ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អគ្គលេខាធិការ​អង្គការ​សហប្រជាជាតិ៖ អាវុធ​នុយក្លេអ៊ែរ​បង្ក​ហានិភ័យ​មហន្តរាយ​​​


រដ្ឋលេខាធិការ​អង្គការ​សហរប្រជាជាតិ​ Antonio Guterres ថ្លែង​នៅ​ក្នុង​សន្និសីទសន្តិសុខទីក្រុង​ Munich​ ប្រទេស​អាល្លឺម៉ង់កាលពី​ថ្ងៃទី​១៦ កុម្ភៈ ២០១៨។
រដ្ឋលេខាធិការ​អង្គការ​សហរប្រជាជាតិ​ Antonio Guterres ថ្លែង​នៅ​ក្នុង​សន្និសីទសន្តិសុខទីក្រុង​ Munich​ ប្រទេស​អាល្លឺម៉ង់កាលពី​ថ្ងៃទី​១៦ កុម្ភៈ ២០១៨។

អគ្គលេខាធិការ​ អ.ស.ប. លោក Antonio Guterres ព្រមាន​ថា អាវុធ​នុយក្លេអ៊ែរ​បង្ក​ហានិភ័យ​មហន្តរាយលើ​ជីវិត​មនុស្ស​ និង​បរិស្ថាន​ ហើយ​គេ​ត្រូវ​តែ​បំបាត់​វា​ចោល។ នៅ​ក្នុង​សេចក្ដី​សុន្ទរកថា​ទៅ​កាន់​ប្រតិភូ ​ដែល​ចូលរួម​សន្និសីទ​ស្ដី​ពី​ការ​ដក​ហូត​អាវុធ ដែល​មាន​សមាជិក​៦៥​ប្រទេស លោក​អគ្គលេខាធិការ​ អ.ស.ប. បាន​បង្ហាញ​គម្រោង​ផ្ដួចផ្ដើម​ថ្មី​មួយ ដើម្បី​កាត់​បន្ថយ​ការ​គំរាមកំហែង​ជា​សកល​នេះ។

លោក​អគ្គលេខាធិការ​អង្គការ​សហប្រជាជាតិ​ទទួល​ស្គាល់​ថា ប្រជាជន​ជុំវិញ​ពិភពលោក​មិន​ខុស​ទេ​ ដែល​មាន​ការ​ព្រួយ​បារម្ភ​ពី​ភាព​ដែល​អាច​កើត​មាន​ឡើង នៃ​សង្គ្រាម​នុយក្លេអ៊ែរ។ ប៉ុន្តែ​លោក Antonio Guterres កត់សម្គាល់​ថា ប្រជាជន​រាប់​លាន​នាក់​ដែល​រស់នៅ​ក្នុង​តំបន់​អាស៊ី​ភាគ​ខាងកើត​ គឺ​រស់នៅ​ក្នុង​តថភាព​ប្រចាំ​ថ្ងៃ​មួយ ដែល​សង្គ្រាម​នុយក្លេអ៊ែរ​ជា​ការ​គំរាមកំហែង​ដែល​ខិត​ជិត​មក​ដល់។

លោក Guterres ស្វាគមន៍​ចំពោះ​អ្វី​ដែល​លោក​ហៅ​ថា ជា​ការ​ផ្ដួចផ្ដើម​ដ៏​អង់​អាច​របស់​ប្រទេស​កូរ៉េ​ខាងត្បូង ក្នុង​កំឡុង​ពេល​ការ​ប្រកួត​កីឡា​អូឡាំពិក ដើម្បី​កាត់​បន្ថយ​ភាព​តានតឹង​ជាមួយ​ប្រទេស​កូរ៉េ​ខាងជើង។ ប៉ុន្តែ​លោក​មាន​ប្រសាសន៍​ថា វា​មិន​ទាន់​គ្រប់គ្រាន់​ទេ។

លោក Guterres បាន​ថ្លែង​ថា៖ «យើង​ត្រូវការ​ការ​រីក​ចម្រើន​យូរ​អង្វែង ដោយ​ផ្អែក​តាម​គោលដៅ​ចម្បង​នៃ​គោលការណ៍​លុប​បំបាត់​នុយក្លេអ៊ែរ នៅ​ឧបទ្វីប​កូរ៉េ និង​គោលការណ៍សន្តិភាព​ដែល​មាន​និរន្តរភាព​ក្នុង​តំបន់។ ខ្មុំ​ក៏​ស្វាគមន៍​ការ​បញ្ចប់​ការ​កាត់​បន្ថយ​អាវុធ​នុយក្លេអ៊ែរ ដែល​ធ្វើ​ឡើង​ដោយ​អង្គការ​សហប្រជាជាតិ និង​ប្រទេសរុស្ស៊ី ក្រោមសន្ធិសញ្ញា​កាត់​បន្ថយ​អាវុធ​យុទ្ធសាស្ត្រ​ផង​ដែរ។ យើង​ត្រូវការ​ការ​ដក​ហូត​អាវុធ​បន្ថែម​ទៀត និង​វិធានការ​គ្រប់គ្រង​អាវុធ ដែល​ជា​មូលដ្ឋាន​ដ៏​រឹងមាំ​មួយ​សម្រាប់​សន្តិភាព​ពិភពលោក»។

លោក Guterres ព្រមាន​ថា ​ពិភពលោក​ត្រូវ​លុបបំបាត់​អាវុធ​ប្រល័យ​លោក​ជា​ច្រើន​ទៀត ហើយ​លោក​បន្ថែម​ថា ពិភពលោក​គឺ​ត្រូវ​បាន​គ្រប​ដណ្ដប់​ដោយ​អាវុធ​នុយក្លេអ៊ែរ និង អាវុធ​សាមញ្ញ​ទូទៅ​ផ្សេងៗ​ទៀត។ លោក Guterres បន្ត​ថា​ចាប់តាំង​ពី​សង្គ្រាម​ត្រជាក់​បាន​បញ្ចប់​មក ការ​ជួញដូរ​សព្វាវុធ ដែល​មាន​តម្លៃ​រាប់​ពាន់​លាន​ដុល្លារ បាន​ផ្គត់ផ្គង់​ជម្លោះ​ក្នុង​តំបន់​នានា។

លោក Guterres និយាយ​ថា៖ «របប​ដែល​គ្មាន​អាវុធ​នុយក្លេអ៊ែរ គឺ​ត្រូវ​បាន​គំរាម​កំហែង​ដោយ​ប្រទេស​មួយ​ចំនួន​ដែល​យល់​ខុស​ថា អាវុធ​នុយក្លេអ៊ែរ​អាច​ធ្វើ​អោយ​ពួកគេ​មាន​សុវត្ថិភាព​ជាង​មុន។ ហើយ​លោក​បន្ត​ទៀត​ថា គ្រោះ​មហន្តរាយ​នេះ ត្រូវ​បាន​បូក​ផ្សំ​ដោយ ប្រទេស​ទាំងឡាយ​ផ្សេង​ទៀង ដែល​កំពុង​តែពិចារណា​លើ​ការ​ប្រើ​ប្រាស់​អាវុធ​នុយក្លេអ៊ែរ​យុទ្ធសាស្ត្រ»។

លោក​អគ្គលេខាធិការអង្គការ​សហប្រជាជាតិ​មាន​ប្រសាសន៍​ថា គម្រោង​ផ្ដួចផ្ដើម​ថ្មី​របស់​លោក​មាន​គោលដៅ​ទប់​ស្កាត់​ការ​ប្រមូលផ្តុំនិង​ការ​រីក​រាលដាល​លើស​កំណត់​នៃ​អាវុធ ធ្វើការ​ឆ្ពោះទៅ​កាន់​ការ​កសាង​កម្លាំង​ចលករ​មួយ​ក្នុង​ការ​លុប​បំបាត់​អាវុធ​នុយក្លេអ៊ែរ ហើយ​និង​ពិនិត្យ​ពិច័យ​ហានិភ័យ​និង​ការ​ប្រឈម​ទាំងឡាយ​ដែល​អាច​កើត​មាន៕

ប្រែសម្រួល​ដោយ ចាប ចិត្រា

XS
SM
MD
LG