ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

វៀតណាម​​ដាក់​ពង្រាយ​កងទ័ព​ដើម្បី​ពង្រឹង​វិធានការ​បិទ​ខ្ទប់​ក្នុង​ទីក្រុង​ហូជីមិញ


រូបឯកសារ៖ ទាហាន​វៀតណាម​ឈរ​នៅក្បែរ​កន្លែង​ធ្វើ​ចត្តាឡីស័ក​មួយ​នៅ​មូលដ្ឋាន​យោធា​ក្នុង​ខេត្ត Lang Son ប្រទេស​វៀតណាម​កាលពីថ្ងៃទី២០ ខែកុម្ភះ ឆ្នាំ២០២០។ (រូបភាព​ Reuters)

ទាហាន​វៀតណាម​នៅថ្ងៃ​ច័ន្ទ​ត្រូវ​បាន​ដាក់​ពង្រាយ​នៅ​តាម​ដងផ្លូវ​ក្នុង​ទីក្រុង​ហូជីមិញ ​ដើម្បី​ជួយ​ពង្រឹង​ការ​បិទ​ខ្ទប់​ក្នុង​ទីក្រុង​ដែល​ជា​មជ្ឈមណ្ឌល​ពាណិជ្ជកម្ម​របស់​ប្រទេសមួយ​នេះ ហើយ​ដែល​បាន​ក្លាយ​ជា​ចំណុច​កណ្តាល​នៃ​ការ​ផ្ទុះ​ឆ្លងជំងឺ​កូវីដ១៩ដ៏​អាក្រក់​បំផុត​រហូតមក​ដល់ពេល​នេះ។ នេះ​បើតាម​ទីភ្នាក់ងារ​សារព័ត៌មាន​ ​Reuters។​

កាលពី​ចុង​សប្តាហ៍​ ​មាន​ការ​ផ្អើល​ស្លន់ស្លោទិញ​ទំនិញបាន​កើត​ឡើង​នៅ​ផ្សារ​ទំនើប​ក្នុង​ទីក្រុង​ដែល​មាន​មនុស្ស​៩ ​លាន​នាក់​នេះ​ ​មុន​ពេល​មាន​ការ​រឹតបន្តឹង​តឹងរ៉ឹង​ឡើង​ ដែល​បាន​ចាប់​ផ្តើម​នៅ​ថ្ងៃ​ច័ន្ទ​និង​ហាមឃាត់​អ្នក​ស្រុក​មិន​ឱ្យ​ចាកចេញ​ពី​ផ្ទះ​របស់​ពួកគេ។​ យោងតាម​សាក្សី​និង​រូបថត​នៅ​លើ​ប្រព័ន្ធ​ផ្សព្វផ្សាយ​រដ្ឋ​ ទាហាន​នៅ​ថ្ងៃ​ច័ន្ទ​បានត្រួត​ពិនិត្យ​លិខិត​អនុញ្ញាត​របស់​ប្រជា​ពលរដ្ឋ​នៅ​តាម​ដង​ផ្លូវ​ និងជួយ​ចែក​អាហារ។​

ទីក្រុង​ហូជីមិញ​បាន​កត់ត្រា​ការ​ឆ្លងកូវីដ១៩​សរុប​ចំនួន​១៧ម៉ឺន​៦​ពាន់​នាក់​និង​មាន​អ្នក​ស្លាប់​ចំនួន​៦.៦៧០​ នាក់​ដែល​ស្មើនឹង​ពាក់​កណ្តាល​នៃ​ករណី​ឆ្លង​សរុប​របស់វៀតណាមនេះ​និង​៨០%​ នៃ​ចំនួន​អ្នក​ស្លាប់។ ​នេះ​បើ​យោង​តាម​ក្រសួង​សុខាភិបាល​វៀតណាម។​

បទបញ្ជា​តឹងរ៉ឹង​បំផុត​របស់វៀតណាមនេះ​ ចំពេល​មាន​កំណើន​ចំនួន​អ្នក​ស្លាប់​និង​ការ​ឆ្លង។ ​បន្ទាប់​ពីបានជោគជ័យ​ទប់ទល់​នឹង​ជំងឺ​កូវីដ​១៩​ អស់​រយៈ​ពេល​ស្ទើរ​តែ​ពេញ​មួយ​ឆ្នាំ​នៅ​ឆ្នាំ​មុន​ ប្រទេស​វៀតណាម​រហូត​មកដល់​ពេល​នេះ​មាន​អ្នក​ឆ្លង​ចំនួន​៣៤ម៉ឺន​៨ពាន់​ នាក់​និង​យ៉ាង​ហោចណាស់​មាន​អ្នក​ស្លាប់​ចំនួន​៨​ពាន់​២៧៧​ នាក់​ដែល​ភាគច្រើន​ត្រូវបាន​កត់ត្រា​នៅក្នុង​ការ​ផ្ទុះ​ឡើង​បណ្តាល​មកពី​វីរុសបំប្លែង​ថ្មី​ដែលតា​ (Delta)​ចាប់តាំង​ពី​ចុង​ខែ​មេសា​មក។​

មក​ទល់​នឹង​ពេល​នេះ ប្រជាជន​វៀតណាម​ប្រមាណ​តែ​១,៨​លាន​នាក់ប៉ុណ្ណោះ ដែល​ស្មើ​នឹង​១,៨%​នៃ​ប្រជាជន​វៀតណាម​សរុប​ជិត​១០០​លាន​នាក់ ​បាន​ទទួលវ៉ាក់សាំង​បង្ការ​ជំងឺ​កូវីដ១៩​គ្រប់​ដូស៕

XS
SM
MD
LG