ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

​អាមេរិក​មិន​ភ្ញាក់​ផ្អើល​ចំពោះ​អាវុធ​នុយក្លេអ៊ែរ​របស់​រុស្ស៊ី ហើយ​ត្រៀម​ខ្លួន​រួច​រាល់​ដើម្បី​ការពារ​ខ្លួន


រូបថត​កាត់​ចេញ​ពី​វីដេអូ បង្ហាញ​ពី​យន្ត​ហោះ​ចម្បាំង​របស់​រុស្ស៊ី​ប្រភេទ MiG-31 ដែល​បាន​បាញ់​កាំជ្រួចថ្មី​ឈ្មោះ Kinzhal ក្នុង​ពេល​បាញ់​សាក​ល្បង​នៅ​ទីតាំង​មិន​ជាក់​​លាក់​មួយ​ក្នុង​ប្រទេស​រុស្ស៊ី កាល​ពី​ថ្ងៃទី០​១ មីនា ២០១៨។​
រូបថត​កាត់​ចេញ​ពី​វីដេអូ បង្ហាញ​ពី​យន្ត​ហោះ​ចម្បាំង​របស់​រុស្ស៊ី​ប្រភេទ MiG-31 ដែល​បាន​បាញ់​កាំជ្រួចថ្មី​ឈ្មោះ Kinzhal ក្នុង​ពេល​បាញ់​សាក​ល្បង​នៅ​ទីតាំង​មិន​ជាក់​​លាក់​មួយ​ក្នុង​ប្រទេស​រុស្ស៊ី កាល​ពី​ថ្ងៃទី០​១ មីនា ២០១៨។​

ស.រ.អា. ​បាន​ច្រាន​ចោល​ការ​និយាយ​អះអាង​មួយ​ចំនួន​ដោយ​ប្រធានាធិបតី​រុស្ស៊ី​ Vladimir Putin ​ដែល​ថា​លោក​មាន​អាវុធ​បរមាណូ​យុទ្ធសាស្ត្រ​ថ្មីៗ​ដែល​អាច​បាញ់ដល់​ទីដៅ​ណា​ក៏​បាន​ក្នុង​ពិភព​លោក។​

ក៏​ប៉ុន្តែកាល​ពី​ថ្ងៃ​ព្រហស្បតិ៍​ សេតវិមាន​និង​ក្រសួងការពារ​ប្រទេស​ស.រ.អា.​បាន បដិសេធ​ការ​និយាយ​នេះ​ ដោយ​ថា​ជា​វោហាសាស្ត្រ​ ហើយ​ថាការ​ប៉ុនប៉ង​របស់​រុស្ស៊ី​ក្នុងការ​ធ្វើ​ឱ្យ​កងកម្លាំង​បរមាណូ​របស់​ខ្លួន​ទំនើប​ជាង​មុន​ជា​ការ​មិន​នាំ​ឱ្យ​ភ្ញាក់​ផ្អើលទេ​ហើយ​មិន​បាន​ធ្វើឱ្យ​ស.រ.អា.​បារម្ភ​ខ្លាំង​ឡើយ។

អ្នកស្រី​ Sarah Sanders ​អ្នក​នាំពាក្យ​សេតវិមានបាន​និយាយ​ថា៖ «ប្រធានាធិបតី Putin ​បាន​បញ្ជាក់​អំពី​អ្វី​ដែល​រដ្ឋាភិបាល​ស.រ.អា.​បាន​ដឹង​យូរយា​មក​ហើយ។ ប្រទេស​រុស្ស៊ី​បាន​អភិវឌ្ឍ​ប្រព័ន្ធ​អាវុធ​សម្រាប់​ធ្វើ​ឱ្យ​មាន​អស្ថិរភាព​ជាង​មួយ​ទសវត្សរ៍​មក​ហើយ​ដែល​ជាការ​រំលោភ​ដោយ​ផ្ទាល់​ដល់កាតព្វកិច្ច​របស់​ខ្លួន​ដែល​មាន​ចែង​ក្នុង​សន្ធិ​សញ្ញា​នានា»។

អ្នកស្រី ​Sanders ​បាន​និយាយ​បន្ថែម​ថា៖ «ប្រទេស​អាមេរិក​កំពុង​បន្តទៅ​មុខ​ដើម្បី​ធ្វើ​ឱ្យ​ឃ្លាំង​អាវុធ​បរមាណូ​របស់​យើង​ទំនើប​ជាង​មុន​និង​ធ្វើ​ឱ្យ​ប្រាកដ​ប្រជា​ថា ​គ្មាន​ប្រទេស​ណា​មួយ​អាច​ប្រជែង​នឹង​សមត្ថភាព​របស់​យើង​បានទេ»​ ដោយ​អ្នក​ស្រី​បាន​បង្ហាញ​អំពី​ថវិកា​ការពារ​ប្រទេស​ថ្មី​របស់​ស.រ.អា.​មាន​ទឹក​ប្រាក់​៧០០​ពាន់​លាន​ដុល្លារ។

ពួក​មន្ត្រី​ខាង​ការពារ​ប្រទេស​របស់​ស.រ.អា.​ក៏​បាន​និយាយ​ដែរ​ថា ​ពួក​គេគ្មាន​ការ​ភ្ញាក់​ផ្អើល​ទេ​អំពី​ការ​និយាយ​អះអាង​ទាំង​នេះ​របស់​រុស្ស៊ី៕

អត្ថបទ​ទាក់ទង

XS
SM
MD
LG