ភ្នំពេញ៖ គណបក្សសង្គ្រោះជាតិនិងគណបក្សប្រជាជនកម្ពុជាបានព្រមព្រៀងគ្នាមួយអន្លើថា បញ្ឈប់រាល់អំពើហិង្សាតាមគ្រប់រូបភាពតាមព្រះរាជតម្រិះរបស់ ព្រះមហាក្សត្រ នេះបើតាមការបញ្ជាក់ក្នុងសេចក្តីថ្លែងការណ៍នៃគណបក្សទាំងពីរដែលបានចែកផ្សាយបន្ទាប់ពីកិច្ចប្រជុំកំពូល។
គណបក្សគូជម្លោះទាំងពីរបានបើកកិច្ចប្រជុំកំពូលបិទទ្វារមួយនៅព្រឹកថ្ងៃច័ន្ទនេះ នៅមន្ទីររដ្ឋសភាជាតិដោយប្រើពេលវេលាប្រមាណជិត៥ម៉ោង ដើម្បីដោះស្រាយវិបត្តិនយោបាយក្រោយការបោះឆ្នោត។
នៅក្នុងកិច្ចប្រជុំថ្នាក់ដឹកនាំកំពូលនេះ គណបក្សប្រជាជនកម្ពុជាដឹកនាំដោយលោកនាយករដ្ឋមន្រ្តី ហ៊ុន សែន លោក ស ខេង លោក សាយ ឈុំ និងសហការីរបស់លោកបីរូបទៀត។ ចំណែកខាងគណបក្សសង្គ្រោះជាតិវិញដឹកនាំដោយលោក សម រង្ស៊ី លោក កឹម សុខា និង លោក ប៉ុល ហំម ព្រមទាំងមន្ត្រីជាន់ខ្ពស់គណបក្សចំនួនបីរូបផ្សេងទៀត។
គណប្រតិភូដែលដឹកនាំដោយគណបក្សសង្គ្រោះជាតិត្រូវបានអនុញ្ញាតឲ្យចូល ក្នុងបន្ទប់នៃកិច្ចប្រជុំមុន ហើយក្រោយមកទើបគណបក្សប្រជាជនកម្ពុជាចូលតាមក្រោយ។
នៅក្នុងសេចក្តីថ្លែងការណ៏រួមដែលបានចែកជូនក្រុមអ្នកសារព័ត៌មាន បានឲ្យដឹងថា គណបក្សទាំងពីរបានព្រមព្រៀងគ្នាលើចំណុចបី ដែលរួមមាន៖ ការសន្យាថា នឹងបញ្ឈប់រាល់អំពើហឹង្សាគ្រប់រូបភាព ដែលរួមមានការគប់ដុំថ្ម និងការប្រើប្រាស់អាវុធដែលបានបណ្តាលឲ្យជនរងគ្រោះម្នាក់ស្លាប់ និងរងរបួសជាច្រើននាក់កាលពីយប់ថ្ងៃអាទិត្យ។
ភាគីទាំងពីរ បានព្រមព្រៀងគ្នាថា នឹងបង្កើតយន្តការមួយដើម្បីកែទម្រង់ការបោះឆ្នោតនាពេលខាងមុខ តែមិនមែនកែប្រែសមាសភាពគ.ជ.ប.ទេ គឺកែប្រែនិតិវិធីបោះឆ្នោតដ៏ស្មុគស្មាញរបស់គ.ជ.ប.តែប៉ុណ្ណោះ និងចំណុចចុងក្រោយភាគីទាំងពីរនឹងបន្តជួបចរចាគ្នាតាមគ្រប់កំរិត ដើម្បីដោះស្រាយបញ្ហាជាតិ។
នៅក្នុងកម្មវិធី Hello VOA នៅយប់ថ្ងៃច័ន្ទនេះ លោក សម រង្ស៊ី ប្រធានគណបក្សសង្គ្រោះជាតិ បានថ្លែងថា ការប្រជុំដើម្បីចរចាគ្នាជាបន្ត ជាមួយថ្នាក់ដឹកនាំគណបក្សប្រជាជន នឹងធ្វើឡើងនៅវេលាថ្ងៃអង្គារនេះ នៅរដ្ឋសភាជាតិ ដែលនឹងមានការចូលរួមរបស់លោកនាយករដ្ឋមន្ត្រី ហ៊ុន សែន ដូចកិច្ចប្រជុំកាលពីថ្ងៃច័ន្ទដែរ។
ការចរចានៅព្រឹកថ្ងៃ ច័ន្ទនេះ គណបក្សទាំងពីរមិនទាន់ជជែកដល់ការចូលរួមបើកកិច្ចប្រជុំសភាដំបូង តាមការកោះអញ្ជើញរបស់ព្រះមហាក្សត្រដែលគ្រោងធ្វើនៅថ្ងៃទី២៣ កញ្ញាខាងមុននេះ និងការចូលរួមបង្កើតរដ្ឋាភិបាលចំរុះ ព្រមទាំងការបែងចែកតំណែងក្នុងរដ្ឋសភានៅឡើយទេ។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានប្រាប់ក្នុងសន្និសិទការសែត ក្រោយពីបញ្ចប់កិច្ចប្រជុំថានៅសល់ពេលមួយសប្តាហ៍ទៀតដែលត្រូវ ពិចារណា។
«វាអាស្រ័យទៅលើឆន្ទៈរបស់ប្រជាពលរដ្ឋ។ យើងនៅមានពេល៧ថ្ងៃទៀតដើម្បីរិះរកមធ្យោបាយធ្វើយ៉ាងម៉េចឲ្យភាគី ទាំងសង្ខាងទទួលយកបាន»។
គណបក្សសង្គ្រោះជាតិបានទាមទារឲ្យ រដ្ឋាភិបាលបង្កើតគណកម្មការចម្រុះមួយដើម្បីស៊ើបអង្កេតលទ្ធផលបោះឆ្នោតដោយមានការចូលរួមពីអង្គការសហប្រជាជាតិ តែត្រូវបានគណបក្សប្រជាជនកម្ពុជានៅតែទាត់ចោលចំពោះសំណើរនេះ។
លោក ប្រាក់ សុខុន មន្ត្រីតំណាងឲ្យគណបក្សប្រជាជនបញ្ជាក់ថា សំណើរនេះមិនអាចទៅរួចទេ។
«គណកម្មាធិការជាតិរៀបចំការបោះឆ្នោតនិងក្រុមប្រឹក្សាធម្មនុញ្ញដែលជាស្ថាប័ន កំពូលមានអណត្តិនៅក្នុងការវិនិច្ឆ័យអំពីលទ្ធផលនៃការបោះឆ្នោត ហើយគឺថាបានធ្វើសេចក្តីសម្រេចរបស់ខ្លួនហើយ គឺប្រគល់អសនៈ៦៨កៅអីជូនគណបក្សប្រជាជននិង៥៥កៅអីជូនគណបក្សសង្គ្រោះជាតិហើយ។ យើងមិនអាចហើយមិនមានសិទ្ធិបកថយក្រោយនោះទេ»។
លោកបណ្ឌិត ឡៅ ម៉ុងហៃ អ្នកវិភាគឯករាជ្យមួយរូបបានបញ្ជាក់ថា ការបដិសេធរបស់គណបក្សប្រជាជនកម្ពុជាមិនចង់ឲ្យបង្កើតគណកម្មការដោះស្រាយភាពមិនប្រក្រតីក្នុងអំឡុងពេលបោះឆ្នោតដោយសារតែមានការពិតខ្លះដែលត្រូវបានលាក់បាំង។
ក៏ប៉ុន្តែ លោកបានសង្កត់ធ្ងន់ថា ការចរចានេះមិនមានភាគីណាមួយទៅបង្ខំគេឲ្យធ្វើតាម១០០% បានទេ ហើយក៏មិនអាចបដិសេធ ១០០% បានដែរ។
លោកបណ្ឌិត ឡៅ ម៉ុងហៃ បានឲ្យដឹងថា ការចរចានៅថ្ងៃច័ន្ទនេះ អាចទទួលយកបាននូវយន្តការកែទម្រង់គ.ជ.ប. ដែលលោកជឿជាក់ថាអាចនឹងពិនិត្យមើលនូវភាពមិនប្រក្រតីបោះឆ្នោតបាន៕
គណបក្សគូជម្លោះទាំងពីរបានបើកកិច្ចប្រជុំកំពូលបិទទ្វារមួយនៅព្រឹកថ្ងៃច័ន្ទនេះ នៅមន្ទីររដ្ឋសភាជាតិដោយប្រើពេលវេលាប្រមាណជិត៥ម៉ោង ដើម្បីដោះស្រាយវិបត្តិនយោបាយក្រោយការបោះឆ្នោត។
នៅក្នុងកិច្ចប្រជុំថ្នាក់ដឹកនាំកំពូលនេះ គណបក្សប្រជាជនកម្ពុជាដឹកនាំដោយលោកនាយករដ្ឋមន្រ្តី ហ៊ុន សែន លោក ស ខេង លោក សាយ ឈុំ និងសហការីរបស់លោកបីរូបទៀត។ ចំណែកខាងគណបក្សសង្គ្រោះជាតិវិញដឹកនាំដោយលោក សម រង្ស៊ី លោក កឹម សុខា និង លោក ប៉ុល ហំម ព្រមទាំងមន្ត្រីជាន់ខ្ពស់គណបក្សចំនួនបីរូបផ្សេងទៀត។
គណប្រតិភូដែលដឹកនាំដោយគណបក្សសង្គ្រោះជាតិត្រូវបានអនុញ្ញាតឲ្យចូល ក្នុងបន្ទប់នៃកិច្ចប្រជុំមុន ហើយក្រោយមកទើបគណបក្សប្រជាជនកម្ពុជាចូលតាមក្រោយ។
នៅក្នុងសេចក្តីថ្លែងការណ៏រួមដែលបានចែកជូនក្រុមអ្នកសារព័ត៌មាន បានឲ្យដឹងថា គណបក្សទាំងពីរបានព្រមព្រៀងគ្នាលើចំណុចបី ដែលរួមមាន៖ ការសន្យាថា នឹងបញ្ឈប់រាល់អំពើហឹង្សាគ្រប់រូបភាព ដែលរួមមានការគប់ដុំថ្ម និងការប្រើប្រាស់អាវុធដែលបានបណ្តាលឲ្យជនរងគ្រោះម្នាក់ស្លាប់ និងរងរបួសជាច្រើននាក់កាលពីយប់ថ្ងៃអាទិត្យ។
ភាគីទាំងពីរ បានព្រមព្រៀងគ្នាថា នឹងបង្កើតយន្តការមួយដើម្បីកែទម្រង់ការបោះឆ្នោតនាពេលខាងមុខ តែមិនមែនកែប្រែសមាសភាពគ.ជ.ប.ទេ គឺកែប្រែនិតិវិធីបោះឆ្នោតដ៏ស្មុគស្មាញរបស់គ.ជ.ប.តែប៉ុណ្ណោះ និងចំណុចចុងក្រោយភាគីទាំងពីរនឹងបន្តជួបចរចាគ្នាតាមគ្រប់កំរិត ដើម្បីដោះស្រាយបញ្ហាជាតិ។
នៅក្នុងកម្មវិធី Hello VOA នៅយប់ថ្ងៃច័ន្ទនេះ លោក សម រង្ស៊ី ប្រធានគណបក្សសង្គ្រោះជាតិ បានថ្លែងថា ការប្រជុំដើម្បីចរចាគ្នាជាបន្ត ជាមួយថ្នាក់ដឹកនាំគណបក្សប្រជាជន នឹងធ្វើឡើងនៅវេលាថ្ងៃអង្គារនេះ នៅរដ្ឋសភាជាតិ ដែលនឹងមានការចូលរួមរបស់លោកនាយករដ្ឋមន្ត្រី ហ៊ុន សែន ដូចកិច្ចប្រជុំកាលពីថ្ងៃច័ន្ទដែរ។
ការចរចានៅព្រឹកថ្ងៃ ច័ន្ទនេះ គណបក្សទាំងពីរមិនទាន់ជជែកដល់ការចូលរួមបើកកិច្ចប្រជុំសភាដំបូង តាមការកោះអញ្ជើញរបស់ព្រះមហាក្សត្រដែលគ្រោងធ្វើនៅថ្ងៃទី២៣ កញ្ញាខាងមុននេះ និងការចូលរួមបង្កើតរដ្ឋាភិបាលចំរុះ ព្រមទាំងការបែងចែកតំណែងក្នុងរដ្ឋសភានៅឡើយទេ។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានប្រាប់ក្នុងសន្និសិទការសែត ក្រោយពីបញ្ចប់កិច្ចប្រជុំថានៅសល់ពេលមួយសប្តាហ៍ទៀតដែលត្រូវ ពិចារណា។
«វាអាស្រ័យទៅលើឆន្ទៈរបស់ប្រជាពលរដ្ឋ។ យើងនៅមានពេល៧ថ្ងៃទៀតដើម្បីរិះរកមធ្យោបាយធ្វើយ៉ាងម៉េចឲ្យភាគី ទាំងសង្ខាងទទួលយកបាន»។
គណបក្សសង្គ្រោះជាតិបានទាមទារឲ្យ រដ្ឋាភិបាលបង្កើតគណកម្មការចម្រុះមួយដើម្បីស៊ើបអង្កេតលទ្ធផលបោះឆ្នោតដោយមានការចូលរួមពីអង្គការសហប្រជាជាតិ តែត្រូវបានគណបក្សប្រជាជនកម្ពុជានៅតែទាត់ចោលចំពោះសំណើរនេះ។
លោក ប្រាក់ សុខុន មន្ត្រីតំណាងឲ្យគណបក្សប្រជាជនបញ្ជាក់ថា សំណើរនេះមិនអាចទៅរួចទេ។
«គណកម្មាធិការជាតិរៀបចំការបោះឆ្នោតនិងក្រុមប្រឹក្សាធម្មនុញ្ញដែលជាស្ថាប័ន កំពូលមានអណត្តិនៅក្នុងការវិនិច្ឆ័យអំពីលទ្ធផលនៃការបោះឆ្នោត ហើយគឺថាបានធ្វើសេចក្តីសម្រេចរបស់ខ្លួនហើយ គឺប្រគល់អសនៈ៦៨កៅអីជូនគណបក្សប្រជាជននិង៥៥កៅអីជូនគណបក្សសង្គ្រោះជាតិហើយ។ យើងមិនអាចហើយមិនមានសិទ្ធិបកថយក្រោយនោះទេ»។
លោកបណ្ឌិត ឡៅ ម៉ុងហៃ អ្នកវិភាគឯករាជ្យមួយរូបបានបញ្ជាក់ថា ការបដិសេធរបស់គណបក្សប្រជាជនកម្ពុជាមិនចង់ឲ្យបង្កើតគណកម្មការដោះស្រាយភាពមិនប្រក្រតីក្នុងអំឡុងពេលបោះឆ្នោតដោយសារតែមានការពិតខ្លះដែលត្រូវបានលាក់បាំង។
ក៏ប៉ុន្តែ លោកបានសង្កត់ធ្ងន់ថា ការចរចានេះមិនមានភាគីណាមួយទៅបង្ខំគេឲ្យធ្វើតាម១០០% បានទេ ហើយក៏មិនអាចបដិសេធ ១០០% បានដែរ។
លោកបណ្ឌិត ឡៅ ម៉ុងហៃ បានឲ្យដឹងថា ការចរចានៅថ្ងៃច័ន្ទនេះ អាចទទួលយកបាននូវយន្តការកែទម្រង់គ.ជ.ប. ដែលលោកជឿជាក់ថាអាចនឹងពិនិត្យមើលនូវភាពមិនប្រក្រតីបោះឆ្នោតបាន៕
