ការបោះឆ្នោតពាក់កណ្តាលអាណត្តិនៅសហរដ្ឋអាមេរិក ឆ្នាំ២០២២
ព័ត៌មានដែលអ្នកគួរដឹង
នៅថ្ងៃអង្គារ ទី៨ ខែវិច្ឆិកា ឆ្នាំ២០២២ នេះ សហរដ្ឋអាមេរិកនឹងរៀបចំការបោះឆ្នោតពាក់កណ្តាលអាណត្តិប្រធានាធិបតី ដែលជ្រើសរើសសមាជិករដ្ឋសភាទាំងអស់ និងសមាជិកព្រឹទ្ធសភាប្រមាណ ១ភាគ៣ និងតំណែងអភិបាលរដ្ឋ និងមន្ត្រីថ្នាក់រដ្ឋជាច្រើនផងដែរ។ ការបោះឆ្នោតជ្រើសរើសសមាជិករដ្ឋសភានិងព្រឹទ្ធសភានេះត្រូវបានគេវាយតម្លៃថា នឹងមានលក្ខណៈប្រកៀកប្រកិតគ្នាហើយមានបញ្ហាចម្បងមួយចំនួនដែលអ្នកបោះឆ្នោតអាមេរិកាំងផ្តោតលើ ដែលរួមមាន៖
- អតិផរណា
- សិទ្ធិក្នុងការរំលូតកូន
- សន្តិសុខព្រំដែន
- អន្តោប្រវេសន៍
- លទ្ធិប្រជាធិបតេយ្យ
- និងការគ្រប់គ្រងអាវុធ
LIVE BLOG: ព្រឹត្តិការណ៍ថ្មីៗជុំវិញការបោះឆ្នោតពាក់កណ្តាលអាណត្តិនៅអាមេរិក ៨ វិច្ឆិកា ២០២២
VOA Khmer
ម៉ែន គឹមសេង
លទ្ធផលឆ្នោតបឋមនៃការបោះឆ្នោតក្នុងទីក្រុង Livermore រដ្ឋ California (កាលីហ្វ័រញ៉ា) កាលពីថ្ងៃអង្គារទី៨ ខែវិច្ឆិកាបានបង្ហាញថា លោក Mony Nop បេក្ខជនខ្មែរអាមេរិកាំងកំពុងនាំមុខគូប្រជែងរបស់លោកបន្តិចបន្តួចសម្រាប់តំណែងជាចៅហ្វាយក្រុង។
VOA Khmer
នៅក្នុងការថ្លែងដំបូងរបស់លោកក្រោយការបោះឆ្នោតពាក់កណ្តាលអាណត្តិ លោកប្រធានាធិបតី Joe Biden កាលពីរសៀលថ្ងៃពុធ បានអះអាងពីធូរស្រាល នៅមួយថ្ងៃបន្ទាប់ពីការបោះឆ្នោតពាក់កណ្តាលអាណត្តិប្រធានាធិបតី ដោយលោកថា គណបក្សប្រជាធិបតេយ្យរបស់លោកទទួលបាន«លទ្ធផលល្អនៅយប់ថ្ងៃបោះឆ្នោត» និងថា លោកនឹងមិនមានគម្រោងកែប្រែគោលនយោបាយណាទេរបស់លោក ថ្វីបើលោកទំនងជានឹងប្រឈមនឹងអំណាចរដ្ឋាភិបាលដែលបែកបាក់ជាងមុនក្រោយការបោះឆ្នោតនេះក្តី។ នេះបើតាមការរាយការណ៍របស់ទីភ្នាក់ងារព័ត៌មាន AP។
នៅមុនការបោះឆ្នោតកាលពីថ្ងៃទី៨ ខែវិច្ឆិកា អ្នកតាមដាននានាបានរំពឹងថាគណបក្សសាធារណរដ្ឋដែលជាគណបក្សប្រឆាំងអាចនឹងទទួលជ័យជម្នះយ៉ាងខ្លាំង ក្នុងអ្វីដែលគេហៅថា «រលកពណ៌ក្រហម» (Red Wave)ប៉ុន្តែរឿងនេះមិនបានកើតឡើងទេ។
AFP
នៅព្រឹកថ្ងៃពុធនេះ ម៉ោងនៅសហរដ្ឋអាមេរិក គេនៅមិនទាន់ដឹងពីលទ្ធផលសំខាន់បំផុតនៃការបោះឆ្នោតពាក់កណ្តាលអាណត្តិ ដែលនឹងកំណត់ថាតើគណបក្សមួយណាជាអ្នកគ្រប់គ្រងសភាទាំងពីរថ្នាក់របស់សហរដ្ឋអាមេរិក។ ក៏ប៉ុន្តែអ្វីដែលគេបានដឹងគឺ ក្តីដីសង្ឃឹមរបស់គណបក្សសាធារណរដ្ឋនៅក្នុងការឈ្នះឱ្យបានទាំងស្រុងលើគណបក្សប្រជាធិបតេយ្យនៅក្នុងការបោះឆ្នោតពាក់កណ្ដាលអាណត្តិប្រធានាធិបតីនៅសហរដ្ឋអាមេរិកលើកនេះបានបរាជ័យនៅក្នុងការធ្វើឱ្យលេចចេញជារូបរាងឡើង។
ប៉ូច រាសី
នៅយប់ថ្ងៃបោះឆ្នោតនៅសហរដ្ឋអាមេរិក លោក ប៉ូច រាស៊ី នៃវីអូអ បានសន្ទនាជាមួយ លោក ប្រាក់ សម្ជស្ស នៃទូរទស្សន៍ស៊ីអិនស៊ី ក្នុងកម្មវិធី «សប្ដាហ៍វីអូអេ» អំពីព្រឹត្តិការណ៍សំខាន់ៗជុំវិញការបោះឆ្នោតពាក់កណ្តាលអាណត្តិនៅសហរដ្ឋអាមេរិក។
នៅថ្ងៃអង្គារ ទី៨ ខែវិច្ឆិកានេះ ពលរដ្ឋអាមេរិកាំងចេញទៅបោះឆ្នោតជ្រើសរើសសមាជិកសភា អភិបាលរដ្ឋ និងមន្ត្រីថ្នាក់មូលដ្ឋានជាច្រើនមុខតំណែង។ អ្នកបោះឆ្នោតអាមេរិកាំងខ្លះនៅទីក្រុង Lowell រដ្ឋ Massachusetts ក៏ចេញមកសម្តែងការគាំទ្រដល់គណបក្សរបស់ពួកគេផងដែរ៕
Ken Bredemeier
ការបោះឆ្នោតសភាអាមេរិកនៅថ្ងៃអង្គារនេះ អាចធ្វើឱ្យមានការផ្លាស់ប្តូរការជជែកដេញដោលថ្មីក្នុងរដ្ឋធានីវ៉ាស៊ីនតោន។ ថ្ងៃអង្គារនេះ គឺជាការបោះឆ្នោតនៅក្នុងសហរដ្ឋអាមេរិក ដោយពលរដ្ឋអាមេរិកាំងជាច្រើនលាននាក់នឹងចេញទៅបោះឆ្នោតជ្រើសរើសសមាជិកសភាដែលនឹងកំណត់ពីការផ្លាស់ប្តូរទស្សនៈរបស់សភាសហរដ្ឋអាមេរិកនិងកំណត់សម្រាប់ការជជែកដេញដោលខាងនយោបាយនៅក្នុងរដ្ឋធានីវ៉ាស៊ីនតោនក្នុងអំឡុងនៃពាក់កណ្តាលអាណត្តិរបស់ប្រធានាធិបតីអាមេរិកខាងគណបក្សប្រជាធិបតេយ្យលោក Joe Biden ដែលបានកាន់តំណែងជាប្រធានាធិបតីអស់រយៈពេល៤ឆ្នាំ។
ពិន ស៊ីសុវណ្ណ
សំឡេងអ្នកបោះឆ្នោតខ្មែរអាមេរិកាំង៖ អ្នកស្រី ភេ រិន នៅទីក្រុង Lowell រដ្ឋ Massachusetts
អ្នកស្រី ភេ រិន (Maria Rin Phay) រស់នៅទីក្រុង Lowell រដ្ឋ Massachusetts ជាជនជាតិខ្មែរដែលបានមករស់នៅសហរដ្ឋអាមេរិកតាំងពីឆ្នាំ ១៩៨៥។ ចាប់តាំងពីបានចូលសញ្ជាតិអាមេរិកនៅឆ្នាំ ១៩៩៦ មក អ្នកស្រី ភេ រិន និយាយថា អ្នកស្រីតែងតែព្យាយាមទៅបោះឆ្នោតឲ្យបានគ្រប់លើក ស្ទើរតែមិនដែលខកខាន។ នេះជាមតិរបស់អ្នកស្រី ភេ រិន ទាក់ទិននឹងការបោះឆ្នោតពាក់កណ្តាលអាណត្តិនៅសហរដ្ឋអាមេរិក ឆ្នាំ២០២២ នេះ៕
AP
ពលរដ្ឋអាមេរិកាំងជាច្រើននាក់នៅរដ្ឋ New York រដ្ឋ Road Island និងរដ្ឋ Pennsylvania បានចេញទៅតម្រង់ជួរមុនគេដើម្បីចូលទៅបោះឆ្នោតពាក់កណ្តាលអាណត្តិប្រធានាធិបតី ដោយជ្រើសរើសសមាជិកសភា អភិបាលរដ្ឋ និងមន្ត្រីថ្នាក់រដ្ឋនិងមូលដ្ឋានជាច្រើនតំណែង នាព្រឹកថ្ងៃអង្គារ ទី ៨ ខែវិច្ឆិកានេះ។
សូមចូលទំព័រពិសេសអំពីការបោះឆ្នោតពាក់កណ្តាលអាណត្តិត្រង់នេះ៖ https://khmer.voanews.com/usmidterms2022
អាមេរិករៀបចំការបោះឆ្នោត ស្របពេលរបៀបវារៈលោក Biden ប្រឈមនឹងហានិភ័យ ហើយលោក Trump ហាក់ត្រៀមឈរឈ្មោះជាថ្មី
នៅថ្ងៃអង្គារនេះ ពលរដ្ឋអាមេរិកាំងចេញទៅបោះឆ្នោតពាក់កណ្ដាលអាណត្តិប្រធានាធិបតីដែលជាការបោះឆ្នោតមួយដែលអាចកំណត់អនាគតនយោបាយទាំងរបស់លោកប្រធានាធិបតី Joe Biden ផងនិងទាំងរបស់លោកអតីតប្រធានាធិបតី Donald Trump ផង។ គណបក្សប្រជាធិបតេយ្យរបស់លោក Biden កំពុងប្រឈមនឹងការប្រឹងប្រែងយ៉ាងលំបាកដើម្បីធ្វើយ៉ាងណាឱ្យបាននៅបន្តគ្រប់គ្រងសភា ចំណែកឯគណបក្សសាធារណរដ្ឋរបស់លោក Trump វិញ បានធ្វើយុទ្ធនាការខ្លាំងក្លាលើបញ្ហាចម្បងៗនានាដូចជាបញ្ហាអតិផរណានិងបញ្ហាឧក្រិដ្ឋកម្មជាដើម។ ព័ត៌មានលម្អិត
