វ៉ាស៊ីនតោន —
អាជ្ញាធរក្រុងភ្នំពេញបានក្រើនរំលឹកដល់គណបក្សសង្គ្រោះជាតិដែលកំពុងធ្វើបាតុកម្មទម្លាក់លោកនាយករដ្ឋមន្ត្រី ហ៊ុន សែន និងទាមទារឱ្យមានការបោះឆ្នោតឡើងវិញឱ្យគ្រប់គ្រងក្រុមបាតុករឱ្យបានត្រឹមត្រូវនិងកុំប្រើពាក្យពេចន៍ប៉ះពាល់ដល់អ្នកដទៃ។
នៅក្នុងលិខិតជម្រាបជូនដល់ប្រធានគណបក្សសង្គ្រោះជាតិកាលពីថ្ងៃទី១៧ខែធ្នូហើយត្រូវបានផ្សាយតាមគេហទំព័ររបស់អង្គភាពព័ត៌មាននិងប្រតិកម្មរហ័សនៃទីស្តីការគណៈរដ្ឋមន្ត្រី សាលាក្រុងភ្នំពេញបានបញ្ជាក់ថា៖
«សាលារាជធានីភ្នំពេញពិតជាមានការសោកស្តាយណាស់ដោយសារគម្រោងសកម្មភាពនៃការសម្តែងមតិរបស់គណបក្សសង្គ្រោះជាតិមិនគោរពតាមនីតិវិធីដែលមានចែងក្នុងច្បាប់ស្តីពីការធ្វើបាតុកម្មដោយសន្តិវិធី»។
គណបក្សសង្គ្រោះជាតិបានធ្វើបាតុកម្មជារៀងរាល់ថ្ងៃចាប់តាំងពីថ្ងៃអាទិត្យទី១៥ខែធ្នូមកដោយទាមទារឱ្យមានការបោះឆ្នោតជាតិឡើងវិញបន្ទាប់ពីការទាមទារឱ្យស៊ើបអង្កេតលើភាពមិនប្រក្រតីក្នុងពេលបោះឆ្នោតជាតិបានបរាជ័យហើយការចរចាជាច្រើនលើកជាមួយនឹងគណបក្សប្រជាជនកម្ពុជាដែលគ្រប់គ្រងប្រទេសបានខកខានមិនឈានដល់កិច្ចព្រមព្រៀងណាមួយដើម្បីបញ្ចប់វិបត្តិនយោបាយ។
ក្រុមអ្នកចូលរួមតវ៉ាដែលមានចំនួនរាប់ពាន់នាក់បានប្តូរយុទ្ធសាស្រ្តពីការតវ៉ានៅទីលានប្រជាធិបតេយ្យមកជាការជិះម៉ូតូដង្ហែរនិងពេលខ្លះជិះរថយន្តឬដើរទៅតាមថ្ងៃផ្សេងៗគ្នា។
ពួកគេបានស្រែកបន្ទរតៗគ្នាថា៖ «ដូរ មិន ដូរ? ដូរ! ហ៊ុន សែនអើយ! ចុះចេញទៅ! ហ៊ុន សែនអើយ! ចុះចេញទៅ! ហ៊ុន សែនអើយ! ចុះចេញទៅ!»
សាលាក្រុងភ្នំពេញបានបញ្ជាក់បន្ថែមនៅក្នុងលិខិតរបស់ខ្លួនថាគណបក្សសង្រ្គោះជាតិគួរគប្បីកែលម្អសកម្មភាពរបស់ខ្លួនដែលមានការរៀបចំពិធីសាសនា ធ្វើរូបទីងមោង រៀបរថយន្តក្បួនដង្ហែ និងប្រើពាក្យសំដីប៉ះពាល់ដល់សិទ្ធិបុគ្គល ការបណ្តែតបណ្តោយឱ្យបាតុករចាកចេញពីទីលានប្រជាធិបតេយ្យ និងការបន្តការស្នាក់នៅលើទីលានប្រជាធិបតេយ្យដោយគ្មានការអនុញ្ញាតជាដើម។
នៅក្នុងការវិវត្តន៍ចុងក្រោយគឺគណបក្សសង្គ្រោះជាតិបានដាក់ឱសានវាទឱ្យរៀបចំការបោះឆ្នោតជាតិក្នុងរយៈពេលបីខែខាងមុខហើយមេដឹកនាំគណបក្សហាក់ដូចជាមិនដកថយក្នុងការទាមទាររបស់ខ្លួន។
កាលពីយប់ថ្ងៃអង្គារលោកសម រង្ស៊ីប្រធានគណបក្សបានបញ្ជាក់នូវជំហររឹងត្អឹងរបស់លោកប្រាប់ដល់បាតុករថា៖ «ខ្ញុំបានមើលឃើញសភាពការណ៍ស្រុកខ្មែរគឺកាន់តែដុនដាបទៅដុនដាប់ទៅ ហើយ ឃើញជាតិយើងអន្តរាយហើយខ្ញុំបានប្តេជ្ញាចិត្តថាខ្ញុំចាស់ហើយអត់ខ្លាចស្លាប់ទេដល់ពេលហើយត្រូវហ៊ានបូជាជីវិតដើម្បីជាតិបានរស់»។
គណបក្សប្រជាជនកម្ពុជារបស់លោកនាយករដ្ឋមន្ត្រីហ៊ុន សែនឈ្នះបានអាសនៈចំនួន៦៨ដែលអាចគ្រប់គ្រងប្រទេសតែម្នាក់ឯងបាន រីឯគណបក្សសង្គ្រោះជាតិឈ្នះបាន៥៥អាសនៈ ពីការបោះឆ្នោតជាតិកាលពីថ្ងៃទី២៨ខែកក្កដា។ នេះបើតាមការប្រកាសរបស់គណៈកម្មាធិការជាតិរៀបចំការបោះឆ្នោត។ ប៉ុន្តែគណបក្សប្រឆាំងបានប្រកាសថាខ្លួនឈ្នះបានអាសនៈចំនួន៦៣ដែលជាចំនួនគ្រប់គ្រាន់ដើម្បីដឹកនាំប្រទេសតែម្នាក់ឯងដែរ។
ក្រុមអង្គការជំនាញខាងការបោះឆ្នោតដែលមានឈ្មោះថាសម្ព័ន្ធកំណែទម្រង់ការបោះឆ្នោតបានចេញរបាយការណ៍កាលពីសប្តាហ៍មុនដោយបានរកឃើញថា មានភាពមិនប្រក្រតីមួយចំនួនដែលអាចជួយឱ្យគណបក្សកាន់អំណាចឈ្នះបានអាសនៈរហូតបានចំនួន៦៨នេះ៕
នៅក្នុងលិខិតជម្រាបជូនដល់ប្រធានគណបក្សសង្គ្រោះជាតិកាលពីថ្ងៃទី១៧ខែធ្នូហើយត្រូវបានផ្សាយតាមគេហទំព័ររបស់អង្គភាពព័ត៌មាននិងប្រតិកម្មរហ័សនៃទីស្តីការគណៈរដ្ឋមន្ត្រី សាលាក្រុងភ្នំពេញបានបញ្ជាក់ថា៖
«សាលារាជធានីភ្នំពេញពិតជាមានការសោកស្តាយណាស់ដោយសារគម្រោងសកម្មភាពនៃការសម្តែងមតិរបស់គណបក្សសង្គ្រោះជាតិមិនគោរពតាមនីតិវិធីដែលមានចែងក្នុងច្បាប់ស្តីពីការធ្វើបាតុកម្មដោយសន្តិវិធី»។
គណបក្សសង្គ្រោះជាតិបានធ្វើបាតុកម្មជារៀងរាល់ថ្ងៃចាប់តាំងពីថ្ងៃអាទិត្យទី១៥ខែធ្នូមកដោយទាមទារឱ្យមានការបោះឆ្នោតជាតិឡើងវិញបន្ទាប់ពីការទាមទារឱ្យស៊ើបអង្កេតលើភាពមិនប្រក្រតីក្នុងពេលបោះឆ្នោតជាតិបានបរាជ័យហើយការចរចាជាច្រើនលើកជាមួយនឹងគណបក្សប្រជាជនកម្ពុជាដែលគ្រប់គ្រងប្រទេសបានខកខានមិនឈានដល់កិច្ចព្រមព្រៀងណាមួយដើម្បីបញ្ចប់វិបត្តិនយោបាយ។
ក្រុមអ្នកចូលរួមតវ៉ាដែលមានចំនួនរាប់ពាន់នាក់បានប្តូរយុទ្ធសាស្រ្តពីការតវ៉ានៅទីលានប្រជាធិបតេយ្យមកជាការជិះម៉ូតូដង្ហែរនិងពេលខ្លះជិះរថយន្តឬដើរទៅតាមថ្ងៃផ្សេងៗគ្នា។
ពួកគេបានស្រែកបន្ទរតៗគ្នាថា៖ «ដូរ មិន ដូរ? ដូរ! ហ៊ុន សែនអើយ! ចុះចេញទៅ! ហ៊ុន សែនអើយ! ចុះចេញទៅ! ហ៊ុន សែនអើយ! ចុះចេញទៅ!»
សាលាក្រុងភ្នំពេញបានបញ្ជាក់បន្ថែមនៅក្នុងលិខិតរបស់ខ្លួនថាគណបក្សសង្រ្គោះជាតិគួរគប្បីកែលម្អសកម្មភាពរបស់ខ្លួនដែលមានការរៀបចំពិធីសាសនា ធ្វើរូបទីងមោង រៀបរថយន្តក្បួនដង្ហែ និងប្រើពាក្យសំដីប៉ះពាល់ដល់សិទ្ធិបុគ្គល ការបណ្តែតបណ្តោយឱ្យបាតុករចាកចេញពីទីលានប្រជាធិបតេយ្យ និងការបន្តការស្នាក់នៅលើទីលានប្រជាធិបតេយ្យដោយគ្មានការអនុញ្ញាតជាដើម។
នៅក្នុងការវិវត្តន៍ចុងក្រោយគឺគណបក្សសង្គ្រោះជាតិបានដាក់ឱសានវាទឱ្យរៀបចំការបោះឆ្នោតជាតិក្នុងរយៈពេលបីខែខាងមុខហើយមេដឹកនាំគណបក្សហាក់ដូចជាមិនដកថយក្នុងការទាមទាររបស់ខ្លួន។
កាលពីយប់ថ្ងៃអង្គារលោកសម រង្ស៊ីប្រធានគណបក្សបានបញ្ជាក់នូវជំហររឹងត្អឹងរបស់លោកប្រាប់ដល់បាតុករថា៖ «ខ្ញុំបានមើលឃើញសភាពការណ៍ស្រុកខ្មែរគឺកាន់តែដុនដាបទៅដុនដាប់ទៅ ហើយ ឃើញជាតិយើងអន្តរាយហើយខ្ញុំបានប្តេជ្ញាចិត្តថាខ្ញុំចាស់ហើយអត់ខ្លាចស្លាប់ទេដល់ពេលហើយត្រូវហ៊ានបូជាជីវិតដើម្បីជាតិបានរស់»។
គណបក្សប្រជាជនកម្ពុជារបស់លោកនាយករដ្ឋមន្ត្រីហ៊ុន សែនឈ្នះបានអាសនៈចំនួន៦៨ដែលអាចគ្រប់គ្រងប្រទេសតែម្នាក់ឯងបាន រីឯគណបក្សសង្គ្រោះជាតិឈ្នះបាន៥៥អាសនៈ ពីការបោះឆ្នោតជាតិកាលពីថ្ងៃទី២៨ខែកក្កដា។ នេះបើតាមការប្រកាសរបស់គណៈកម្មាធិការជាតិរៀបចំការបោះឆ្នោត។ ប៉ុន្តែគណបក្សប្រឆាំងបានប្រកាសថាខ្លួនឈ្នះបានអាសនៈចំនួន៦៣ដែលជាចំនួនគ្រប់គ្រាន់ដើម្បីដឹកនាំប្រទេសតែម្នាក់ឯងដែរ។
ក្រុមអង្គការជំនាញខាងការបោះឆ្នោតដែលមានឈ្មោះថាសម្ព័ន្ធកំណែទម្រង់ការបោះឆ្នោតបានចេញរបាយការណ៍កាលពីសប្តាហ៍មុនដោយបានរកឃើញថា មានភាពមិនប្រក្រតីមួយចំនួនដែលអាចជួយឱ្យគណបក្សកាន់អំណាចឈ្នះបានអាសនៈរហូតបានចំនួន៦៨នេះ៕
