ភ្ជាប់​ទៅ​គេហទំព័រ​ទាក់ទង

អន្តរជាតិ​​​អំពាវនាវ​​​ឲ្យ​​​អ៊ីស្រាអែល​​​ ​​​និង​​​ហាម៉ាស​​​បញ្ឈប់​​​ការ​​​វាយ​​​ប្រហារ​​​ដាក់​​​គ្នា


ជនជាតិ​​​ប៉ាឡេស្ទីន​​​ដើរ​​កាត់​​​ផ្ទះ​​​បែកបាក់ ​​​ដោយសារ​​​ការ​​​វាយ​​​ប្រហារ​​​ដោយ​​​មីស៊ីល​​​ របស់​​​​​​យោធា​​​អ៊ីស្រាអែល​​​ ក្នុង​​​ជម្លោះ​​​បង្ហូរ​​​ឈាម​​​គ្នា​​​ដែល​​​អូស​​​បន្លាយ​​ ​អស់​​​រយៈពេល​​​ជាង​​​ មួយ​​​សប្ដាហ៍​​​មក​​​ហើយ​​​ក្នុង​​​តំបន់ Rafah​ ភាគ​​​ខាង​​​ត្បូង​​​នៃ​​​តំបន់​​​ហ្គាហ្សា​​​កា​ល​​​ពី​​​ថ្ងៃ​​​ ទី​​​ ១៤​​​ខែ​​​កក្កដា​​​ ឆ្នាំ​​​២០១៤​​​។

​សហគមន៍​អន្តរជាតិ​បាន​បន្ត​ដាក់​សម្ពាធ​បន្ថែម​ទៀត​ ដើម្បី​ឲ្យ​ប្រទេស​អ៊ីស្រាអែល​ និង​ក្រុម​សកម្ម​ប្រយុទ្ធ​ហាម៉ាស​បញ្ឈប់​ការប្រយុទ្ធគ្នា​ លើទឹកដី​នៃ​តំបន់​ហ្គាហ្សា​។​

ការ​ប្រយុទ្ធ​គ្នា​ដ៏បង្ហូរ​ឈាម​នេះ ​បាន​អូស​បន្លាយ​អស់​រយៈពេលមួយ​សប្ដាហ៍ ​ហើយ​រហូត​មកទល់​ថ្ងៃ​ចន្ទ​នេះ​ ភាគីទាំង​សងខាង​នៅ​តែ​បន្ត​ការ​វាយប្រហារ​ដាក់​គ្នា​ដដែល​។

​អ្នក​នាំ​ពាក្យ​សេតវិមាន (White House)​ និយាយ​ថា សហរដ្ឋ​អាមេរិក​នឹង​ខិត​ខំ​ប្រឹងប្រែង​ដើម្បី​បន្ថយ​កម្តៅ​ភាព​តានតឹងក្នុង​តំបន់​ហ្គាហ្សា​ ដ៏​ចម្រូងចម្រាស​។​ ខណៈ​ពេល​ដែល​សហភាព​អឺរ៉ុប​វិញ​ បានបង្ហាញ​ជំហរ ចង់​ធ្វើ​ជា​អ្នក​សម្របសម្រួល​ដើម្បី​បញ្ចប់​ការ​ប្រយុទ្ធ​គ្នា​។​

​ដោយ​ឡែក​សម្ព័ន្ធ​ប្រទេស​ក្នុង​តំបន់​អារ៉ាប់​វិញ ក៏បាន​ធ្វើ​ការ​អំពាវនាវ​ឲ្យ​សហគមន៍​អន្តរជាតិ​ ដាក់​សម្ពាធលើ​ប្រទេស​អ៊ីស្រាអែល​ ដើម្បី​ឲ្យ​ប្រទេស​មួយ​នេះ​ បញ្ឈប់​ការទម្លាក់​គ្រាប់​បែក​លើ​តំបន់​ហ្គាហ្សា។​មន្ត្រី​នៃ​សម្ព័ន្ធ​ដដែលនិយាយ​ថា​ ​អង្គការ​ការពារ​ច្បាប់​ និង​មនុស្ស​ធម៌ ​គប្បី​ត្រូវ​ការពារប្រជាពលរដ្ឋ​ប៉ាឡេស្ទីន​។

ក៏ប៉ុន្តែ​ទាំង​អ៊ីស្រាអែល ​និង​ក្រុម​ហាម៉ាស ហាក់​គ្មាន​ការ​ចាប់​អារម្មណ៍​និង​ការ​អំពាវនាវ​ទាំង​នោះ​ទេ៕

XS
SM
MD
LG