ភ្ជាប់​ទៅ​គេហទំព័រ​ទាក់ទង

ក្រោយ​ពេលសុំ​សិទ្ធិ​ជារដ្ឋ​ផ្លូវការ​​ទទួល​បរាជ័យ​​ប៉ាឡេស្ទីន​ស្នើសុំចូល​រួម​ជាមួយ​ ICC


ប្រធានាធិបតី​ប៉ាឡេស្ទីន​ Mahmoud Abbas​ (កណ្តាល) ថ្លែង​សន្ទរកថា​ខណៈ​ពេល​ដែល​លោក​​នាយករដ្ឋមន្រ្តី​ប៉ាឡេស្ទីន​ Rami Hamdullah (ស្តាំ)​ ទះដៃ​អប់អរ​ក្នុង​ពិធី​រំឭក​ខួប​៥០ឆ្នាំ​នៃ​ការ​បង្កើត​ចលនា​ Fatah នៅតបន់ West Bank ក្នុង​ទីក្រុង​ Ramallah​​​​ កាល​ពី​ថ្ងៃ​ទី​៣១​ ខែធ្នូ​​ ឆ្នាំ២០១៤។

ប្រធានា​ធិបតី​ប៉ាឡេស្ទីន Mahmoud Abbas បាន​ចុះ​ហត្ថលេខាលើ​សំណើ​របស់​ប៉ាឡេស្ទីន(Palestine)​មួយ​ដើម្បី​ចូលរួម​ជាមួយ​តុលាការ​ឧក្រិដ្ឋកម្ម​អន្តរជាតិ (ICC)​ ដើម្បី​ស្វះ​ស្វែង​រក​ចំណាត់​ការ​ថ្មី​ប្រឆាំង​នឹង​អ៊ី​ស្រាអែល(Israel)​មួយ​ថ្ងៃ​បន្ទាប់​ពី​ការ​ស្វះស្វែង​របស់​ប៉ាឡេស្ទីន​ដើម្បី​បង្កើត​រដ្ឋ​បាន​ទទួល​បរាជ័យ​នៅ​ក្នុង​ក្រុម​ប្រឹក្សា​សន្តិសុខ​របស់​អង្គការ​សហប្រជាជាតិ។

ពួក​មន្រ្តី​ប៉ាឡេស្ទីន ​បាន​ជួប​គ្នា​កាល​ពី​ថ្ងៃ​ពុធ​ម្សិលមិញ​ដើម្បី​ពិភាក្សា​ពី​សមា​ជិកភាព​តុលាការ​ឧក្រិដ្ឋកម្ម​អន្តរជាតិ​(ICC)ដែល​ជាវិធី​មួយ​ដើម្បី​ប្តឹង​ចោទ​ប្រកាន់ប្រឆាំង​នឹង​អ៊ី​ស្រាអែល​ពី​បទ​ឧក្រិដ្ឋកម្ម​សង្គ្រាម។

ចំណាត់​ការ​នេះ​ត្រួសត្រាយ​ផ្លូវ​សម្រាប់​ឲ្យ​តុលាការ​ឧក្រិដ្ឋកម្ម​អន្តរជាតិ​(ICC)​ មាន​យុត្តាធិការ​លើឧក្រិដ្ឋ​កម្ម​ដែល​បានប្រព្រឹត្ត​នៅ​ក្នុង​ដែន​ដី​ប៉ាឡេស្ទីនហើយ​នឹង​ស៊ើប​អង្កេតសកម្មភាព​របស់​មេដឹកនាំអ៊ី​ស្រាអែល​និង​ប៉ាឡេស្ទីន​ក្នុង​អំឡុង​ពេល​នៃ​ជម្លោះ​បង្ហូរ​ឈាម​រវាង​ភាគី​ទាំង​២។

​កាល​ពី​ថ្ងៃ​អង្គារ​ ក្រុម​ប្រឹក្សា​សន្តិសុខ​របស់​អង្គការ​សហប្រជាជាតិ​ដែល​មាន​សមា​ជិក១៥​ប្រទេស​ ​បាន​បោះ​ឆ្នោត​ប្រឆាំង​នឹងសេចក្តី​ព្រាង​នៃ​សេចក្តី​សម្រេច​ចិត្តដែល​បាន​ទាម​ទារ​ឲ្យ​អ៊ី​ស្រាអែល​ដក​ចេញ​ពី​ដែន​ដី​ប៉ាឡេស្ទីន។

​សេចក្តី​សម្រេច​ចិត្ត​នោះ ​ខក​ខាន​មិន​បាន​ទទួល​សំឡេង​ឆ្នោត​៩​សំឡេង​ដើម្បី​ឲ្យ​បាន​ទទួល​ការ​អនុម័ត​ ​ដោយសារ​សហរដ្ឋ​អាមេរិកនិង​ប្រទេស​អូស្រ្តាលី​បាន​បោះ​ឆ្នោត​ប្រឆាំង​នឹង​វិធានការ​នេះ ​ប្រទេស៨​បាន​បោះ​ឆ្នោត​គាំទ្រ ​ហើយ​ប្រ​ទេស​៥​ទៀត​រួមមាន​អង់​គ្លេស​ផង ​បាន​បោះ​ឆ្នោត​អនុប្បវាទ៕

អត្ថបទ​ទាក់ទង

XS
SM
MD
LG