ភ្នំពេញ៖ អង្គការសហប្រជាជាតិកំពុងរៀបចំផ្តល់ប្រាក់កម្ចីសង្គ្រោះបន្ទាន់ចំនួន១,១៥លានដុល្លារអាមេរិកដល់ភាគីកម្ពុជានៅក្នុងសាលាក្តីខ្មែរក្រហមស្របពេលដែលបុគ្គលិកកម្ពុជាភាគច្រើនក្នុងសាលាក្តីនេះកំពុងធ្វើកូដកម្ម។ ប៉ុន្តែអង្គការសហប្រជាជាតិព្រមានថាការធ្វើបាតុកម្មនឹងធ្វើឲ្យតុលាការនេះជាប់គាំងបាន។
លោកឡាស អលសិន អ្នកនាំពាក្យក្នុងសាលាក្តីខ្មែរក្រហមខាងភាគីអង្គការសហប្រជាជាតិបានឲ្យដឹងនៅក្នុងសេចក្តីថ្លែងការណ៍មួយនៅថ្ងៃពុធនេះថាអង្គការសហប្រជាជាតិបានធ្វើការជាមួយក្រុមប្រទេសម្ចាស់ជំនួយសំខាន់ៗប្រកបដោយជោគជ័យដើម្បីផ្តល់ប្រាក់កម្ចីដល់ភាគីកម្ពុជានៅក្នុងសាលាក្តីខ្មែរក្រហមសម្រាប់ផ្តល់ប្រាក់ខែដល់បុគ្គលិកជាតិ។
បុគ្គលិកកម្ពុជាភាគច្រើនក្នុងចំណោមបុគ្គលិកសរុបចំនួន២៥០នាក់ក្នុងសាលាក្តីខ្មែរក្រហមបានធ្វើកូដកម្មចាប់តាំងពីដើមខែកញ្ញានេះដោយសារតែពួកគេមិនបានបើកប្រាក់ខែចាប់តាំងពីខែមិថុនា កក្កដានិងខែសីហាមកម្ល៉េះ។ ក្នុងចំណោមបុគ្គលិកកម្ពុជាដែលមិនបានបើកប្រាក់ខែរាប់ទាំងចៅក្រមនិងព្រះរាជអាជ្ញាផងដែរ។
ឆ្លើយតាមទូរស័ព្ទជាមួយវីអូអេសំឡេងសហរដ្ឋអាមេរិកជាខេមរភាសា លោកឡាស អលសិន បញ្ជាក់ថាអង្គការសហប្រជាជាតិកំពុងរៀបចំកម្ចីយ៉ាងច្បាស់លាស់លើមូលដ្ឋានដែលភាគីកម្ពុជាអាចសងវិញដោយរបៀបណានោះ។
«ខ្ញុំមិនមានតួលេខនៃចំនួនទឹកប្រាក់ទេប៉ុន្តែកម្ចីមានទំហំគ្រប់គ្រាន់ដើម្បីបើកប្រាក់ខែដល់បុគ្គលិកជាតិនៃអង្គជំនុំជម្រះវិសាមញ្ញក្នុងតុលាការកម្ពុជាសម្រាប់ខែមិថុនា កក្កដានិងខែសីហា»។
មន្ត្រីអ្នកនាំពាក្យដដែលបញ្ជាក់ថាថវិកានេះបានមកពីថវិកាដែលសន្យាដោយប្រទេសម្ចាស់ជំនួយសម្រាប់ភាគីអន្តរជាតិក្នុងសាលាក្តី។ហើយថវិកានេះនឹងត្រូវធ្លាក់ដល់ដៃភាគីកម្ពុជានៅប៉ុន្មានថ្ងៃទៀតនេះ។
លោកនេត្រ ភក្ត្រា អ្នកនាំពាក្យសាលាក្តីខ្មែរក្រហមខាងភាគីកម្ពុជាថវិកាកម្ចីបានមកពីអង្គការសហប្រជាជាតិជាងមួយលានដុល្លារនេះនឹងអនុញ្ញតឲ្យភាគីកម្ពុជាប្រតិបត្តិការបានមួយរយៈតែប៉ុណ្ណោះដោយសារភាគីកម្ពុជាអាចនឹងប្រឈមនឹងកង្វះថវិកាទៀតសម្រាប់ប្រតិបត្តិការចាប់ពីខែកញ្ញានេះរហូតដល់ខែធ្នូ។ ពោលគឺ ភាគីជាតិត្រូវការថវិកាចំនួន១,៨លានដុល្លារអាមេរិកទៀត។
លោកឡាស អលសិន លើកឡើងថាអង្គការសហប្រជាជាតិគូសបញ្ជាក់ថាដំណោះស្រាយប្រកបដោយនិរន្តភាពតែមួយគត់សម្រាប់កង្វះថវិកាដើម្បីបើកប្រាក់ខែដល់បុគ្គលិកជាតិនោះគឺរាជរដ្ឋាភិបាលកម្ពុជាដើម្បីបំពេញកាតព្វកិច្ចរបស់ខ្លួនក្នុងការផ្តល់ប្រាក់ខែដល់ពួកគេ។
លោកព្រមានថាការធ្វើកូដកម្មណាមួយបន្ថែមទៀតអាចជាហានិភ័យដល់ការពន្យាពេលដំណើរការយុត្តិធម៌និងបំផ្លាញលទ្ធភាពដំណើរការរបស់តុលាការ។
យ៉ាងណាក៏ដោយលោកនេត្រ ភក្ត្រា ឲ្យដឹងថារដ្ឋបាលសាលាក្តីខ្មែរក្រហមបានជូនដំណឹងដល់កូដកររួចហើយនៅថ្ងៃនេះ។
«សេចក្តីជូនដំណឹងដល់ពួកគាត់នៅរសៀលថ្ងៃនេះហើយយើងរំពឹងថាមន្ត្រីបុគ្គលិកទាំងអស់ដែលបានព្យួរការងារនឹងអាចវិលត្រឡប់មកបំពេញការងារចាប់តាំងពីថ្ងៃស្អែកតទៅ»។
ក្រុមបុគ្គលិកកម្ពុជាក្នុងសាលាក្តីខ្មែរក្រហមបានធ្វើកូដកម្មចំនួនពីរលើករួចមកហើយនៅក្នុងឆ្នាំនេះក្រោយពីបានធ្វើកូដកម្មលើកទី១កាលពីដើមឆ្នាំដោយសារតែពួកគេមិនបានបើកប្រាក់ខែជាច្រើនខែ។
អង្គការសហប្រជាជាតិតែងតែប្រកាសថានេះគឺជាកាតព្វកិច្ចរបស់រដ្ឋាភិបាលកម្ពុជាក្នុងការដោះស្រាយវិបត្តិថវិកានេះប៉ុន្តែភាគីកម្ពុជាតែងតែត្រូវពឹងលើភាគីអន្តរជាតិសម្រាប់បន្តជំនួយបន្ថែមទៀត។
លោកឯក ថា អ្នកនាំពាក្យអង្គភាពព័ត៌មាននិងប្រតិកម្មរហ័សនៃទីស្តីការគណរដ្ឋមន្ត្រីស្វាគមន៍ថវិកាសង្គ្រោះពីខាងភាគីអង្គការសហប្រជាជាតិនេះ។
«រាជរដ្ឋាភិបាលស្វាគមន៍រាល់ជំនួយណាមួយដល់ភាគីជាតិដល់អង្គជំនុំជម្រះវិសាមញ្ញក្នុងតុលាការកម្ពុជាហើយយើងសង្ឃឹមថាដំណើរការនេះនឹងប្រព្រឹត្តទៅដោយរលូន។ ជាថ្មីម្តងទៀតយើងស្វាគមន៍ជំនួយហិរញ្ញវត្ថុណាមួយមកដល់ភាគីជាតិ»។
រហូតមកទល់ពេលនេះនៅមិនទាន់មានការសន្យាជំនួយបន្ថែមដល់ភាគីកម្ពុជាក្នុងសាលាក្តីខ្មែរក្រហមទេ។
អង្គជំនុំជម្រះសាលាដំបូងនៃសាលាក្តីដែលគាំទ្រដោយអង្គការសហប្រជាជាតិនេះនឹងធ្វើសេចក្តីសន្និដ្ឋានលើការដំណើរការកាត់ទោសនៃសំណុំរឿង០០២វគ្គទី១ចាប់ពីថ្ងៃទី១៦ខែតុលាតទៅ។
សំណុំរឿងនេះមានជនជាប់ចោទនួន ជានិងខៀវ សំផនដែលជាមេដឹកនាំកំពូលតែពីរនាក់គត់ដែលនៅរស់រានមានជីវិតក្នុងរង្វង់ក្រចកសេះ៕
លោកឡាស អលសិន អ្នកនាំពាក្យក្នុងសាលាក្តីខ្មែរក្រហមខាងភាគីអង្គការសហប្រជាជាតិបានឲ្យដឹងនៅក្នុងសេចក្តីថ្លែងការណ៍មួយនៅថ្ងៃពុធនេះថាអង្គការសហប្រជាជាតិបានធ្វើការជាមួយក្រុមប្រទេសម្ចាស់ជំនួយសំខាន់ៗប្រកបដោយជោគជ័យដើម្បីផ្តល់ប្រាក់កម្ចីដល់ភាគីកម្ពុជានៅក្នុងសាលាក្តីខ្មែរក្រហមសម្រាប់ផ្តល់ប្រាក់ខែដល់បុគ្គលិកជាតិ។
បុគ្គលិកកម្ពុជាភាគច្រើនក្នុងចំណោមបុគ្គលិកសរុបចំនួន២៥០នាក់ក្នុងសាលាក្តីខ្មែរក្រហមបានធ្វើកូដកម្មចាប់តាំងពីដើមខែកញ្ញានេះដោយសារតែពួកគេមិនបានបើកប្រាក់ខែចាប់តាំងពីខែមិថុនា កក្កដានិងខែសីហាមកម្ល៉េះ។ ក្នុងចំណោមបុគ្គលិកកម្ពុជាដែលមិនបានបើកប្រាក់ខែរាប់ទាំងចៅក្រមនិងព្រះរាជអាជ្ញាផងដែរ។
ឆ្លើយតាមទូរស័ព្ទជាមួយវីអូអេសំឡេងសហរដ្ឋអាមេរិកជាខេមរភាសា លោកឡាស អលសិន បញ្ជាក់ថាអង្គការសហប្រជាជាតិកំពុងរៀបចំកម្ចីយ៉ាងច្បាស់លាស់លើមូលដ្ឋានដែលភាគីកម្ពុជាអាចសងវិញដោយរបៀបណានោះ។
«ខ្ញុំមិនមានតួលេខនៃចំនួនទឹកប្រាក់ទេប៉ុន្តែកម្ចីមានទំហំគ្រប់គ្រាន់ដើម្បីបើកប្រាក់ខែដល់បុគ្គលិកជាតិនៃអង្គជំនុំជម្រះវិសាមញ្ញក្នុងតុលាការកម្ពុជាសម្រាប់ខែមិថុនា កក្កដានិងខែសីហា»។
មន្ត្រីអ្នកនាំពាក្យដដែលបញ្ជាក់ថាថវិកានេះបានមកពីថវិកាដែលសន្យាដោយប្រទេសម្ចាស់ជំនួយសម្រាប់ភាគីអន្តរជាតិក្នុងសាលាក្តី។ហើយថវិកានេះនឹងត្រូវធ្លាក់ដល់ដៃភាគីកម្ពុជានៅប៉ុន្មានថ្ងៃទៀតនេះ។
លោកនេត្រ ភក្ត្រា អ្នកនាំពាក្យសាលាក្តីខ្មែរក្រហមខាងភាគីកម្ពុជាថវិកាកម្ចីបានមកពីអង្គការសហប្រជាជាតិជាងមួយលានដុល្លារនេះនឹងអនុញ្ញតឲ្យភាគីកម្ពុជាប្រតិបត្តិការបានមួយរយៈតែប៉ុណ្ណោះដោយសារភាគីកម្ពុជាអាចនឹងប្រឈមនឹងកង្វះថវិកាទៀតសម្រាប់ប្រតិបត្តិការចាប់ពីខែកញ្ញានេះរហូតដល់ខែធ្នូ។ ពោលគឺ ភាគីជាតិត្រូវការថវិកាចំនួន១,៨លានដុល្លារអាមេរិកទៀត។
លោកឡាស អលសិន លើកឡើងថាអង្គការសហប្រជាជាតិគូសបញ្ជាក់ថាដំណោះស្រាយប្រកបដោយនិរន្តភាពតែមួយគត់សម្រាប់កង្វះថវិកាដើម្បីបើកប្រាក់ខែដល់បុគ្គលិកជាតិនោះគឺរាជរដ្ឋាភិបាលកម្ពុជាដើម្បីបំពេញកាតព្វកិច្ចរបស់ខ្លួនក្នុងការផ្តល់ប្រាក់ខែដល់ពួកគេ។
លោកព្រមានថាការធ្វើកូដកម្មណាមួយបន្ថែមទៀតអាចជាហានិភ័យដល់ការពន្យាពេលដំណើរការយុត្តិធម៌និងបំផ្លាញលទ្ធភាពដំណើរការរបស់តុលាការ។
យ៉ាងណាក៏ដោយលោកនេត្រ ភក្ត្រា ឲ្យដឹងថារដ្ឋបាលសាលាក្តីខ្មែរក្រហមបានជូនដំណឹងដល់កូដកររួចហើយនៅថ្ងៃនេះ។
«សេចក្តីជូនដំណឹងដល់ពួកគាត់នៅរសៀលថ្ងៃនេះហើយយើងរំពឹងថាមន្ត្រីបុគ្គលិកទាំងអស់ដែលបានព្យួរការងារនឹងអាចវិលត្រឡប់មកបំពេញការងារចាប់តាំងពីថ្ងៃស្អែកតទៅ»។
ក្រុមបុគ្គលិកកម្ពុជាក្នុងសាលាក្តីខ្មែរក្រហមបានធ្វើកូដកម្មចំនួនពីរលើករួចមកហើយនៅក្នុងឆ្នាំនេះក្រោយពីបានធ្វើកូដកម្មលើកទី១កាលពីដើមឆ្នាំដោយសារតែពួកគេមិនបានបើកប្រាក់ខែជាច្រើនខែ។
អង្គការសហប្រជាជាតិតែងតែប្រកាសថានេះគឺជាកាតព្វកិច្ចរបស់រដ្ឋាភិបាលកម្ពុជាក្នុងការដោះស្រាយវិបត្តិថវិកានេះប៉ុន្តែភាគីកម្ពុជាតែងតែត្រូវពឹងលើភាគីអន្តរជាតិសម្រាប់បន្តជំនួយបន្ថែមទៀត។
លោកឯក ថា អ្នកនាំពាក្យអង្គភាពព័ត៌មាននិងប្រតិកម្មរហ័សនៃទីស្តីការគណរដ្ឋមន្ត្រីស្វាគមន៍ថវិកាសង្គ្រោះពីខាងភាគីអង្គការសហប្រជាជាតិនេះ។
«រាជរដ្ឋាភិបាលស្វាគមន៍រាល់ជំនួយណាមួយដល់ភាគីជាតិដល់អង្គជំនុំជម្រះវិសាមញ្ញក្នុងតុលាការកម្ពុជាហើយយើងសង្ឃឹមថាដំណើរការនេះនឹងប្រព្រឹត្តទៅដោយរលូន។ ជាថ្មីម្តងទៀតយើងស្វាគមន៍ជំនួយហិរញ្ញវត្ថុណាមួយមកដល់ភាគីជាតិ»។
រហូតមកទល់ពេលនេះនៅមិនទាន់មានការសន្យាជំនួយបន្ថែមដល់ភាគីកម្ពុជាក្នុងសាលាក្តីខ្មែរក្រហមទេ។
អង្គជំនុំជម្រះសាលាដំបូងនៃសាលាក្តីដែលគាំទ្រដោយអង្គការសហប្រជាជាតិនេះនឹងធ្វើសេចក្តីសន្និដ្ឋានលើការដំណើរការកាត់ទោសនៃសំណុំរឿង០០២វគ្គទី១ចាប់ពីថ្ងៃទី១៦ខែតុលាតទៅ។
សំណុំរឿងនេះមានជនជាប់ចោទនួន ជានិងខៀវ សំផនដែលជាមេដឹកនាំកំពូលតែពីរនាក់គត់ដែលនៅរស់រានមានជីវិតក្នុងរង្វង់ក្រចកសេះ៕
