី ៩ ខែ​ឧសភា​ខាង​មុខ។

គណៈកម្មការ​រៀបចំ​ការ​បោះ​ឆ្នោត​នៅ​ប្រទេស​ថៃ​បាន​បញ្ជាក់​នៅ​ថ្ងៃ​ព្រហស្បតិ៍​នេះ​ថា គណបក្ស Palang Pracharat ដែល​មាន​ទំនោរ​ទៅ​រក​ពួក​យោធា បាន​ឈ្នះ​ចំនួន​សំឡេង​ឆ្នោត​នៅ​ក្នុង​ការ​បោះ​ឆ្នោត​កាល​ពី​ថ្ងៃ​ទី ២៤ ខែ​មីនា​កន្លង​ទៅ​នេះ ដោយ​ទទួល​បាន​សំឡេង​ឆ្នោត​ចំនួន ៨ លាន ៤ សែន​សំឡេង។

លោក Krit Urwongse អគ្គលេខាធិការ​រង​នៃ​គណៈកម្មការ​រៀបចំ​ការ​បោះ​ឆ្នោត បាន​និយាយ​ថា គណបក្ស Pheu Thai ដែល​ជា​គណបក្ស​ប្រឆាំង​ចម្បង ដែល​ត្រូវ​បាន​ទម្លាក់​នៅ​ក្នុង​ការ​ធ្វើ​រដ្ឋប្រហារ​យោធា​កាល​ពី ៥ ឆ្នាំ​មុន ទទួល​បាន​សំឡេង​ឆ្នោត​ចំនួន ៧ លាន ៩ សែន​សំឡេង។

ទោះបីជា​លទ្ធផល​នេះ​តំណាង​ឲ្យ​សន្លឹក​ឆ្នោត​ទាំង​អស់​ដែល​បាន​រាប់​ក៏​ដោយ ចំនួន​សរុប​នេះ​នៅតែ​មិន​ទាន់​ផ្លូវការ​នៅ​ឡើយ រហូត​ទាល់តែ​គណៈកម្មការ​រៀបចំ​ការ​បោះ​ឆ្នោត​ប្រកាស​លទ្ធផល​ផ្លូវការ​នៅ​ថ្ងៃ​ទី ៩ ខែ​ឧសភា​ខាង​មុខ។

គណៈកម្មការ​រៀបចំ​ការ​បោះ​ឆ្នោត​មិន​ទាន់​ប្រកាស​អំពី​ចំនួន​អាសនៈ​សរុប​ដែល​គណបក្ស​នីមួយៗ​ទទួល​បាន​នៅ​ក្នុង​រដ្ឋសភា​ដែល​មាន​អាសនៈ​សរុប​ចំនួន ៥០០ នេះ​ទេ។

ទាំង​គណបក្ស Palang Pracharat ដែល​ធ្វើ​យុទ្ធនាការ​ឲ្យ​ជ្រើសរើស​លោក​នាយករដ្ឋមន្ត្រី Prayuth Chan-Ocha ឲ្យ​ធ្វើ​ជា​នាយករដ្ឋមន្ត្រី​នៅ​អាណត្តិ​បន្ទាប់​ទៀត និង​ទាំង​សម្ព័ន្ធ​ភាព​គណបក្ស​ចម្រុះ​ប្រឆាំង​នឹង​រដ្ឋាភិបាល​យោធា សុទ្ធតែ​អះអាង​ថា​ខ្លួន​មាន​សិទ្ធិ​បង្កើត​រដ្ឋាភិបាល​នៅ​អាណត្តិ​បន្ទាប់។

ប៉ុន្តែ​គេ​នៅតែ​មិន​ច្បាស់​ថា​តើ​ភាគី​នីមួយៗ​មាន​លទ្ធភាព​គៀងគរ​ការ​បោះ​ឆ្នោត​គ្រប់គ្រាន់​នៅ​ក្នុង​រដ្ឋសភា​ដើម្បី​បង្កើត​រដ្ឋាភិបាល​ថ្មី​បាន​ឬ​ក៏​យ៉ាង​ណា​នោះ៕

XS
SM
MD
LG