ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សភា​តំណាង​រាស្ត្រ​ពី​គណបក្ស​ប្រជាធិបតេយ្យ​គ្រោង​បន្ត​ស៊ើប​អង្កេត​ការ​ជ្រៀត​ជ្រែក​របស់​រុស្ស៊ី


លោក Adam Schiff សមាជិក​គណៈ​កម្មាធិការ​ស៊ើប​អង្កេត​របស់​សភា​តំណាង​រាស្ត្រ​ ថ្លែង​ទៅ​កាន់​អ្នក​សារព័ត៌មាន​នៅ​វិមាន​កាពីតូល ក្នុង​រដ្ឋ​ធានី​វ៉ាស៊ីតោន កាលពី​ថ្ងៃទី​១៣ មីនា ២០១៨។

ពួក​ប្រជាធិបតេយ្យ​នៅ​ក្នុង​គណៈ​កម្មាធិការ​ស៊ើប​ការ​សម្ងាត់​របស់​សភា​តំណាង​រាស្ត្រ​អាមេរិកាំង​បាន​និយាយ​កាល​ពី​ថ្ងៃ​អង្គារ​ថា ​ពួក​គេ​នឹងខិត​ខំ​ព្យាយាម​បន្ត​ការ​ស៊ើប​អង្កេត​អំពី​ការ​ជ្រៀត​ជ្រែក​របស់​រុស្សី​ក្នុង​ការ​បោះឆ្នោត​ក្នុង​ស.រ.អា.​កាល​ពី​ឆ្នាំ​២០១៦​នៅ​ក្រោយ​ពួក​សាធារណរដ្ឋ​ដែល​ជា​ពួក​ភាគ​ច្រើន​នៅ​ក្នុង​គណៈ​កម្មាធិការ​នេះ​បាន​និយាយ​ថា​ ការ​ស៊ើប​អង្កេត​របស់​គណៈ​កម្មាធិការ​នេះ​បាន​ចប់​ហើយ។​

លោក​ Adam Schiff ​ដែល​ជា​អ្នក​ប្រជាធិបតេយ្យ​ជាន់​ខ្ពស់​ម្នាក់​នៅ​ក្នុង​សភា​តំណាង​រាស្ត្រ​អាមេរិកាំង​បាន​ចេញ​ផ្សាយ​របាយការណ៍​មួយ​មាន​២២​ទំព័រ​ដោយ​បង្ហាញ​ដោយ​ល្អិត​ល្អន់​អំពី​គោលការណ៍​នៃ​ការ​ស៊ើប​អង្កេតដែល​ពួក​ប្រជាធិបតេយ្យ​មាន​ជំនឿ​ថា​ គួរ​ធ្វើ​ជាមួយ​និង​បញ្ជី​មួយ​នៃ​ឈ្មោះ​ពួក​មន្ត្រី​សេតវិមាន​, ពួក​មន្ត្រី​ធ្វើការ​ឃោសនា​បោះឆ្នោត​ឱ្យ​លោក​ ត្រាំ​ និង​ពួក​សមាជិក​នៃ​សហគមន៍​ស៊ើបការ​សម្ងាត់​ដែល​គួរ​ត្រូវ​សម្ភាស។

លោក​ Schiff ​បាន​មាន​ប្រសាសន៍​ថា​ សេចក្តី​ព្រាង​របាយការណ៍​របស់​ពួក​សាធារណរដ្ឋ​ស្តី​ពី​ការ​ស៊ើប​អង្កេត​មួយ​ឆ្នាំ​របស់​គណៈ​កម្មាធិការ​នេះ​«បង្ហាញហេតុការណ៍​នាំ​ឱ្យ​មាន​ការ​ភ័ន្ត​ច្រឡំ​ហើយ​បង្ហាញ​ពីរូបភាព​មួយ​ដែល​រៀប​រាប់​អំពី​រឿង​រ៉ាវ​មួយ​ដែល​ច្បាស់​លាស់​ជាង​របាយការណ៍​ដែល​ត្រូវ​សរសេរ​ដោយ​សេតវិមាន​ខ្លួន​ឯងទៅ​ទៀត»។

លោក​ Mike Conaway ​អ្នក​តំណាង​រាស្ត្រ​ខាង​គណបក្ស​សាធារណរដ្ឋ​ប្រចាំ​រដ្ឋ Texas ​បាន​និយាយ​កាល​ពី​ថ្ងៃ​ចន្ទ​ដោយ​លោក​បាន​ពណ៌នា​អំពី​សេចក្តី​រាយការណ៍​នេះ​ថា​ គណៈ​កម្មាធិការ​នេះ​«មិន​បាន​រក​ឃើញ​ភ័ស្តុតាង​នៃ​ការ​ឃុប​ឃិត»​រវាង​ប្រទេស​រុស្សី​និង​ក្រុម​អ្នក​ឃោសនា​បោះ​ឆ្នោត​ឱ្យ​ប្រធានាធិបតី​ ដូណាល់ ត្រាំ​ ទេ៕

XS
SM
MD
LG