ភ្នំពេញ —
រយៈពេលបីឆ្នាំក្រោយពីការរត់ជាន់គ្នានៅលើស្ពានពេជ្រនៃមជ្ឈមណ្ឌលកម្សាន្តកោះពេជ្រ សាលាក្រុងភ្នំពេញបានប្រកាសថា គ្រោងនឹងនិមន្តព្រះសង្ឃប្រមាណ១០៨អង្គដើម្បីធ្វើពិធីតាមបែបព្រះពុទ្ធសាសនាគម្រប់ខួបបីឆ្នាំ។
លោក ឡុង ឌីម៉ង់ អ្នកនាំពាក្យសាលាក្រុងភ្នំពេញបានបញ្ជាក់នៅថ្ងៃសុក្រនេះថា សាលាក្រុងភ្នំពេញនឹងរៀបចំធ្វើពិធីបុណ្យបង្សុកូលនិងរាប់បាតព្រះសង្ឃដើម្បីជាការរំឭកខួបព្រឹត្តិការណ៍នៃការរត់ជាន់គ្នានៅលើស្ពានពេជ្រ។
លោកបានបញ្ជាក់ថា៖ «ដឹងហើយថាព្រះពុទ្ធសាសនាជាសាសនារបស់រដ្ឋយើងប្រកាន់ខ្ជាប់អញ្ចឹង។ធម្មតាបើមានបញ្ហាអ្វីមួយកើតឡើងរហូតដល់មានស្លាប់ជាការធម្មតាដែលយើងរៀបចំធ្វើពិធីរំឭកខួបហ្នឹង»។
កាលពីថ្ងៃទី២២ខែវិច្ឆិកាឆ្នាំ២០១០នៅថ្ងៃបញ្ចប់នៃព្រះរាជពិធីបុណ្យអុំទូកនិងអកអំបុកមានព្រឹត្តិការណ៍រត់ជាន់គ្នាដ៏គួរឱ្យរន្ធត់មួយនៅលើស្ពានពេជ្រនៃមជ្ឈមណ្ឌលកម្សាន្តកោះពេជ្រ។
មានមនុស្សប្រមាណ៣៥៣នាក់ដែលភាគច្រើនជាយុវជនបានស្លាប់បាត់បង់ជីវិតនិងជិត៤០០នាក់ផ្សេងទៀតបានរងរបួស។ មានជនរងគ្រោះខ្លះបានធ្លាក់ខ្លួនពិការដល់សព្វថ្ងៃដោយសារជាន់ពីលើគ្នា។
លោកយ៉ែម បុញ្ញឬទ្ធិអ្នកនាំពាក្យគណបក្សសង្គ្រោះជាតិបានបញ្ជាក់ថានៅល្ងាចថ្ងៃសុក្រនេះគណបក្សនឹងបើកិច្ចប្រជុំពិភាក្សាដើម្បីសម្រេចធ្វើពិធីបុណ្យខួប៣ឆ្នាំនៃការរត់ជាន់គ្នានៅលើកោះពេជ្រ។
លោកបានឱ្យដឹងថា សោកនាដកម្មនៅលើកោះពេជ្រជាព្រឹត្តិការណ៍មួយមិនអាចបំភ្លេចបានហើយអ្នកទទួលខុសត្រូវគួរតែត្រូវបាននាំខ្លួនមកផ្តន្ទាទោស។
លោកនិយាយថា៖ «យើងមានការសោកស្តាយដោយគ្មានការទទួលខុសត្រូវរបស់អាជ្ញាធរបន្តិចសោះ។ ប្រជាពលរដ្ឋខ្មែរស្លាប់រាប់រយនាក់ រាល់លើកឱ្យតែមានប្រជាពលរដ្ឋខ្មែរស្លាប់គេមិនដែលវែកមុខរកអ្នកទទួលខុសត្រូវពិតប្រាកដទេ»។
គ្មានមន្ត្រីរដ្ឋាភិបាលនិងសមត្ថកិច្ចណាម្នាក់ទទួលកំហុសទេបន្ទាប់ពីលោកនាយករដ្ឋមន្ត្រីហ៊ុន សែនកាលនោះចេញមុខការពារថាជាការទទួលខុសត្រូវរួម មិនមែនមានកំហុសណាម្នាក់ទេ។
![សោកនាដកម្មនៅកោះពេជ្រជារឿងសំខាន់ក្នុងសារព័ត៌មានអាមេរិកខាងជើង]()
កម្រងរូបភាព
លោក សួង សោភ័ណ្ឌប្រធានក្រុមយុវជនខាងគណបក្សប្រឆាំងបានហ៊ានចេញមុខប្តឹងលោកកែប ជុតិមា អតីតអភិបាលក្រុងភ្នំពេញ លោកទូច ណារុថ អតីតស្នងការក្រុងនិងលោកនាយករដ្ឋមន្ត្រីហ៊ុន សែនទៅកាន់តុលាការក្រុងភ្នំពេញពីបទមនុស្សឃាតគិតទុកជាមុនពាក់ព័ន្ធនឹងសោកនាដកម្មនៅលើកោះពេជ្រ។
តុលាការក្រុងក្រោយមកបានទម្លាក់ចោលពាក្យបណ្តឹងរបស់លោកសួង សោភ័ណ្ឌដោយចាត់ទុកថាពុំមានភស្តុតាងគ្រប់គ្រាន់តាមទម្រង់ច្បាប់។
លោក សួង សោភ័ណ្ឌក្រោយមកបានព្រមានថានឹងដាក់ពាក្យបណ្តឹងទៅកាន់តុលាការយុត្តិធម៌អន្តរជាតិតែក្រោយមកបានស្ងប់ស្ងាត់ទៅវិញ។
លោកបានបញ្ជាក់នៅថ្ងៃសុក្រនេះថាលោកមិននៅស្ងៀមទេពាក់ព័ន្ធនឹងសោកនាដកម្មនេះ
លោកនិយាយថា៖ «សូមបញ្ជាក់ថាខ្ញុំអត់បាននៅស្ងៀមទេហើយក្រោយពីការប្រមូលភស្តុតាងយ៉ាងលម្អិតហើយនឹងមានការគាំទ្រពីក្រុមរបស់ខ្ញុំ។ យុវជនយើងច្រើនហើយខ្ញុំនឹងដាក់ពាក្យបណ្តឹងនេះទៅតុលាការអន្តរជាតិជាដាច់ខាត»។
លោកកែប ជុតិមា និងលោកទូច ណារុថ ក្រោយមកប្រមាណជិតពីរឆ្នាំបានធ្លាក់ចេញពីមុខតំណែងក៏ប៉ុន្តែគ្មានប្រភពបញ្ជាក់ថាអ្នកទាំងពីរធ្លាក់ពីមុខតំណែងដោយសារព្រឹត្តិការណ៍រត់ជាន់គ្នានៅកោះពេជ្រទេ៕
លោក ឡុង ឌីម៉ង់ អ្នកនាំពាក្យសាលាក្រុងភ្នំពេញបានបញ្ជាក់នៅថ្ងៃសុក្រនេះថា សាលាក្រុងភ្នំពេញនឹងរៀបចំធ្វើពិធីបុណ្យបង្សុកូលនិងរាប់បាតព្រះសង្ឃដើម្បីជាការរំឭកខួបព្រឹត្តិការណ៍នៃការរត់ជាន់គ្នានៅលើស្ពានពេជ្រ។
លោកបានបញ្ជាក់ថា៖ «ដឹងហើយថាព្រះពុទ្ធសាសនាជាសាសនារបស់រដ្ឋយើងប្រកាន់ខ្ជាប់អញ្ចឹង។ធម្មតាបើមានបញ្ហាអ្វីមួយកើតឡើងរហូតដល់មានស្លាប់ជាការធម្មតាដែលយើងរៀបចំធ្វើពិធីរំឭកខួបហ្នឹង»។
កាលពីថ្ងៃទី២២ខែវិច្ឆិកាឆ្នាំ២០១០នៅថ្ងៃបញ្ចប់នៃព្រះរាជពិធីបុណ្យអុំទូកនិងអកអំបុកមានព្រឹត្តិការណ៍រត់ជាន់គ្នាដ៏គួរឱ្យរន្ធត់មួយនៅលើស្ពានពេជ្រនៃមជ្ឈមណ្ឌលកម្សាន្តកោះពេជ្រ។
មានមនុស្សប្រមាណ៣៥៣នាក់ដែលភាគច្រើនជាយុវជនបានស្លាប់បាត់បង់ជីវិតនិងជិត៤០០នាក់ផ្សេងទៀតបានរងរបួស។ មានជនរងគ្រោះខ្លះបានធ្លាក់ខ្លួនពិការដល់សព្វថ្ងៃដោយសារជាន់ពីលើគ្នា។
លោកយ៉ែម បុញ្ញឬទ្ធិអ្នកនាំពាក្យគណបក្សសង្គ្រោះជាតិបានបញ្ជាក់ថានៅល្ងាចថ្ងៃសុក្រនេះគណបក្សនឹងបើកិច្ចប្រជុំពិភាក្សាដើម្បីសម្រេចធ្វើពិធីបុណ្យខួប៣ឆ្នាំនៃការរត់ជាន់គ្នានៅលើកោះពេជ្រ។
លោកបានឱ្យដឹងថា សោកនាដកម្មនៅលើកោះពេជ្រជាព្រឹត្តិការណ៍មួយមិនអាចបំភ្លេចបានហើយអ្នកទទួលខុសត្រូវគួរតែត្រូវបាននាំខ្លួនមកផ្តន្ទាទោស។
លោកនិយាយថា៖ «យើងមានការសោកស្តាយដោយគ្មានការទទួលខុសត្រូវរបស់អាជ្ញាធរបន្តិចសោះ។ ប្រជាពលរដ្ឋខ្មែរស្លាប់រាប់រយនាក់ រាល់លើកឱ្យតែមានប្រជាពលរដ្ឋខ្មែរស្លាប់គេមិនដែលវែកមុខរកអ្នកទទួលខុសត្រូវពិតប្រាកដទេ»។
គ្មានមន្ត្រីរដ្ឋាភិបាលនិងសមត្ថកិច្ចណាម្នាក់ទទួលកំហុសទេបន្ទាប់ពីលោកនាយករដ្ឋមន្ត្រីហ៊ុន សែនកាលនោះចេញមុខការពារថាជាការទទួលខុសត្រូវរួម មិនមែនមានកំហុសណាម្នាក់ទេ។
សោកនាដកម្មនៅកោះពេជ្រជារឿងសំខាន់ក្នុងសារព័ត៌មានអាមេរិកខាងជើង
នៅមួយថ្ងៃក្រោយឧបទ្ទវហេតុរត់ជាន់គ្នាលើស្ពានពេជ្រទីក្រុងភ្នំពេញដែលបានសម្លាប់មនុស្សយ៉ាងតិច៣៥១នាក់ សារព័ត៌មានសំខាន់ៗនៅសហរដ្ឋអាមេរិកនិងប្រទេសកាណាដាបានចុះផ្សាយអំពីសោកនាដកម្មខ្មែរនេះនៅក្នុងទំព័រមុខរបស់ខ្លួន។ សារមន្ទីរព័ត៌មានដ៏ទំនើបក្នុងរដ្ឋធានីវ៉ាស៊ីនតោន ដែលនៅមិនឆ្ងាយប៉ុន្មានពីសភាសហរដ្ឋអាមេរិកនោះ បានប្រមូលផ្តុំទំព័រមុខរបស់សារព័ត៌មានដែលផ្សាយតាមរដ្ឋនិងទូទាំងប្រទេសនៅសហរដ្ឋអាមេរិកនិងប្រទេសកាណាដា។ សារព័ត៌មានសំខាន់ៗទាំងអស់នេះ បានចុះផ្សាយអំពីព្រឹត្តិការណ៍នៅកម្ពុជានៅទំព័រមុខរបស់ខ្លួន ដែលនេះបង្ហាញឲ្យឃើញពីសារៈសំខាន់នៃរឿងនេះនៅក្នុងថ្ងៃទី២៣ខែវិច្ឆិកាឆ្នាំ២០១០ មួយថ្ងៃក្រោយពីសោកនាដកម្មដ៏ប្រល័យនេះ។ រឿងនេះនិងរូបភាពនៃការកកកុញគ្នានៅលើស្ពានពេជ្រ បានទាក់ទាញចំណាប់អ្នកថ្មើរជើងដែលដើរកាត់សារមន្ទីរនេះរហូតដល់ពេលយប់ទៀត។ (ដោយ សឹង សុផាត វីអូអេ ខ្មែរ)
លោក សួង សោភ័ណ្ឌប្រធានក្រុមយុវជនខាងគណបក្សប្រឆាំងបានហ៊ានចេញមុខប្តឹងលោកកែប ជុតិមា អតីតអភិបាលក្រុងភ្នំពេញ លោកទូច ណារុថ អតីតស្នងការក្រុងនិងលោកនាយករដ្ឋមន្ត្រីហ៊ុន សែនទៅកាន់តុលាការក្រុងភ្នំពេញពីបទមនុស្សឃាតគិតទុកជាមុនពាក់ព័ន្ធនឹងសោកនាដកម្មនៅលើកោះពេជ្រ។
តុលាការក្រុងក្រោយមកបានទម្លាក់ចោលពាក្យបណ្តឹងរបស់លោកសួង សោភ័ណ្ឌដោយចាត់ទុកថាពុំមានភស្តុតាងគ្រប់គ្រាន់តាមទម្រង់ច្បាប់។
លោក សួង សោភ័ណ្ឌក្រោយមកបានព្រមានថានឹងដាក់ពាក្យបណ្តឹងទៅកាន់តុលាការយុត្តិធម៌អន្តរជាតិតែក្រោយមកបានស្ងប់ស្ងាត់ទៅវិញ។
លោកបានបញ្ជាក់នៅថ្ងៃសុក្រនេះថាលោកមិននៅស្ងៀមទេពាក់ព័ន្ធនឹងសោកនាដកម្មនេះ
លោកនិយាយថា៖ «សូមបញ្ជាក់ថាខ្ញុំអត់បាននៅស្ងៀមទេហើយក្រោយពីការប្រមូលភស្តុតាងយ៉ាងលម្អិតហើយនឹងមានការគាំទ្រពីក្រុមរបស់ខ្ញុំ។ យុវជនយើងច្រើនហើយខ្ញុំនឹងដាក់ពាក្យបណ្តឹងនេះទៅតុលាការអន្តរជាតិជាដាច់ខាត»។
លោកកែប ជុតិមា និងលោកទូច ណារុថ ក្រោយមកប្រមាណជិតពីរឆ្នាំបានធ្លាក់ចេញពីមុខតំណែងក៏ប៉ុន្តែគ្មានប្រភពបញ្ជាក់ថាអ្នកទាំងពីរធ្លាក់ពីមុខតំណែងដោយសារព្រឹត្តិការណ៍រត់ជាន់គ្នានៅកោះពេជ្រទេ៕
