ភ្នំពេញ —
ឯកអគ្គរដ្ឋទូតសហរដ្ឋអាមេរិកបានរំឭកដល់ប្រទេសកម្ពុជានៅថ្ងៃព្រហស្បតិ៍នេះឲ្យផ្តោតការយកចិត្តទុកដាក់លើការពង្រឹងគុណភាពជំនាញដល់ពលរដ្ឋរបស់ខ្លួនសម្រាប់ការប្រជែងទីផ្សារការងារក្នុងចំណោមបណ្តាប្រទេសអាស៊ាននៅឆ្នាំ២០១៥។
ប្រទេសកម្ពុជា វៀតណាម ឡាវ ថៃ ម៉ាឡេស៊ី ហ្វ៊ីលីពីន សិង្ហបុរី ប្រ៊ុយណេ ភូមា និងឥណ្ឌូណេស៊ី សរុបចំនួន១០ប្រទេសនៃសមាគមប្រជាជាតិអាស៊ីអាគ្នេយ៍ហៅកាត់ថាអាស៊ាននឹងបង្កើតជាសហគមន៍សេដ្ឋកិច្ចរួមតែមួយនៅឆ្នាំ២០១៥។
លោកវីលាម ថដ (William E.Todd) ឯកអគ្គរដ្ឋទូតសហរដ្ឋអាមេរិកមានប្រសាសន៍នៅក្នុងវេទិកាពិភាក្សាស្តីពីការលើកកម្ពស់ការបណ្តុះបណ្តាលវិជ្ជាជីវៈធ្វើជាកម្លាំងជំរុញសេដ្ឋកិច្ចក្នុងទីក្រុងភ្នំពេញ៖
«សហគមន៍សេដ្ឋកិច្ចអាស៊ានឆ្នាំ២០១៥គឺជារឿងសំខាន់ណាស់គឺមានន័យថាប្រជាពលរដ្ឋ ពលករនឹងអាចទៅមកពីប្រទេសផ្សេងៗក្នុងសហគមន៍នេះដើម្បីរកការងារធ្វើដូច្នេះវាជារឿងល្អសម្រាប់ប្រទេសកម្ពុជា»។
ក៏ប៉ុន្តែលោកឯកអគ្គរដ្ឋទូតសហរដ្ឋអាមេរិកបានសង្កត់ធ្ងន់ថាគុណភាពផ្នែកជំនាញរបស់ពលករខ្មែរគឺជាកង្វល់។
«ប៉ុន្តែអ្វីដែលធ្វើឲ្យខ្ញុំព្រួយបារម្ភ និងនៅតែធ្វើឲ្យខ្ញុំបារម្ភខ្លាំងរហូតដល់ពេលនេះគឺថាប្រសិនបើពលករមិនមានជំនាញ មិនមានសមត្ថភាពដើម្បីទទួលបានការងារដែលមានជំនាញខ្ពស់និងការងារដែលទទួលបានប្រាក់ខែខ្ពស់នោះ ពលរដ្ឋកម្ពុជានឹងទទួលបានប្រាក់ខែទាបនិងមានមានជំនាញទាប»។
មានពលរដ្ឋកម្ពុជាប្រមាណជា៣០ម៉ឺននាក់ត្រូវការការងារធ្វើជារៀងរាល់ឆ្នាំ។ ទីផ្សារការងារក្នុងស្រុកភាគច្រើនបង្កើតឡើងដោយឧស្សាហកម្មវាយនភណ្ឌក្រៅពីនោះមានពលករកម្ពុជារាប់សែននាក់ទៀតស្វែងរកការងារទាំងស្របច្បាប់និងខុសច្បាប់នៅក្រៅប្រទេសដូចជាប្រទេសថៃ ម៉ាឡេស៊ី ជប៉ុន និងកូរ៉េជាដើម។
លោកឡៅ ហ៊ីម អគ្គនាយកអប់រំវិជ្ជាជីវៈនិងបច្ចេកទេសនិងបណ្តុះបណ្តាលនៃក្រសួងការងារនិងបណ្តុះបណ្តាលវិជ្ជាជីវៈ មានប្រសាសន៍ក្នុងវេទិកាដែលរៀបចំដោយស្ថានទូតសហរដ្ឋអាមេរិកនោះដោយទទួលស្គាល់ថា កត្តាជំនាញរបស់ប្រជាពលរដ្ឋកម្ពុជាគឺបញ្ហាប្រឈមក្នុងប្រទេស។
លោកលើកឡើងថាអ្នកបច្ចេកទេសដែលមានអាយុចន្លោះពី២០ទៅ២៩ឆ្នាំមានចំនួនតិចតួចដើម្បីឆ្លើយតបទៅនឹងទីផ្សារ។
លោកឡៅ ហ៊ីម បន្ថែមថា ទីផ្សារការងារអាស៊ានតម្រូវឲ្យមានអ្នកបច្ចេកវិទ្យាកម្រិតមធ្យមនិងកម្រិតខ្ពស់ហើយដើម្បីពង្រឹងជំនាញអ្នកទាំងនេះត្រូវការចូលរួមពីផ្នែកវិនិយោគឯកជន ម្ចាស់ជំនួយ ការកសាងមូលដ្ឋានអប់រំនិងបណ្តុះបណ្តាលវិជ្ជាជីវៈនិងការកសាងហេដ្ឋារចនាសម្ព័ន្ធ។
លោកអះអាងថា រដ្ឋាភិបាលបានផ្តោតសំខាន់លើការបណ្តុះបណ្តាលលើផ្នែកមូលដ្ឋានចំនួនបី៖ «ផ្នែកដែលយើងកំពុងតែយកចិត្តទុកដាក់គឺមានផ្នែកសំណង់ ផ្នែកមេកានិក និងផ្នែកទេសចរណ៍»។
ផ្នែកទាំងបីគឺជាមូលដ្ឋានគ្រឹះនៃកំណើនសេដ្ឋកិច្ច។
ជាមួយគ្នានេះលោកស្រីបណ្ឌិត ហ្ស៊ីមេនណា ដែល ខាព្យោ (Ximena Del Carpio) អ្នកសេដ្ឋកិច្ចជាន់ខ្ពស់នៃធនាគារពិភពលោកក៏បានសង្កត់ធ្ងន់លើការបណ្តុះបណ្តាលជំនាញដល់ពលរដ្ឋកម្ពុជាហើយជាពិសេសការបង្កើតប្រព័ន្ធព័ត៌មានអំពីទីផ្សារការងារឲ្យទូលំទូលាយ៕
ប្រទេសកម្ពុជា វៀតណាម ឡាវ ថៃ ម៉ាឡេស៊ី ហ្វ៊ីលីពីន សិង្ហបុរី ប្រ៊ុយណេ ភូមា និងឥណ្ឌូណេស៊ី សរុបចំនួន១០ប្រទេសនៃសមាគមប្រជាជាតិអាស៊ីអាគ្នេយ៍ហៅកាត់ថាអាស៊ាននឹងបង្កើតជាសហគមន៍សេដ្ឋកិច្ចរួមតែមួយនៅឆ្នាំ២០១៥។
លោកវីលាម ថដ (William E.Todd) ឯកអគ្គរដ្ឋទូតសហរដ្ឋអាមេរិកមានប្រសាសន៍នៅក្នុងវេទិកាពិភាក្សាស្តីពីការលើកកម្ពស់ការបណ្តុះបណ្តាលវិជ្ជាជីវៈធ្វើជាកម្លាំងជំរុញសេដ្ឋកិច្ចក្នុងទីក្រុងភ្នំពេញ៖
«សហគមន៍សេដ្ឋកិច្ចអាស៊ានឆ្នាំ២០១៥គឺជារឿងសំខាន់ណាស់គឺមានន័យថាប្រជាពលរដ្ឋ ពលករនឹងអាចទៅមកពីប្រទេសផ្សេងៗក្នុងសហគមន៍នេះដើម្បីរកការងារធ្វើដូច្នេះវាជារឿងល្អសម្រាប់ប្រទេសកម្ពុជា»។
ក៏ប៉ុន្តែលោកឯកអគ្គរដ្ឋទូតសហរដ្ឋអាមេរិកបានសង្កត់ធ្ងន់ថាគុណភាពផ្នែកជំនាញរបស់ពលករខ្មែរគឺជាកង្វល់។
«ប៉ុន្តែអ្វីដែលធ្វើឲ្យខ្ញុំព្រួយបារម្ភ និងនៅតែធ្វើឲ្យខ្ញុំបារម្ភខ្លាំងរហូតដល់ពេលនេះគឺថាប្រសិនបើពលករមិនមានជំនាញ មិនមានសមត្ថភាពដើម្បីទទួលបានការងារដែលមានជំនាញខ្ពស់និងការងារដែលទទួលបានប្រាក់ខែខ្ពស់នោះ ពលរដ្ឋកម្ពុជានឹងទទួលបានប្រាក់ខែទាបនិងមានមានជំនាញទាប»។
មានពលរដ្ឋកម្ពុជាប្រមាណជា៣០ម៉ឺននាក់ត្រូវការការងារធ្វើជារៀងរាល់ឆ្នាំ។ ទីផ្សារការងារក្នុងស្រុកភាគច្រើនបង្កើតឡើងដោយឧស្សាហកម្មវាយនភណ្ឌក្រៅពីនោះមានពលករកម្ពុជារាប់សែននាក់ទៀតស្វែងរកការងារទាំងស្របច្បាប់និងខុសច្បាប់នៅក្រៅប្រទេសដូចជាប្រទេសថៃ ម៉ាឡេស៊ី ជប៉ុន និងកូរ៉េជាដើម។
លោកឡៅ ហ៊ីម អគ្គនាយកអប់រំវិជ្ជាជីវៈនិងបច្ចេកទេសនិងបណ្តុះបណ្តាលនៃក្រសួងការងារនិងបណ្តុះបណ្តាលវិជ្ជាជីវៈ មានប្រសាសន៍ក្នុងវេទិកាដែលរៀបចំដោយស្ថានទូតសហរដ្ឋអាមេរិកនោះដោយទទួលស្គាល់ថា កត្តាជំនាញរបស់ប្រជាពលរដ្ឋកម្ពុជាគឺបញ្ហាប្រឈមក្នុងប្រទេស។
លោកលើកឡើងថាអ្នកបច្ចេកទេសដែលមានអាយុចន្លោះពី២០ទៅ២៩ឆ្នាំមានចំនួនតិចតួចដើម្បីឆ្លើយតបទៅនឹងទីផ្សារ។
លោកឡៅ ហ៊ីម បន្ថែមថា ទីផ្សារការងារអាស៊ានតម្រូវឲ្យមានអ្នកបច្ចេកវិទ្យាកម្រិតមធ្យមនិងកម្រិតខ្ពស់ហើយដើម្បីពង្រឹងជំនាញអ្នកទាំងនេះត្រូវការចូលរួមពីផ្នែកវិនិយោគឯកជន ម្ចាស់ជំនួយ ការកសាងមូលដ្ឋានអប់រំនិងបណ្តុះបណ្តាលវិជ្ជាជីវៈនិងការកសាងហេដ្ឋារចនាសម្ព័ន្ធ។
លោកអះអាងថា រដ្ឋាភិបាលបានផ្តោតសំខាន់លើការបណ្តុះបណ្តាលលើផ្នែកមូលដ្ឋានចំនួនបី៖ «ផ្នែកដែលយើងកំពុងតែយកចិត្តទុកដាក់គឺមានផ្នែកសំណង់ ផ្នែកមេកានិក និងផ្នែកទេសចរណ៍»។
ផ្នែកទាំងបីគឺជាមូលដ្ឋានគ្រឹះនៃកំណើនសេដ្ឋកិច្ច។
ជាមួយគ្នានេះលោកស្រីបណ្ឌិត ហ្ស៊ីមេនណា ដែល ខាព្យោ (Ximena Del Carpio) អ្នកសេដ្ឋកិច្ចជាន់ខ្ពស់នៃធនាគារពិភពលោកក៏បានសង្កត់ធ្ងន់លើការបណ្តុះបណ្តាលជំនាញដល់ពលរដ្ឋកម្ពុជាហើយជាពិសេសការបង្កើតប្រព័ន្ធព័ត៌មានអំពីទីផ្សារការងារឲ្យទូលំទូលាយ៕
