ឡាវនៅត្រូវការទំនប់វារីអគ្គិសនី ទោះមានមហន្តរាយធ្ងន់ធ្ងរថ្មីៗនេះ
ការបាក់ទំនប់ដែលបង្កឲ្យមានគ្រោះមហន្តរាយនៅប្រទេសឡាវ បានធ្វើឲ្យការជជែកពិភាក្សាអំពីអនាគតទំនប់វារីអគ្គិសនីនៅក្នុងតំបន់កាន់តែតានតឹងថែមទៀត។ រដ្ឋាភិបាលឡាវបានតតាំងជាយូរមកហើយទៅនឹងការព្រមានពីផលប៉ះពាល់យ៉ាងធ្ងន់ធ្ងរ ដែលបង្កឡើងដោយមហិច្ឆតាទំនប់វារីអគ្គិសនីរបស់ខ្លួននៅលើទន្លេមេគង្គ។ ហើយទោះបីជាមានសញ្ញាចង្អុលបង្ហាញ ឲ្យមានការគិតពិចារណាឡើងវិញក៏ដោយ ក៏នៅតែមិនទាន់ច្បាស់ថា គ្រោះមហន្តរាយនៅពេលចុងក្រោយគេបង្អស់នេះនឹងធ្វើឲ្យរដ្ឋាភិបាលឡាវផ្លាស់ប្ដូរគំនិតនោះទេ។ លោក David Boyle ជូនសេចក្តីរាយការណ៍ពីខេត្ត Attapeu ប្រទេសឡាវ។
