ភ្នំពេញ —
ជំនួបបិទទ្វារជាង៣ម៉ោងរវាងក្រុមការងារពិសេសមកពីគណបក្សប្រជាជនកម្ពុជានិងគណបក្សសង្គ្រោះជាតិកាលពីថ្ងៃអង្គារមិនទទួលបានលទ្ធផលតាមការរំពឹងទុកទេ។ ក្រុមការងារនៃគណបក្សដែលមានជម្លោះទាំងពីរសន្យាថានឹងរកពេលវេលាជួបគ្នាសារជាថ្មីនៅចុងសប្តាហ៍នេះ។
ក្រុមការងារពិសេសដែលមានម្ខាងៗចំនួន៥រូបបានជួបគ្នាសារជាថ្មីនៅមន្ទីររដ្ឋសភាជាតិដើម្បីរកវិធីសាស្ត្រទម្លុះទម្លាយភាពជាប់គាំងនយោបាយក្រោយការបោះឆ្នោត។
ក្រុមអ្នកកាសែតត្រូវបានអនុញ្ញាតឱ្យចូលថតយករូបភាពរយៈពេលប្រមាណ៣នាទីប៉ុណ្ណោះបន្ទាប់មកមិនត្រូវអនុញ្ញាតឱ្យចូលស្តាប់ខ្លឹមសារនៃការចរចារវាងគណបក្សទាំងពីរទេ។
អ្នកតំណាងមកពីគណបក្សសង្គ្រោះជាតិមានលោកយឹម សុវណ្ណនិងគណបក្សប្រជាជនកម្ពុជាដឹកនាំដោយលោក ព្រំ សុខា បានបញ្ជាក់បា្រប់ក្រុមអ្នកកាសែតដែលឈររង់ចាំលទ្ធផលនៃជំនួបនេះថាជំនួបគ្នានេះបាននិយាយច្រើនទៅលើកំណែទម្រង់ប្រព័ន្ធបោះឆ្នោត។
ក្រុមការងារពិសេសមកពីគណបក្សទាំងពីរបានអះអាងថានឹងរាយការណ៍អំពីលទ្ធផលជំនួបនេះទៅកាន់ថ្នាក់ដឹកនាំកំពូលរៀងៗខ្លួនជាអ្នកសម្រេច។
លោក យឹម សុវណ្ណអ្នកនាំពាក្យគណបក្សសង្គ្រោះជាតិបានបញ្ជាក់ថាយើងបានជជែកគ្នាច្រើនពាក់ព័ន្ធនឹងចំណុច«នយោបាយ»ដែលផ្តោតទៅលើកំណែទម្រង់ស្ថាប័នជាតិសំខាន់ៗ។
លោកនិយាយថា៖ «តាមធម្មតាការជជែកគ្នាវាមានការឯកភាពគ្នាខ្លះហើយវាមានការមិនឯកភាពគ្នាខ្លះ។ អញ្ចឹងហើយខ្ញុំសុំមិនបញ្ចេញជាសាធារណៈទេប៉ុន្តែគ្រាន់តែថា យើងខ្ញុំនឹងរាយការណ៍ជូនថ្នាក់ដឹកនាំកំពូលដើម្បីធ្វើការសម្រេច»។
គណបក្សសង្គ្រោះជាតិបានលើកយកចំណុចបីសំខាន់សម្រាប់ធ្វើជារបៀបវារៈក្នុងការចរចាគឺទាមទារឱ្យបង្កើតគណៈកម្មការពិសេសស្វែងរកការពិតដើម្បីស៊ើបអង្កេតលទ្ធផលក្រោយការបោះឆ្នោត ស្នើសុំឱ្យថ្នាក់ដឹកនាំគ.ជ.បទាំង៩រូបលាឈប់ចេញពីមុខតំណែង និង កំណែទម្រង់គ.ជ.បយកតាមអនុសាសន៍របស់អង្គការសហប្រជាជាតិ វិទ្យាស្ថានជាតិប្រជាធិបតេយ្យ NDI និងអង្គការសង្គមស៊ីវិលឃ្លាំមើលការបោះឆ្នោតនៅកម្ពុជា។
លោក ព្រំ សុខា រដ្ឋលេខាធិការក្រសួងមហាផ្ទៃ និងជាអ្នកដឹកនាំគណៈប្រតិភូមកពីគណបក្សប្រជាជនបានឱ្យដឹងថាគណបក្សទាំងពីរបានព្រមព្រៀងគ្នាថានឹងប្រឹងប្រែងធ្វើកំណែទម្រង់ការបោះឆ្នោតនាពេលខាងមុខ។
លោកនិយាយថា៖ «យ៉ាងហោចណាស់ការជួបគ្នានេះជាយន្តការមួយដែលយើងបានឯកភាពគ្នា ប្រជុំកំពូលនោះគឺថាចំណុចទីពីរថាបង្កើតយន្តការដើម្បីកំណែទម្រង់ការបោះឆ្នោតនាពេលខាងមុខ។ដូច្នេះការជួបគ្នានេះគឺជារូបភាពមួយនៃយន្តការជួបគ្នាដើម្បីជជែកគ្នាអំពីការកែទម្រង់»។
ក្រោយការបោះឆ្នោតកាលពីថ្ងៃទី២៨ខែកក្កដាបានបង្ហាញឱ្យឃើញថា គណបក្សប្រជាជនកម្ពុជាទទួលបាន៦៨អាសនៈចំណែកឯគណបក្សសង្គ្រោះជាតិទទួលបាន៥៥អាសនៈ។
គណបក្សដែលទទួលបានសំឡេងគាំទ្រទាំងពីរកំពុងមានជម្លោះវិបត្តិនយោបាយដោយសារតែមិនបានបែងចែកឱ្យមានតុល្យភាពនៃអំណាច។
គណបក្សសង្គ្រោះជាតិបានទាមទារកាន់កាប់មុខតំណែងប្រធានរដ្ឋសភា និងបែងចែកឱ្យបានស្នើគ្នានូវតួនាទីជាសមាជិកគណៈកម្មាធិការអចិន្ត្រៃយ៍ទាំង១២នៃរដ្ឋសភា។
គណបក្សសង្គ្រោះជាតិក្រោយមកបានទាមទារឱ្យបែងចែកអំណាចក្នុងថា្នក់មូលដ្ឋានមានន័យថាខេត្ត ក្រុងមួយចំនួនដែលគណបក្សសង្គ្រោះជាតិបានឈ្នះឆ្នោតត្រូវបានកាន់តួនាទីជាអភិបាលខេត្តក្រុងនិងស្រុក ខណ្ឌតែការលើកឡើងនេះត្រូវបានមន្ត្រីគណបក្សប្រជាជនចាត់ទុកថាផ្ទុយទៅនឹងច្បាប់៕
ក្រុមការងារពិសេសដែលមានម្ខាងៗចំនួន៥រូបបានជួបគ្នាសារជាថ្មីនៅមន្ទីររដ្ឋសភាជាតិដើម្បីរកវិធីសាស្ត្រទម្លុះទម្លាយភាពជាប់គាំងនយោបាយក្រោយការបោះឆ្នោត។
ក្រុមអ្នកកាសែតត្រូវបានអនុញ្ញាតឱ្យចូលថតយករូបភាពរយៈពេលប្រមាណ៣នាទីប៉ុណ្ណោះបន្ទាប់មកមិនត្រូវអនុញ្ញាតឱ្យចូលស្តាប់ខ្លឹមសារនៃការចរចារវាងគណបក្សទាំងពីរទេ។
អ្នកតំណាងមកពីគណបក្សសង្គ្រោះជាតិមានលោកយឹម សុវណ្ណនិងគណបក្សប្រជាជនកម្ពុជាដឹកនាំដោយលោក ព្រំ សុខា បានបញ្ជាក់បា្រប់ក្រុមអ្នកកាសែតដែលឈររង់ចាំលទ្ធផលនៃជំនួបនេះថាជំនួបគ្នានេះបាននិយាយច្រើនទៅលើកំណែទម្រង់ប្រព័ន្ធបោះឆ្នោត។
ក្រុមការងារពិសេសមកពីគណបក្សទាំងពីរបានអះអាងថានឹងរាយការណ៍អំពីលទ្ធផលជំនួបនេះទៅកាន់ថ្នាក់ដឹកនាំកំពូលរៀងៗខ្លួនជាអ្នកសម្រេច។
លោក យឹម សុវណ្ណអ្នកនាំពាក្យគណបក្សសង្គ្រោះជាតិបានបញ្ជាក់ថាយើងបានជជែកគ្នាច្រើនពាក់ព័ន្ធនឹងចំណុច«នយោបាយ»ដែលផ្តោតទៅលើកំណែទម្រង់ស្ថាប័នជាតិសំខាន់ៗ។
លោកនិយាយថា៖ «តាមធម្មតាការជជែកគ្នាវាមានការឯកភាពគ្នាខ្លះហើយវាមានការមិនឯកភាពគ្នាខ្លះ។ អញ្ចឹងហើយខ្ញុំសុំមិនបញ្ចេញជាសាធារណៈទេប៉ុន្តែគ្រាន់តែថា យើងខ្ញុំនឹងរាយការណ៍ជូនថ្នាក់ដឹកនាំកំពូលដើម្បីធ្វើការសម្រេច»។
គណបក្សសង្គ្រោះជាតិបានលើកយកចំណុចបីសំខាន់សម្រាប់ធ្វើជារបៀបវារៈក្នុងការចរចាគឺទាមទារឱ្យបង្កើតគណៈកម្មការពិសេសស្វែងរកការពិតដើម្បីស៊ើបអង្កេតលទ្ធផលក្រោយការបោះឆ្នោត ស្នើសុំឱ្យថ្នាក់ដឹកនាំគ.ជ.បទាំង៩រូបលាឈប់ចេញពីមុខតំណែង និង កំណែទម្រង់គ.ជ.បយកតាមអនុសាសន៍របស់អង្គការសហប្រជាជាតិ វិទ្យាស្ថានជាតិប្រជាធិបតេយ្យ NDI និងអង្គការសង្គមស៊ីវិលឃ្លាំមើលការបោះឆ្នោតនៅកម្ពុជា។
លោក ព្រំ សុខា រដ្ឋលេខាធិការក្រសួងមហាផ្ទៃ និងជាអ្នកដឹកនាំគណៈប្រតិភូមកពីគណបក្សប្រជាជនបានឱ្យដឹងថាគណបក្សទាំងពីរបានព្រមព្រៀងគ្នាថានឹងប្រឹងប្រែងធ្វើកំណែទម្រង់ការបោះឆ្នោតនាពេលខាងមុខ។
លោកនិយាយថា៖ «យ៉ាងហោចណាស់ការជួបគ្នានេះជាយន្តការមួយដែលយើងបានឯកភាពគ្នា ប្រជុំកំពូលនោះគឺថាចំណុចទីពីរថាបង្កើតយន្តការដើម្បីកំណែទម្រង់ការបោះឆ្នោតនាពេលខាងមុខ។ដូច្នេះការជួបគ្នានេះគឺជារូបភាពមួយនៃយន្តការជួបគ្នាដើម្បីជជែកគ្នាអំពីការកែទម្រង់»។
ក្រោយការបោះឆ្នោតកាលពីថ្ងៃទី២៨ខែកក្កដាបានបង្ហាញឱ្យឃើញថា គណបក្សប្រជាជនកម្ពុជាទទួលបាន៦៨អាសនៈចំណែកឯគណបក្សសង្គ្រោះជាតិទទួលបាន៥៥អាសនៈ។
គណបក្សដែលទទួលបានសំឡេងគាំទ្រទាំងពីរកំពុងមានជម្លោះវិបត្តិនយោបាយដោយសារតែមិនបានបែងចែកឱ្យមានតុល្យភាពនៃអំណាច។
គណបក្សសង្គ្រោះជាតិបានទាមទារកាន់កាប់មុខតំណែងប្រធានរដ្ឋសភា និងបែងចែកឱ្យបានស្នើគ្នានូវតួនាទីជាសមាជិកគណៈកម្មាធិការអចិន្ត្រៃយ៍ទាំង១២នៃរដ្ឋសភា។
គណបក្សសង្គ្រោះជាតិក្រោយមកបានទាមទារឱ្យបែងចែកអំណាចក្នុងថា្នក់មូលដ្ឋានមានន័យថាខេត្ត ក្រុងមួយចំនួនដែលគណបក្សសង្គ្រោះជាតិបានឈ្នះឆ្នោតត្រូវបានកាន់តួនាទីជាអភិបាលខេត្តក្រុងនិងស្រុក ខណ្ឌតែការលើកឡើងនេះត្រូវបានមន្ត្រីគណបក្សប្រជាជនចាត់ទុកថាផ្ទុយទៅនឹងច្បាប់៕
