ភ្នំពេញ៖ បន្ទាប់ពីការចរចាអស់រយៈពេលជិត៥ម៉ោងកាលពីថ្ងៃច័ន្ទ គណបក្សគ្រប់គ្រងអំណាចនៃប្រទេសកម្ពុជានិងគណបក្សប្រឆាំង បានព្រមព្រៀងគ្នាចាត់វិធានការជាបន្តបន្ទាប់ដើម្បីបន្ធូរបរិយាកាសតានតឹង ក្រោយការបោះឆ្នោតនៅក្នុងប្រទេស ។ ជំនួបយ៉ាងយូរ បានកើតមានឡើងបន្ទាប់ពីមានអំពើហឹង្សាកាលពីយប់ថ្ងៃអាទិត្យនៅក្នុងទីក្រុងភ្នំពេញ ក្នុងអម្លុងពេលនោះបុរសម្នាក់បានត្រូវគេបាញ់សម្លាប់ហើយមនុស្សទៀតបានរងរបួស ។
អំពើហឹង្សាក្នុងទីក្រុងភ្នំពេញកាលពីយប់ថ្ងៃអាទិត្យ បានធ្វើឲ្យប្រជាពលរដ្ឋកម្ពុជាជាច្រើន រួមទាំងព្រះមហាក្សត្រនរោត្តម សីហមុនី ផង រន្ធត់ចិត្ត។
កាលពីថ្ងៃច័ន្ទ ព្រះមហាក្រត្យដែលជាព្រះរាជាអាស្រ័យរដ្ឋធម្មនុញ្ញបានចេញព្រះរាជសារមួយដែលអំពាវនាវដល់ភាគីទាំងសងខាងធ្វើឲ្យប្រាកដថា ប្រទេស នៅតែមានសន្តិភាព។
ថ្លែងនៅសភាកាលពីថ្ងៃច័ន្ទ លោក យឹម សុវណ្ណ អ្នកនាំពាក្យគណបក្សប្រឆាំង បាននិយាយថា សំណើររបស់ព្រះមហាក្សត្រ បានបង្កើតឲ្យមានកិច្ចព្រមព្រៀង៣ចំណុចលើកដំបូងបានត្រូវយល់ព្រមគ្នារវាងគណបក្សប្រជាជនកម្ពុជា និងគណបក្សសង្គ្រោះជាតិដែលជាគណបក្សប្រឆាំង។
«ចំណុចទីមួយ គឺជៀសវាងអំពើហឹង្សា យើង ត្រូវតែគោរពព្រះរាជសាររបស់ព្រះមហាក្សត្រដែលប្រកាសនៅថ្ងៃនេះ ដែលស្នើរសុំឲ្យគណបក្សទាំងពីរគឺគណបក្សសង្គ្រោះជាតិ និងគណបក្សប្រជាជនកម្ពុជាបជៀសវាងអំពើហឹង្សាឲ្យបានច្រើនទៅតាមលទ្ធភាពដែលអាចធ្វើបាន ។ បាតុកម្មរបស់យើង ត្រូវតែធ្វើឡើងដោយសន្តិភាព ហើយរដ្ឋាភិបាល ក៏ត្រូវតែមានការអត់ធ្មត់ មិនប្រើកម្លាំងឬអាវុធប្រឆាំងនឹងបាតុករទេ»។
បញ្ហាសំខាន់ជុំវិញការបោះឆ្នោតថ្ងៃទី២៨ ខែកក្កដា គឺគណកម្មាធិការជាតិរៀបចំការបោះឆ្នោតដែលជាអង្គការពិនិត្យមើលការបោះឆ្នោត។ គណកម្មាធិការជាតិរៀបចំការបោះឆ្នោតនោះ បានត្រូវមតិជាច្រើនមើលឃើញថា បានគាំទ្រគណបក្សកំពុងកាន់អំណាចនៅក្នុងការបោះឆ្នោតលើកនេះនិងការបោះឆ្នោតកាលពីលើកមុនៗ ។
ការទទួលខុសត្រូវមួយក្នុងចំណោមការទទួលខុសត្រូវនានារបស់គណកម្មាធិការរៀបចំការបោះឆ្នោត គឺបញ្ជីឈ្មោះអ្នកបោះឆ្នោត ដែលការសិក្សាឯករាជ្យនៅឆ្នាំនេះ បង្ហាញថា មានគុណវិបត្តិយ៉ាងខ្លាំងដោយមានឈ្មោះអ្នកបោះឆ្នោតខ្មោចនិងឈ្មោះជាន់គ្នាជាង១លាននាក់ ។ បន្ថែមពីនេះទៀត អ្នកបោះឆ្នោតពិតប្រាកដប្រហែលមួយលាននាក់ បាត់បង់សិទ្ធិបោះឆ្នោត។
គណបក្សប្រឆាំង ពោលអះអាងថា គុណវិបត្តិទាំងនេះ ធ្វើដោយចេតនានិងធ្វើឲ្យប៉ះពាល់ដល់ការបោះឆ្នោត ។
លោក យឹម សុវណ្ណ និយាយបន្តទៀតថា ភាគីទាំងពីរ ដែលរួមមានលោកនាយករដ្ឋមន្រ្តីហ៊ុន សែននិងលោក សម រង្ស៊ី មេដឹកនាំគណបក្សប្រឆាំងក៏បានព្រមព្រៀងគ្នាកាលពីថ្ងៃច័ន្ទថានឹងបង្កើតគណកម្មាធិការមួយដែលនឹងពិនិត្យមើលពីរបៀបនៃការធ្វើកំណែទម្រង់ដែលពាក់ព័ន្ធនឹងការបោះឆ្នោត ។
បន្ទាប់ពីការចរចា លោក សម រង្ស៊ី មេដឹកនាំគណបក្សប្រឆាំងនិងលោក កឹម សុខា អនុប្រធានរបស់លោក បានធ្វើដំណើរទៅកាន់ទីលានសេរីភាពកណ្តាលរាជធានីភ្នំពេញ ដែលនៅទីនោះ ពួកអ្នកគាំទ្ររបស់អស់លោករាប់ម៉ឺននាក់ បានធ្វើបាតុកម្មរយៈពេល៣ថ្ងៃដើម្បីតវ៉ាប្រឆាំងលទ្ធផលនៃការបោះឆ្នោតនេះ ។
បាតុកម្ម បានចាប់ផ្តើមកាលពីថ្ងៃអាទិត្យហើយ ទោះជាយ៉ាងនោះក៏ដោយ ភាគច្រើនបានធ្វើឡើងដោយសន្តិវិធីក្នុងពេលថ្ងៃ នៅពេលថ្ងៃរសៀល ឃើញមានការប៉ះទង្គិចតិចតួចនៅតំបន់ដែលបិទផ្លូវជិតព្រះបរមរាជវាំងរវាងបាតុករចោលដុំថ្មនិងប៉ូលីសប្រឆាំងកុប្បកម្មដែល តបតវិញដោយប្រើឧស្ម័នបង្ហូរទឹកភ្នែក។
នៅទីបញ្ចប់បាតុករ បានបំបែកគ្នាបន្ទាប់ពីលោក សម រង្ស៊ី បាននិយាយកាលពីថ្ងៃអាទិត្យប្រាប់ពួកគេឲ្យបញ្ឈប់ការប្រយុទ្ធ ។ ប៉ុន្តែ មានស្ថានភាពធ្ងន់ធ្ងរពីអំពើហឹង្សា បានផ្ទុះឡើងក្រោយមកនៅយប់ដដែលនោះនៅក្នុងផ្នែកមួយទៀតនៃទីក្រុង ដែលនៅទីនោះ ប៉ូលីស បានបាញ់សម្លាប់បុរសម្នាក់នៅលើស្ពានដែលហាមមិនឲ្យឆ្លងកាត់ដែលពួកអាជ្ញាធរ បានបិទខ្ទប់។
កាលពីថ្ងៃច័ន្ទ ក្រុមអង្គការសិទ្ធិមនុស្សចម្រុះ បានចោទប្រកាន់កងអាវុធហត្ថពីការប្រើប្រាស់គ្រាប់រំសេវពិតៗនៅកន្លែងស្ពាននោះ។ កងអាវុធហត្ថ បានបដិសេធការចោទប្រកាន់នេះ ។
ទោះជាយ៉ាងណាក៏ដោយ ក្រុមអង្គការសិទ្ធិមនុស្ស បានប្រាប់ឲ្យដឹងថា បុរសនោះមានអាយុ២៩ឆ្នាំដែលមានកូន៤នាក់ បានត្រូវរាយការណ៍ថា ជាអ្នកធ្វើដំណើរដែលព្យាយាមទៅផ្ទះ បានត្រូវសម្លាប់ដោយសារគ្រាប់កាំភើ្លង ហើយបាននិយាយទៀតថា មនុស្ស៨នាក់ផ្សេងទៀត បានស្ថិតនៅមន្ទីរពេទ្យដោយសាររបួសគ្រាប់កាំភ្លើង ។ ក្រុមអង្គការសិទ្ធិមនុស្សបានប្រាប់ឲ្យដឹងទៀតថា យុវជនក្មេងៗជាច្រើន ខ្លះជាក្មេងជំទង់ បានត្រូវប៉ូលីស វាយ។
លោក យឹម សុវណ្ណ អ្នកនាំពាក្យគណបក្សប្រឆាំង បាននិយាយទៀតថា គណបក្សប្រឆាំង នឹងបន្តការតវ៉ាប្រឆាំងដែលបានគ្រោងទុកនៅទីលានសេរីភាពនៅថ្ងៃអង្គាររហូតដល់ថ្ងៃលិច៕
ប្រែសម្រួលដោយលោក ជឹង ប៉ូជីន
អំពើហឹង្សាក្នុងទីក្រុងភ្នំពេញកាលពីយប់ថ្ងៃអាទិត្យ បានធ្វើឲ្យប្រជាពលរដ្ឋកម្ពុជាជាច្រើន រួមទាំងព្រះមហាក្សត្រនរោត្តម សីហមុនី ផង រន្ធត់ចិត្ត។
កាលពីថ្ងៃច័ន្ទ ព្រះមហាក្រត្យដែលជាព្រះរាជាអាស្រ័យរដ្ឋធម្មនុញ្ញបានចេញព្រះរាជសារមួយដែលអំពាវនាវដល់ភាគីទាំងសងខាងធ្វើឲ្យប្រាកដថា ប្រទេស នៅតែមានសន្តិភាព។
ថ្លែងនៅសភាកាលពីថ្ងៃច័ន្ទ លោក យឹម សុវណ្ណ អ្នកនាំពាក្យគណបក្សប្រឆាំង បាននិយាយថា សំណើររបស់ព្រះមហាក្សត្រ បានបង្កើតឲ្យមានកិច្ចព្រមព្រៀង៣ចំណុចលើកដំបូងបានត្រូវយល់ព្រមគ្នារវាងគណបក្សប្រជាជនកម្ពុជា និងគណបក្សសង្គ្រោះជាតិដែលជាគណបក្សប្រឆាំង។
«ចំណុចទីមួយ គឺជៀសវាងអំពើហឹង្សា យើង ត្រូវតែគោរពព្រះរាជសាររបស់ព្រះមហាក្សត្រដែលប្រកាសនៅថ្ងៃនេះ ដែលស្នើរសុំឲ្យគណបក្សទាំងពីរគឺគណបក្សសង្គ្រោះជាតិ និងគណបក្សប្រជាជនកម្ពុជាបជៀសវាងអំពើហឹង្សាឲ្យបានច្រើនទៅតាមលទ្ធភាពដែលអាចធ្វើបាន ។ បាតុកម្មរបស់យើង ត្រូវតែធ្វើឡើងដោយសន្តិភាព ហើយរដ្ឋាភិបាល ក៏ត្រូវតែមានការអត់ធ្មត់ មិនប្រើកម្លាំងឬអាវុធប្រឆាំងនឹងបាតុករទេ»។
បញ្ហាសំខាន់ជុំវិញការបោះឆ្នោតថ្ងៃទី២៨ ខែកក្កដា គឺគណកម្មាធិការជាតិរៀបចំការបោះឆ្នោតដែលជាអង្គការពិនិត្យមើលការបោះឆ្នោត។ គណកម្មាធិការជាតិរៀបចំការបោះឆ្នោតនោះ បានត្រូវមតិជាច្រើនមើលឃើញថា បានគាំទ្រគណបក្សកំពុងកាន់អំណាចនៅក្នុងការបោះឆ្នោតលើកនេះនិងការបោះឆ្នោតកាលពីលើកមុនៗ ។
ការទទួលខុសត្រូវមួយក្នុងចំណោមការទទួលខុសត្រូវនានារបស់គណកម្មាធិការរៀបចំការបោះឆ្នោត គឺបញ្ជីឈ្មោះអ្នកបោះឆ្នោត ដែលការសិក្សាឯករាជ្យនៅឆ្នាំនេះ បង្ហាញថា មានគុណវិបត្តិយ៉ាងខ្លាំងដោយមានឈ្មោះអ្នកបោះឆ្នោតខ្មោចនិងឈ្មោះជាន់គ្នាជាង១លាននាក់ ។ បន្ថែមពីនេះទៀត អ្នកបោះឆ្នោតពិតប្រាកដប្រហែលមួយលាននាក់ បាត់បង់សិទ្ធិបោះឆ្នោត។
គណបក្សប្រឆាំង ពោលអះអាងថា គុណវិបត្តិទាំងនេះ ធ្វើដោយចេតនានិងធ្វើឲ្យប៉ះពាល់ដល់ការបោះឆ្នោត ។
លោក យឹម សុវណ្ណ និយាយបន្តទៀតថា ភាគីទាំងពីរ ដែលរួមមានលោកនាយករដ្ឋមន្រ្តីហ៊ុន សែននិងលោក សម រង្ស៊ី មេដឹកនាំគណបក្សប្រឆាំងក៏បានព្រមព្រៀងគ្នាកាលពីថ្ងៃច័ន្ទថានឹងបង្កើតគណកម្មាធិការមួយដែលនឹងពិនិត្យមើលពីរបៀបនៃការធ្វើកំណែទម្រង់ដែលពាក់ព័ន្ធនឹងការបោះឆ្នោត ។
បន្ទាប់ពីការចរចា លោក សម រង្ស៊ី មេដឹកនាំគណបក្សប្រឆាំងនិងលោក កឹម សុខា អនុប្រធានរបស់លោក បានធ្វើដំណើរទៅកាន់ទីលានសេរីភាពកណ្តាលរាជធានីភ្នំពេញ ដែលនៅទីនោះ ពួកអ្នកគាំទ្ររបស់អស់លោករាប់ម៉ឺននាក់ បានធ្វើបាតុកម្មរយៈពេល៣ថ្ងៃដើម្បីតវ៉ាប្រឆាំងលទ្ធផលនៃការបោះឆ្នោតនេះ ។
បាតុកម្ម បានចាប់ផ្តើមកាលពីថ្ងៃអាទិត្យហើយ ទោះជាយ៉ាងនោះក៏ដោយ ភាគច្រើនបានធ្វើឡើងដោយសន្តិវិធីក្នុងពេលថ្ងៃ នៅពេលថ្ងៃរសៀល ឃើញមានការប៉ះទង្គិចតិចតួចនៅតំបន់ដែលបិទផ្លូវជិតព្រះបរមរាជវាំងរវាងបាតុករចោលដុំថ្មនិងប៉ូលីសប្រឆាំងកុប្បកម្មដែល តបតវិញដោយប្រើឧស្ម័នបង្ហូរទឹកភ្នែក។
នៅទីបញ្ចប់បាតុករ បានបំបែកគ្នាបន្ទាប់ពីលោក សម រង្ស៊ី បាននិយាយកាលពីថ្ងៃអាទិត្យប្រាប់ពួកគេឲ្យបញ្ឈប់ការប្រយុទ្ធ ។ ប៉ុន្តែ មានស្ថានភាពធ្ងន់ធ្ងរពីអំពើហឹង្សា បានផ្ទុះឡើងក្រោយមកនៅយប់ដដែលនោះនៅក្នុងផ្នែកមួយទៀតនៃទីក្រុង ដែលនៅទីនោះ ប៉ូលីស បានបាញ់សម្លាប់បុរសម្នាក់នៅលើស្ពានដែលហាមមិនឲ្យឆ្លងកាត់ដែលពួកអាជ្ញាធរ បានបិទខ្ទប់។
កាលពីថ្ងៃច័ន្ទ ក្រុមអង្គការសិទ្ធិមនុស្សចម្រុះ បានចោទប្រកាន់កងអាវុធហត្ថពីការប្រើប្រាស់គ្រាប់រំសេវពិតៗនៅកន្លែងស្ពាននោះ។ កងអាវុធហត្ថ បានបដិសេធការចោទប្រកាន់នេះ ។
ទោះជាយ៉ាងណាក៏ដោយ ក្រុមអង្គការសិទ្ធិមនុស្ស បានប្រាប់ឲ្យដឹងថា បុរសនោះមានអាយុ២៩ឆ្នាំដែលមានកូន៤នាក់ បានត្រូវរាយការណ៍ថា ជាអ្នកធ្វើដំណើរដែលព្យាយាមទៅផ្ទះ បានត្រូវសម្លាប់ដោយសារគ្រាប់កាំភើ្លង ហើយបាននិយាយទៀតថា មនុស្ស៨នាក់ផ្សេងទៀត បានស្ថិតនៅមន្ទីរពេទ្យដោយសាររបួសគ្រាប់កាំភ្លើង ។ ក្រុមអង្គការសិទ្ធិមនុស្សបានប្រាប់ឲ្យដឹងទៀតថា យុវជនក្មេងៗជាច្រើន ខ្លះជាក្មេងជំទង់ បានត្រូវប៉ូលីស វាយ។
លោក យឹម សុវណ្ណ អ្នកនាំពាក្យគណបក្សប្រឆាំង បាននិយាយទៀតថា គណបក្សប្រឆាំង នឹងបន្តការតវ៉ាប្រឆាំងដែលបានគ្រោងទុកនៅទីលានសេរីភាពនៅថ្ងៃអង្គាររហូតដល់ថ្ងៃលិច៕
ប្រែសម្រួលដោយលោក ជឹង ប៉ូជីន
