Hello VOA៖ វិបត្តិសេដ្ឋកិច្ចជំរុញឱ្យពលរដ្ឋកម្ពុជាធ្វើចំណាកស្រុកទៅក្រៅប្រទេសបន្ថែមទៀត
ក្នុងពេលបច្ចុប្បន្ន តម្លៃទំនិញសំខាន់ៗស្ទើរគ្រប់ប្រភេទដូចជាសាំង និងអង្ករជាដើម ឡើងថ្លៃជាបន្តបន្ទាប់។ រោងចក្រកាត់ដេរមួយចំនួនដែលជាទីពឹងរបស់ប្រជាពលរដ្ឋពេញកម្លាំងការងារ ក៏ត្រូវបានបិទ និងព្យួរ ដោយសារបញ្ហាសេដ្ឋកិច្ចដែលកំពុងរងនូវវិបត្តិ។ លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថាសង់ត្រាល់ ថ្លែងក្នុងកម្មវិធី Hello VOA ស្តីពីពលករចំណាកស្រុកថា ការណ៍នេះបានបង្ខំឱ្យប្រជាពលរដ្ឋកម្ពុជាជាច្រើនបន្ថែមទៀត ចំណាកស្រុកទៅធ្វើជាពលករនៅក្រៅប្រទេស៕ (កាន់ វិច្ឆិកា, ភ្នំពេញ, ២៤ សីហា ២០២៣)
