ដ្រូនបាញ់ប្រហារនិងបញ្ហាសិទ្ធិមនុស្សបង្អាក់ក្តីសង្ឃឹមនៃកិច្ចព្រមព្រៀងនុយក្លេអ៊ែរជាមួយអ៊ីរ៉ង់
ការខឹងសម្បានៅទូទាំងសាកលលោកនៅតែបន្តឡើង ដោយបាតុកម្មបង្កឡើងដោយសារតែការស្លាប់របស់ស្រ្តីអ៊ីរ៉ង់វ័យក្មេងម្នាក់ក្រោមការឃុំឃាំងដោយប៉ូលិសអ៊ីរ៉ង់។ ហើយការខឹងសម្បានេះបានងាកមកលើប្រទេសអ៊ីរ៉ង់ ស្របពេលដែលបាតុករបានស្រែកថា ការស្លាប់ចូលមានទៅដល់មេដឹកនាំកំពូលរបស់ប្រទេសនេះ។ ប៉ុន្តែការពាក់ព័ន្ធរបស់អ៊ីរ៉ង់ ដែលត្រូវបានគេចោទប្រកាន់ ក្នុងសង្គ្រាមរុស្ស៊ីនៅអ៊ុយក្រែន ប្រហែលជាឧបសគ្គដ៏ធំមួយ ចំពោះការស្តារឡើងវិញនូវកិច្ចព្រមព្រៀងនុយក្លេអ៊ែររវាងសហរដ្ឋអាមេរិកនិងអ៊ីរ៉ង់។ លោក Arash Arabasadi រាយការណ៍លម្អិតពីរដ្ឋធានីវ៉ាស៊ីនតោន។ អ្នកនាង ទែន សុខស្រីនិត ជូនសេចក្តីប្រែសម្រួល៕
