ភ្នំពេញ —
គណបក្សសង្គ្រោះជាតិចាប់ធ្វើបាតុកម្មអហិង្សារយៈពេលបីថ្ងៃ នៅថ្ងៃអាទិត្យនេះ ដើម្បីទាមទារឱ្យមានការដោះស្រាយផ្តល់យុត្តិធម៌នៅក្រោយពីការបោះឆ្នោតមួយដែលគេយល់ថា មានការលួចបន្លំ ហើយបានផ្តល់ជ័យជំនះទៅឱ្យគណបក្សប្រជាជនកម្ពុជារបស់លោកនាយករដ្ឋមន្ត្រីហ៊ុន សែន។
បើទោះបីជាមានការខិតខំប្រឹងប្រែងរបស់ព្រះមហាក្សត្រខ្មែរនរោត្តម សីហមុនីដើម្បីបន្ធូរបន្ថយភាពតានតឹង ប៉ុន្តែកិច្ចប្រជុំដែលបានធ្វើក្នុងព្រះរាជវាំងកាលពីថ្ងៃសៅរ៍ម្សិលមិញរវាងលោកនាយករដ្ឋមន្ត្រីហ៊ុន សែននិងលោកសម រង្ស៊ីមិនបានចេញជាលទ្ធផលអ្វីទេ។
កិច្ចប្រជុំដែលកោះអញ្ជើញដោយព្រះមហាក្សត្រ ហើយដែលបានធ្វើឡើងមិនដល់កន្លះម៉ោងរវាងមេដឹកនាំទាំងពីរនៃគណបក្សប្រជាជនកម្ពុជានិងគណបក្សសង្គ្រោះជាតិនោះ បាននាំមកនូវការខកចិត្តជាងអ្វីដែលមនុស្សរាប់លាននាក់ទន្ទឹងរង់ចាំ។ កិច្ចប្រជុំនោះមិនបានសម្រេចលទ្ធផលអ្វីជាដុំកំភួនទេ ក្រៅតែពីទទួលបានការអញ្ជើញរបស់ព្រះមហាក្សត្រខ្មែរឱ្យអ្នកតំណាងរាស្រ្តជាប់ឆ្នោតទាំង១២៣នាក់ដែលមាន៦៨នាក់មកពីគណបក្សប្រជាជនកម្ពុជានិង៥៥នាក់មកពីគណបក្សសង្គ្រោះជាតិចូលរួមស្បថស្បែរដើម្បីផ្តល់សុពលភាពដល់សភាជាតិនៅថ្ងៃទី២៣ខែកញ្ញាខាងមុខនេះ។
លោកសម រង្ស៊ី ប្រធានគណបក្សសង្គ្រោះជាតិនិងលោកកឹមសុខា ជាអនុប្រធានបានអំពាវនាវតាមរយៈទំព័រហ្វេសប៊ុកផ្ទាល់ខ្លួននៅក្រោយពីកិច្ចប្រជុំនោះឱ្យអ្នកគាំទ្រទាំងព្រះសង្ឃនិងពលរដ្ឋសាមញ្ញចូលរួមក្នុងមហាបាតុកម្មនោះ។
លោកសម រង្ស៊ីបានពន្យល់ថា៖ «ការចូលរួមរបស់បងប្អូនទាំងអស់គឺជាការចាំបាច់ ពីព្រោះប្រជារាស្រ្តខ្មែរដែលទាមទារយុត្តិធម៌ត្រូវតែបង្ហាញឆន្ទៈរបស់លោកគឺទាមទារយុត្តិធម៌ដាច់ខាត ហើយយើងត្រូវតែបង្ហាញកម្លាំងយើង ពីព្រោះមិនទាន់មានដំណោះ ស្រាយនយោបាយណាមួយនៅឡើយទេ មិនទាន់ឃើញពន្លឺយុត្តិធម៌សម្រាប់ម្ចាស់ឆ្នោតនៅឡើយទេ។ ដូច្នេះម្ចាស់ឆ្នោតខ្លួនឯងគឺបងប្អូនជនរួមជាតិម្នាក់ៗត្រូវតែចូលរួមក្នុងមហាបាតុកម្មនេះដើម្បីបង្ហាញអំពីទឹកចិត្តរបស់យើង ការប្តេជ្ញាចិត្តដ៏ខ្ពស់របស់យើងម្នាក់ៗទាមទាររកយុត្តិធម៌ឱ្យទាល់តែបាន»។
បាតុកម្មរយៈពេលបីថ្ងៃនេះត្រូវបានអ្នករៀបចំរំពឹងថានឹងមានអ្នកចូលរួមចន្លោះពីបីម៉ឺនរហូតដល់ប្រាំម៉ឺននាក់។
លោកយឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានបញ្ជាក់ថា៖ «មកដល់ពេលនេះគឺយើងបានរៀបចំនៅហ្នឹងកន្លែងចាប់ពីថ្ងៃទី១៥រហូតដល់ថ្ងៃទី១៧ ហើយអាស្រ័យទៅលើស្ថានការណ៍ជាក់ស្តែង។ យើងមិនទាន់សន្និដ្ឋានថា យើងអង្គុយមួយកន្លែងរហូត ឬក៏យើងមានការដើរទៅទីកន្លែងណាគឺយើងមិនទាន់បានជម្រាបជាមុនទេ វាអាស្រ័យលើស្ថានការណ៍ជាក់ស្តែងដែលកើតមានក្នុងអំឡុងពេលប៉ុន្មានថ្ងៃខាងមុខ»។
ស្ថានការណ៍ជាក់ស្តែងដែលលោកយឹម សុវណ្ណនិយាយយោងដល់នេះគឺការជួបប្រជុំកំពូលជាលើកទីពីររវាងលោកនាយករដ្ឋមន្ត្រីហ៊ុន សែន និងលោកសម រង្ស៊ីនៅវិមានសភាជាតិនាថ្ងៃទី១៦ខែកញ្ញានេះ។ កិច្ចប្រជុំនេះមានតំណាង៦នាក់មកពីគណបក្សនិមួយៗ។ មន្ត្រីដែលស្និទ្ធនឹងការចរចានេះមិនអាចបញ្ជាក់បាន ថាតើរបៀបវារៈប្រជុំនឹងផ្តោតលើអ្វីនៅឡើយទេ។ ប៉ុន្តែកន្លងមក គណបក្សប្រជាជនកម្ពុជាបានទទូចចង់ពិភាក្សាពីរចនាសម្ព័ន្ធក្បាលម៉ាស៊ីនដឹកនាំសភាជាតិឱ្យបានដាច់ស្រឡះ ខណៈពេលដែលគណបក្សសង្គ្រោះជាតិបានទាមទារឱ្យបង្កើតគណៈកម្មការឯករាជ្យមួយដើម្បីពិនិត្យមើលភាពមិនប្រក្រតីមុននឹងសម្រេចថា អ្នកណាឈ្នះនិងអ្នកណាចាញ់ មុននឹងគិតគូរពីការបែងចែកអំណាចគ្នា។
ក្រុមអង្គការសង្គមស៊ីវិលបានចេញសេចក្តីថ្លែងការណ៍ស្វាគមន៍ជំនួបនៅថ្ងៃច័ន្ទ ប៉ុន្តែផ្តល់អនុសាសន៍ឱ្យគណបក្សទាំងពីរត្រូវ«ពិភាក្សាលើរបៀបវារៈជាកញ្ចប់» ដែលបានស្នើឡើងដោយគណបក្សទាំងពីរ ដោយមិនត្រូវបោះបង់ចោលរបៀបវារៈរបស់គណបក្សណាមួយឡើយ។
គណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោតបានចេញសេចក្តីថ្លែងការណ៍បន្ទាន់មួយនៅព្រលប់ថ្ងៃសៅរ៍ដោយសម្តែងការខកចិត្តរបស់ខ្លួនដែលគណបក្សប្រឆាំងនៅបន្តធ្វើបាតុកម្ម បន្ទាប់ពីបានជួបប្រជុំនៅក្នុងព្រះបរមរាជវាំង។ ប៉ុន្តែគណៈបញ្ជាការនេះមិនបានចេញការហាមឃាត់ ឬព្រមានអ្វីទេក្រៅពីអំពាវនាវឱ្យអ្នកចូលរួមបាតុកម្មធ្វើឡើងដោយសន្តិវិធីនិងអហិង្សា ឬកុំបង្កភាពចលាចលណាមួយ។ នេះបើតាមសេចក្តីថ្លែងការណ៍ដោយមិនបានចុះលេខ ហើយផ្សាយនៅគេហទំព័ររបស់ក្រុមព័ត៌មាន និងប្រតិកម្មរហ័សរបស់ទីស្តីការគណៈរដ្ឋមន្ត្រី។
ការបោះឆ្នោតកាលពីថ្ងៃទី២៨ខែកក្កដាបង្ហាញថា គណបក្សប្រជាជនកម្ពុជាបានបាត់បង់អស់អាសនៈចំនួន២២ដោយធ្លាក់ពីចំនួន៩០ដែលខ្លួនមានក្នុងអាណត្តិកន្លងមក មកនៅត្រឹម៦៨ ប៉ុន្តែជាចំនួនគ្រប់គ្រាន់មួយអាចបង្កើតរដ្ឋាភិបាលតែម្នាក់ឯងបាន។ ប៉ុន្តែគណបក្សសង្គ្រោះជាតិប្រកាសថា គឺខ្លួនជាអ្នកឈ្នះដោយទទួលបានអាសនៈចំនួន៦៣ដែលអាចបង្កើតរដ្ឋាភិបាលម្នាក់ឯងបានដែរ។
លោកជាម យៀប សមាជិកសភានៃគណបក្សប្រជាជនកម្ពុជា បានបញ្ជាក់ថា មហាបាតុកម្មនេះនឹងមិនមានឥទ្ធិពលអ្វីដល់ជំហររបស់គណបក្សប្រជាជនកម្ពុជាទេ។
លោកនិយាយថា៖ «ខ្ញុំសូមជម្រាបថា ជំហររបស់គណបក្សប្រជាជនអត់មានផ្លាស់ប្តូរអ្វីបន្តិចសោះឡើយ ហើយសម្តេចតេជោហ៊ុន សែនតាងនាមឱ្យតំណាងរាស្រ្តដែលបានជាប់ឆ្នោតផងនោះ បានប្តេជ្ញាចិត្តថា នឹងចូលរួមនៅថ្ងៃទី២៣នេះ ទាំង៦៨រូបនេះ នៅក្រោមព្រះរាជាធិបតីភាពដ៏ខ្ពង់ខ្ពស់របស់ព្រះមហាក្សត្រ នៅវិមានរបស់រដ្ឋសភា ហើយយើងខ្ញុំក៏សូមជម្រាបផងដែរថា អ្វីៗផ្សេងទៀតយើងនៅតែទទួលស្គាល់មុខព្រះករុណាជាអង្គម្ចាស់ជីវិតដម្កល់លើត្បូងក៏ដូចជានៅមុនឯកឧត្តមសម រង្ស៊ីដែលដឹកនាំគណបក្សប្រតិភូកាលពីព្រឹកមិញ»។
អ្នករៀបចំបាតុកម្មបានបញ្ជាក់ថា គេបានរៀបចំជំរំក្រណាត់ជាង២០០សម្រាប់ក្រុមបាតុករស្នាក់នៅក្នុងអំឡុងពេលតវ៉ានេះនិងមានការយាមកាមពង្រឹងសន្តិសុខយ៉ាងយកចិត្តទុក បន្ទាប់ពីអាជ្ញាធរប៉ូលិសក្រុងភ្នំពេញបានរកឃើញ គ្រាប់រ៉ុកែ្កតM៧៩ចំនួន៣គ្រាប់នៅក្បែរទីលានប្រជាធិបតេយ្យ និងម្សៅរំសេវTNT១ប៊ីដុងធំផ្សេងទៀតនៅខាងមុខវិមានរដ្ឋសភា កាលពីថ្ងៃសុក្រ។
ប្រជាពលរដ្ឋមកពីខេត្តទូទាំងប្រទេសកម្ពុជាបានវេចបាយមកផ្ទាល់ខ្លួនដើម្បីចូលរួម ហើយមានអ្នកខ្លះបានមកស្នាក់នៅជំរំនោះតាំងពីយប់ថ្ងៃសៅរ៍។
បាតុករម្នាក់ ដែលអញ្ជើញមកពីខេត្តសៀមរាប បានបញ្ជាក់ប្រាប់វីអូអេថា៖ «ការមកចូលរួមទីនេះដោយសារតែបញ្ហាបោះឆ្នោតវាមានភាពអយុត្តិធម៌ ហេតុដូច្នេះខ្ញុំចង់បានយុត្តិធម៌ ចង់បានសន្តិភាព។ ហើយកាលពីថ្ងៃម្សិលមិញនេះឮថាទីលានប្រជាធិបតេយ្យមានការបង្កៃគ្រាប់បែក។ ទោះបីឮព័ត៌មានយ៉ាងណាក៏ដោយ ប៉ុន្តែខ្ញុំ ដើម្បីជាតិ នៅតែខ្ញុំពុះពារមកដើម្បីរកយុត្តិធម៌និងសន្តិភាពសម្រាប់ប្រជាជាតិខ្មែរ»។
តាមការបើកកញ្ចប់ពិនិត្យកន្លងមក ដែលធ្វើតាមបញ្ជារបស់ក្រុមប្រឹក្សាធម្មនុញ្ញដើម្បីដោះស្រាយបណ្តឹងរបស់គណបក្សសង្គ្រោះជាតិនោះ បានរកឃើញថា មានកញ្ចប់សុវត្ថិភាព«ក»មួយចំនួនបានចំហដោយមិនបានបិទត្រឹមត្រូវតាមបច្ចេកទេសទេ ហើយផ្ទាំងក្រដាស់ធំសម្រាប់កត់ត្រាមានការកែតួរលេខជាដើម។
ប៉ុន្តែក្រុមប្រឹក្សាធម្មនុញ្ញបានសម្រេចថា ភាពមិនប្រក្រតីទាំងនោះមិនអាចនឹងផ្លាស់ប្តូរលទ្ធផលឆ្នោតទេ ហើយគ្រាន់តែដាក់ឱ្យដាក់ពិន័យដល់មន្ត្រីនៅតាមការិយាល័យបោះឆ្នោតដែលមានបញ្ហាប៉ុណ្ណោះ។ ក្រុមប្រឹក្សានេះក៏បានព្រមានដែរថា ជនណាដែលមិនគោរពតាមសេចក្តីសម្រេចរបស់ខ្លួនអាចនឹងត្រូវចាប់ខ្លួនដាក់ពន្ធនាគារយៈពេលធ្ងន់ធ្ងរ ដល់មួយឆ្នាំ និងពិន័យជាប្រាក់៦០ម៉ឺនរៀល។
លោកហ៊ុន សែនបានកាន់អំណាចជិត៣០ឆ្នាំហើយ ហើយការឈ្នះឆ្នោតនៅអាណត្តិនេះធ្វើឱ្យលោកក្លាយជានាយករដ្ឋមន្ត្រីដែលកាន់អំណាចយូរជាងគេនៅអាស៊ី។ គណបក្សប្រជាជនកម្ពុជាបានគ្រប់គ្រងលើស្ថាប័នរដ្ឋទាំងអស់ តាំងពីតុលាការ កងកម្លាំងប្រដាប់អាវុធ គណៈកម្មាធិការជាតិរៀបចំការបោះឆ្នោត និងក្រុមប្រឹក្សាធម្មនុញ្ញ៕
បើទោះបីជាមានការខិតខំប្រឹងប្រែងរបស់ព្រះមហាក្សត្រខ្មែរនរោត្តម សីហមុនីដើម្បីបន្ធូរបន្ថយភាពតានតឹង ប៉ុន្តែកិច្ចប្រជុំដែលបានធ្វើក្នុងព្រះរាជវាំងកាលពីថ្ងៃសៅរ៍ម្សិលមិញរវាងលោកនាយករដ្ឋមន្ត្រីហ៊ុន សែននិងលោកសម រង្ស៊ីមិនបានចេញជាលទ្ធផលអ្វីទេ។
កិច្ចប្រជុំដែលកោះអញ្ជើញដោយព្រះមហាក្សត្រ ហើយដែលបានធ្វើឡើងមិនដល់កន្លះម៉ោងរវាងមេដឹកនាំទាំងពីរនៃគណបក្សប្រជាជនកម្ពុជានិងគណបក្សសង្គ្រោះជាតិនោះ បាននាំមកនូវការខកចិត្តជាងអ្វីដែលមនុស្សរាប់លាននាក់ទន្ទឹងរង់ចាំ។ កិច្ចប្រជុំនោះមិនបានសម្រេចលទ្ធផលអ្វីជាដុំកំភួនទេ ក្រៅតែពីទទួលបានការអញ្ជើញរបស់ព្រះមហាក្សត្រខ្មែរឱ្យអ្នកតំណាងរាស្រ្តជាប់ឆ្នោតទាំង១២៣នាក់ដែលមាន៦៨នាក់មកពីគណបក្សប្រជាជនកម្ពុជានិង៥៥នាក់មកពីគណបក្សសង្គ្រោះជាតិចូលរួមស្បថស្បែរដើម្បីផ្តល់សុពលភាពដល់សភាជាតិនៅថ្ងៃទី២៣ខែកញ្ញាខាងមុខនេះ។
លោកសម រង្ស៊ី ប្រធានគណបក្សសង្គ្រោះជាតិនិងលោកកឹមសុខា ជាអនុប្រធានបានអំពាវនាវតាមរយៈទំព័រហ្វេសប៊ុកផ្ទាល់ខ្លួននៅក្រោយពីកិច្ចប្រជុំនោះឱ្យអ្នកគាំទ្រទាំងព្រះសង្ឃនិងពលរដ្ឋសាមញ្ញចូលរួមក្នុងមហាបាតុកម្មនោះ។
លោកសម រង្ស៊ីបានពន្យល់ថា៖ «ការចូលរួមរបស់បងប្អូនទាំងអស់គឺជាការចាំបាច់ ពីព្រោះប្រជារាស្រ្តខ្មែរដែលទាមទារយុត្តិធម៌ត្រូវតែបង្ហាញឆន្ទៈរបស់លោកគឺទាមទារយុត្តិធម៌ដាច់ខាត ហើយយើងត្រូវតែបង្ហាញកម្លាំងយើង ពីព្រោះមិនទាន់មានដំណោះ ស្រាយនយោបាយណាមួយនៅឡើយទេ មិនទាន់ឃើញពន្លឺយុត្តិធម៌សម្រាប់ម្ចាស់ឆ្នោតនៅឡើយទេ។ ដូច្នេះម្ចាស់ឆ្នោតខ្លួនឯងគឺបងប្អូនជនរួមជាតិម្នាក់ៗត្រូវតែចូលរួមក្នុងមហាបាតុកម្មនេះដើម្បីបង្ហាញអំពីទឹកចិត្តរបស់យើង ការប្តេជ្ញាចិត្តដ៏ខ្ពស់របស់យើងម្នាក់ៗទាមទាររកយុត្តិធម៌ឱ្យទាល់តែបាន»។
បាតុកម្មរយៈពេលបីថ្ងៃនេះត្រូវបានអ្នករៀបចំរំពឹងថានឹងមានអ្នកចូលរួមចន្លោះពីបីម៉ឺនរហូតដល់ប្រាំម៉ឺននាក់។
លោកយឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានបញ្ជាក់ថា៖ «មកដល់ពេលនេះគឺយើងបានរៀបចំនៅហ្នឹងកន្លែងចាប់ពីថ្ងៃទី១៥រហូតដល់ថ្ងៃទី១៧ ហើយអាស្រ័យទៅលើស្ថានការណ៍ជាក់ស្តែង។ យើងមិនទាន់សន្និដ្ឋានថា យើងអង្គុយមួយកន្លែងរហូត ឬក៏យើងមានការដើរទៅទីកន្លែងណាគឺយើងមិនទាន់បានជម្រាបជាមុនទេ វាអាស្រ័យលើស្ថានការណ៍ជាក់ស្តែងដែលកើតមានក្នុងអំឡុងពេលប៉ុន្មានថ្ងៃខាងមុខ»។
ស្ថានការណ៍ជាក់ស្តែងដែលលោកយឹម សុវណ្ណនិយាយយោងដល់នេះគឺការជួបប្រជុំកំពូលជាលើកទីពីររវាងលោកនាយករដ្ឋមន្ត្រីហ៊ុន សែន និងលោកសម រង្ស៊ីនៅវិមានសភាជាតិនាថ្ងៃទី១៦ខែកញ្ញានេះ។ កិច្ចប្រជុំនេះមានតំណាង៦នាក់មកពីគណបក្សនិមួយៗ។ មន្ត្រីដែលស្និទ្ធនឹងការចរចានេះមិនអាចបញ្ជាក់បាន ថាតើរបៀបវារៈប្រជុំនឹងផ្តោតលើអ្វីនៅឡើយទេ។ ប៉ុន្តែកន្លងមក គណបក្សប្រជាជនកម្ពុជាបានទទូចចង់ពិភាក្សាពីរចនាសម្ព័ន្ធក្បាលម៉ាស៊ីនដឹកនាំសភាជាតិឱ្យបានដាច់ស្រឡះ ខណៈពេលដែលគណបក្សសង្គ្រោះជាតិបានទាមទារឱ្យបង្កើតគណៈកម្មការឯករាជ្យមួយដើម្បីពិនិត្យមើលភាពមិនប្រក្រតីមុននឹងសម្រេចថា អ្នកណាឈ្នះនិងអ្នកណាចាញ់ មុននឹងគិតគូរពីការបែងចែកអំណាចគ្នា។
ក្រុមអង្គការសង្គមស៊ីវិលបានចេញសេចក្តីថ្លែងការណ៍ស្វាគមន៍ជំនួបនៅថ្ងៃច័ន្ទ ប៉ុន្តែផ្តល់អនុសាសន៍ឱ្យគណបក្សទាំងពីរត្រូវ«ពិភាក្សាលើរបៀបវារៈជាកញ្ចប់» ដែលបានស្នើឡើងដោយគណបក្សទាំងពីរ ដោយមិនត្រូវបោះបង់ចោលរបៀបវារៈរបស់គណបក្សណាមួយឡើយ។
គណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោតបានចេញសេចក្តីថ្លែងការណ៍បន្ទាន់មួយនៅព្រលប់ថ្ងៃសៅរ៍ដោយសម្តែងការខកចិត្តរបស់ខ្លួនដែលគណបក្សប្រឆាំងនៅបន្តធ្វើបាតុកម្ម បន្ទាប់ពីបានជួបប្រជុំនៅក្នុងព្រះបរមរាជវាំង។ ប៉ុន្តែគណៈបញ្ជាការនេះមិនបានចេញការហាមឃាត់ ឬព្រមានអ្វីទេក្រៅពីអំពាវនាវឱ្យអ្នកចូលរួមបាតុកម្មធ្វើឡើងដោយសន្តិវិធីនិងអហិង្សា ឬកុំបង្កភាពចលាចលណាមួយ។ នេះបើតាមសេចក្តីថ្លែងការណ៍ដោយមិនបានចុះលេខ ហើយផ្សាយនៅគេហទំព័ររបស់ក្រុមព័ត៌មាន និងប្រតិកម្មរហ័សរបស់ទីស្តីការគណៈរដ្ឋមន្ត្រី។
ការបោះឆ្នោតកាលពីថ្ងៃទី២៨ខែកក្កដាបង្ហាញថា គណបក្សប្រជាជនកម្ពុជាបានបាត់បង់អស់អាសនៈចំនួន២២ដោយធ្លាក់ពីចំនួន៩០ដែលខ្លួនមានក្នុងអាណត្តិកន្លងមក មកនៅត្រឹម៦៨ ប៉ុន្តែជាចំនួនគ្រប់គ្រាន់មួយអាចបង្កើតរដ្ឋាភិបាលតែម្នាក់ឯងបាន។ ប៉ុន្តែគណបក្សសង្គ្រោះជាតិប្រកាសថា គឺខ្លួនជាអ្នកឈ្នះដោយទទួលបានអាសនៈចំនួន៦៣ដែលអាចបង្កើតរដ្ឋាភិបាលម្នាក់ឯងបានដែរ។
លោកជាម យៀប សមាជិកសភានៃគណបក្សប្រជាជនកម្ពុជា បានបញ្ជាក់ថា មហាបាតុកម្មនេះនឹងមិនមានឥទ្ធិពលអ្វីដល់ជំហររបស់គណបក្សប្រជាជនកម្ពុជាទេ។
លោកនិយាយថា៖ «ខ្ញុំសូមជម្រាបថា ជំហររបស់គណបក្សប្រជាជនអត់មានផ្លាស់ប្តូរអ្វីបន្តិចសោះឡើយ ហើយសម្តេចតេជោហ៊ុន សែនតាងនាមឱ្យតំណាងរាស្រ្តដែលបានជាប់ឆ្នោតផងនោះ បានប្តេជ្ញាចិត្តថា នឹងចូលរួមនៅថ្ងៃទី២៣នេះ ទាំង៦៨រូបនេះ នៅក្រោមព្រះរាជាធិបតីភាពដ៏ខ្ពង់ខ្ពស់របស់ព្រះមហាក្សត្រ នៅវិមានរបស់រដ្ឋសភា ហើយយើងខ្ញុំក៏សូមជម្រាបផងដែរថា អ្វីៗផ្សេងទៀតយើងនៅតែទទួលស្គាល់មុខព្រះករុណាជាអង្គម្ចាស់ជីវិតដម្កល់លើត្បូងក៏ដូចជានៅមុនឯកឧត្តមសម រង្ស៊ីដែលដឹកនាំគណបក្សប្រតិភូកាលពីព្រឹកមិញ»។
អ្នករៀបចំបាតុកម្មបានបញ្ជាក់ថា គេបានរៀបចំជំរំក្រណាត់ជាង២០០សម្រាប់ក្រុមបាតុករស្នាក់នៅក្នុងអំឡុងពេលតវ៉ានេះនិងមានការយាមកាមពង្រឹងសន្តិសុខយ៉ាងយកចិត្តទុក បន្ទាប់ពីអាជ្ញាធរប៉ូលិសក្រុងភ្នំពេញបានរកឃើញ គ្រាប់រ៉ុកែ្កតM៧៩ចំនួន៣គ្រាប់នៅក្បែរទីលានប្រជាធិបតេយ្យ និងម្សៅរំសេវTNT១ប៊ីដុងធំផ្សេងទៀតនៅខាងមុខវិមានរដ្ឋសភា កាលពីថ្ងៃសុក្រ។
ប្រជាពលរដ្ឋមកពីខេត្តទូទាំងប្រទេសកម្ពុជាបានវេចបាយមកផ្ទាល់ខ្លួនដើម្បីចូលរួម ហើយមានអ្នកខ្លះបានមកស្នាក់នៅជំរំនោះតាំងពីយប់ថ្ងៃសៅរ៍។
បាតុករម្នាក់ ដែលអញ្ជើញមកពីខេត្តសៀមរាប បានបញ្ជាក់ប្រាប់វីអូអេថា៖ «ការមកចូលរួមទីនេះដោយសារតែបញ្ហាបោះឆ្នោតវាមានភាពអយុត្តិធម៌ ហេតុដូច្នេះខ្ញុំចង់បានយុត្តិធម៌ ចង់បានសន្តិភាព។ ហើយកាលពីថ្ងៃម្សិលមិញនេះឮថាទីលានប្រជាធិបតេយ្យមានការបង្កៃគ្រាប់បែក។ ទោះបីឮព័ត៌មានយ៉ាងណាក៏ដោយ ប៉ុន្តែខ្ញុំ ដើម្បីជាតិ នៅតែខ្ញុំពុះពារមកដើម្បីរកយុត្តិធម៌និងសន្តិភាពសម្រាប់ប្រជាជាតិខ្មែរ»។
តាមការបើកកញ្ចប់ពិនិត្យកន្លងមក ដែលធ្វើតាមបញ្ជារបស់ក្រុមប្រឹក្សាធម្មនុញ្ញដើម្បីដោះស្រាយបណ្តឹងរបស់គណបក្សសង្គ្រោះជាតិនោះ បានរកឃើញថា មានកញ្ចប់សុវត្ថិភាព«ក»មួយចំនួនបានចំហដោយមិនបានបិទត្រឹមត្រូវតាមបច្ចេកទេសទេ ហើយផ្ទាំងក្រដាស់ធំសម្រាប់កត់ត្រាមានការកែតួរលេខជាដើម។
ប៉ុន្តែក្រុមប្រឹក្សាធម្មនុញ្ញបានសម្រេចថា ភាពមិនប្រក្រតីទាំងនោះមិនអាចនឹងផ្លាស់ប្តូរលទ្ធផលឆ្នោតទេ ហើយគ្រាន់តែដាក់ឱ្យដាក់ពិន័យដល់មន្ត្រីនៅតាមការិយាល័យបោះឆ្នោតដែលមានបញ្ហាប៉ុណ្ណោះ។ ក្រុមប្រឹក្សានេះក៏បានព្រមានដែរថា ជនណាដែលមិនគោរពតាមសេចក្តីសម្រេចរបស់ខ្លួនអាចនឹងត្រូវចាប់ខ្លួនដាក់ពន្ធនាគារយៈពេលធ្ងន់ធ្ងរ ដល់មួយឆ្នាំ និងពិន័យជាប្រាក់៦០ម៉ឺនរៀល។
លោកហ៊ុន សែនបានកាន់អំណាចជិត៣០ឆ្នាំហើយ ហើយការឈ្នះឆ្នោតនៅអាណត្តិនេះធ្វើឱ្យលោកក្លាយជានាយករដ្ឋមន្ត្រីដែលកាន់អំណាចយូរជាងគេនៅអាស៊ី។ គណបក្សប្រជាជនកម្ពុជាបានគ្រប់គ្រងលើស្ថាប័នរដ្ឋទាំងអស់ តាំងពីតុលាការ កងកម្លាំងប្រដាប់អាវុធ គណៈកម្មាធិការជាតិរៀបចំការបោះឆ្នោត និងក្រុមប្រឹក្សាធម្មនុញ្ញ៕