តុលាការក្រុងឡាអេចាប់ផ្តើមសវនាការជម្លោះព្រំដែនខ្មែរ-ថៃ
សវនាការផ្ទាល់មាត់ចំពោះសំណុំរឿងប្រសាទព្រះវិហារបានចាប់ផ្តើមហើយនៅថ្ងៃច័ន្ទនេះនៅតុលាការអន្តរជាតិក្រុងឡាអេប្រទេសហូឡង់។ សវនាការនេះគ្រោងនឹងធ្វើឡើងរយៈពេល៥ថ្ងៃ ហើយគ្រោងនិងបិទបញ្ចប់នៅថ្ងៃទី២០ខាងមុខ។ ប្រទេសកម្ពុជាក្នុងនាមជាដើមបណ្តឹងត្រូវបានអនុញ្ញាតឲ្យថ្លែងការពារមុនប្រទេសថៃដែលគ្រោងនឹងថ្លែងការពារនៅថ្ងៃអង្គារស្អែកនេះ។ សវនាការផ្ទាល់មាត់នេះត្រូវបានផ្សាយបន្តផ្ទាល់តាមប្រព័ន្ធអិុនធើណែត។ លោកហេង រស្មីរាយការណ៍។
