ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

​លោក ​Vladimir Putin ​រំពឹង​ថា​នឹងឈ្នះ​ការ​បោះឆ្នោត​នៅ​ថ្ងៃអាទិត្យ​នេះ


បុគ្គលិក​គណៈកម្មាធិការ​រៀប​ចំ​ការ​បោះ​ឆ្នោត បិទ​តារាង​បេក្ខជន​សម្រាប់​ការបោះ​ឆ្នោត​ប្រធានាធិបតី​រុស្ស៊ី កាល​ពីថ្ងៃ​សុក្រ ១៦ មីនា ២០១៨ នៅការិយាល័យ​បោះ​ឆ្នោត​ក្នុង​ទីក្រុង St.Petersburg។ ​ការ​បោះ​ឆ្នោត​​នឹង​ប្រព្រឹត្ត​ទៅ​នៅ​ថ្ងៃ​អាទិត្យ​នេះ។

នៅ​ថ្ងៃ​អាទិត្យ​នេះ​ រុស្ស៊ី​នឹង​បោះឆ្នោត​ប្រធានាធិបតី​ ដែល​រំពឹង​ថា ​លោក​ Vladimir Putin ​នឹង​កាន់​តំណែង​មួយ​អាណត្តិ​គឺ​ប្រាំ​មួយ​ឆ្នាំ​ទៀត​ ក្រោយ​ពី​លោក​បាន​កាន់​តំណែង​ជាមេដឹក​នាំ​នៅ​ប្រទេស​រុស្ស៊ី​អស់​រយៈ​ពេល​១៨​ឆ្នាំ​មក​ហើយ​នោះ។​

លោក​ប្រឈម​នឹង​គូ​ប្រជែង​ចំនួន​៧​រូប​ ប៉ុន្តែ​មិន​មែន​ជា​គូប្រជែង​ដែល​ខ្លាំង​នោះ​ទេ។ ​បេក្ខជន​ម្នាក់ៗ​នៃ​បេក្ខ​ទាំង​នេះ​ត្រូវ​គេរំពឹង​ថា ​ នឹង​ទទួល​សន្លឹកឆ្នោត​តិចតួច​ប៉ុណ្ណោះ។​ លោក Putin ត្រូវ​បាន​គេ​រំពឹង​ថា​ នឹង​ទទួល​បាន​សំឡេង​ជាង​៥០​ភាគរយ ប៉ុន្តែក្រុម​ការ​ងារ​របស់​លោក​សង្ឃឹម​ថា ​នឹង​ទទួល​បាន៧០​ភាគ​រយ។​

ការបោះឆ្នោត​នៅ​ថ្ងៃ​អាទិត្យ​នេះ​មាន​អ្នក​ចុះ​ឈ្មោះ​បោះ​ឆ្នោត​១០៩ ​លាន​នាក់​ ហើយ​ក្រុមសង្កតការណ៍​ការ​បោះ​ឆ្នោត​គ្រប់​គ្រង​ដោយ​រដ្ឋ​ ប៉ាន់​ប្រមាណ​ថា ​នឹង​មាន​អ្នក​មក​បោះ​ឆ្នោត​ចំនួន​៧១​ ភាគ​រយ។ ទោះ​ជា​យ៉ាង​ណា​ អង្គការ​ក្រៅ​រដ្ឋាភិបាល​ខាង​កិច្ច​ការបោះ​ឆ្នោត ​និយាយ​ថា ​ការស្ទង់​មតិ​មួយ​កាល​ពីខែធ្នូ​បង្ហាញ​ថា ​អ្នក​បោះ​ឆ្នោត​ចំនួន​៥៨​ភាគ​រយ​គ្រោង​នឹង​ធ្វើ​ពហិការ​ការ​បោះឆ្នោត​នេះ។

​គូប្រជែងខ្លាំង​របស់​លោក​ Putin​ ​គឺ​លោក ​Alexei Navalny ជា​មេដឹកនាំ​ប្រឆាំង ​លោក​ត្រូវ​បាន​គេដក​ចេញ​ពីការ​បោះឆ្នោត​នៅ​ពេល​ដែល​លោក​ត្រូវ​បាន​ផ្តន្ទាទោស​ពីបទ​កិប​កេង​លុយ​នៅ​ក្នុង​ខែ​ធ្នូ៕

XS
SM
MD
LG