ពលរដ្ឋអ៊ុយក្រែនតវ៉ានៅខាងក្រៅអង្គការសហប្រជាជាតិ
ពលរដ្ឋអ៊ុយក្រែននាំគ្នាកាន់បដាថ្កោលទោសរុស្ស៊ីចំពោះការឈ្លានពានចូលប្រទេសរបស់ពួកគេនៅខាងក្រៅទីស្នាក់ការអង្គការសហប្រជាជាតិ នៅបូរី New York កាលពីរសៀលថ្ងៃសុក្រទី២៥ ខែកុម្ភៈ ឆ្នាំ២០២២ ស្របពេលដែលក្រុមប្រឹក្សាសន្តិសុខអង្គការសហប្រជាជាតិជួបប្រជុំគ្នាដើម្បីធ្វើសេចក្តីសម្រេចថ្កោលទោសរុស្ស៊ីចំពោះការវាយប្រហារលើប្រទេសអ៊ុយក្រែន។ (ប៉ូច រាសី/វីអូអេ)
សហគមន៍អន្តរជាតិ ថ្កោលទោសការឈ្លានពានរបស់រុស្ស៊ី និងអំពាវនាវឲ្យចរចាគ្នា
សហគមន៍អន្តរជាតិ បន្តថ្កោសទោសមេដឹកនាំរុស្ស៊ីដែលបានបញ្ជូនទ័ពចូលឈ្លានពានប្រទេសអ៊ុយក្រែន។ រដ្ឋាភិបាលអ៊ុយក្រែនឲ្យដឹងថា ត្រឹមថ្ងៃទី២ គឺមានទាហានអ៊ុយក្រែនយ៉ាងហោចណាស់ ១៣៧ នាក់បានពលីជីវិត។ មេដឹកនាំនានា ក៏ស្នើឲ្យភាគីជម្លោះជួបចរចាគ្នាដោយសន្តិវិធីផងដែរ។ លោក ម៉ែន គឹមសេង នៃវីអូអេសូមសង្ខេបប្រតិកម្មរបស់មេដឹកនាំទាំងនោះ៕
ការប្រថុយរបស់លោក Putin អំពីអ៊ុយក្រែន អាចជាគំនិតឆ្កួតលីលា
ក្នុងពេលប៉ុន្មានថ្ងៃមុនការលុកលុយរបស់រុស្ស៊ីក្នុងប្រទេសអ៊ុយក្រែន ពួកមន្ត្រីលោកខាងលិចខ្លះនៅពេលនេះ និងពីអតីតកាល បានចាប់ផ្តើមមានចម្ងល់អំពីភាពមិនវង្វេងវង្វាន់របស់ប្រធានាធិបតីរុស្ស៊ីលោក Vladimir Putin។
ពួកគេបានចង្អុលបង្ហាញអំពីអ្វីដែលពួកគេយល់ថា ជាការប្រែប្រួលអាកប្បកិរិយារបស់លោក Putin គឺការនិយាយរបស់លោកអំពីវិបត្តិនេះ ថាជាភ័ស្តុតាងនៃអ្វីដែលបានប្រែប្រួល និងបានធ្វើឱ្យមេដឹកនាំរុស្ស៊ីរូបនេះ ជាមនុស្សនាំឱ្យមានគ្រោះថ្នាក់ជាងមុន។
ប្រធានាធិបតីសហរដ្ឋអាមេរិកលោក Joe Biden បានពណ៌នាសុន្ទរកថាមួយរបស់លោក Putin ដែលទទួលស្គាល់តំបន់ Donetsk និង Luhansk នៃប្រទេសអ៊ុយក្រែនថាជារដ្ឋឯករាជ្យថា «ចម្លែក» និង«មួលបង្កាច់»។ រដ្ឋមន្ត្រីការបរទេសអាមេរិកលោក Antony Blinken បានពណ៌នាសុន្ទរកថានោះថា «នាំឱ្យមានការព្រួយបារម្ភខ្លាំង»។
អ៊ីតាលីនឹងបញ្ជូនយន្ដហោះចម្បាំងបន្ថែមទៀតទៅរ៉ូម៉ានី
ប្រទេសអ៊ីតាលីនឹងបញ្ជូនយន្ដហោះចម្បាំង Eurofighter ចំនួន៤គ្រឿងបន្ថែមទៀតទៅកាន់ប្រទេសរ៉ូម៉ានីពីលើយន្ដហោះចម្បាំងដែលមានស្រាប់ចំនួន៤គ្រឿងនៅទីនោះ។ នេះបើតាមការបញ្ជាក់របស់រដ្ឋមន្ត្រីការពារជាតិអ៊ីតាលី លោក Roberto Guerini កាលពីថ្ងៃទី២៦ ខែកុម្ភៈម្សិលមិញ។
ខណៈដែលសហភាពអឺរ៉ុបកំពុងតែសម្រេចចុងក្រោយលើកញ្ចប់ទណ្ឌកម្មជុំទី១ទៅលើប្រទេសរុស្ស៊ី នាយករដ្ឋមន្ត្រីអ៊ីតាលី លោក Mario Draghi បានថ្លែងថា អ៊ីតាលីបានត្រៀមខ្លួនរួចជាស្រេចក្នុងការផ្ដល់កងកម្លាំងយោធាបន្ថែមចំនួន ៣.៤០០នាក់ ឲ្យអង្គការអូតង់ (NATO) នៅក្នុងកិច្ចខិតខំប្រឹងប្រែងដើម្បីកុំឲ្យវិបត្តិអ៊ុយក្រែនរីករាលដាលកាន់តែធំ។ (Reuters)
