ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

​អាមេរិក​ច្រាន​ចោល​​របាយការណ៍​នៃ​ការ​ប៉ះ​ពាល់​​ចំណង​ទាក់​ទង​ជាមួយ​អឺរ៉ុប​ដោយ​សារ​កិច្ច​ព្រម​ព្រៀង​នុយក្លេអ៊ែរ​អ៊ីរ៉ង់​


រូប​ឯកសារ៖ លោក Brian Hook ​នាយក​រៀប​ចំ​ផែន​ការ​គោល​នយោបាយ​របស់​ក្រសួងការ​បរទេស​អាមេរិក។

​ពួក​មន្រ្តី​សហរដ្ឋ​អាមេរិកច្រាន​ចោល​របាយការណ៍​ថា ​ចំណង​ទាក់​ទង​របស់​អាមេរិកជាមួយ​សម្ព័ន្ធ​មិត្ត​អឺរ៉ុប​មាន​ការ​តាន​តឹង​ដោយ​សារ​រដ្ឋបាល​របស់​លោក ត្រាំ​ដក​ខ្លួន​ចេញ​ពី​កិច្ច​ព្រម​ព្រៀង​នុយក្លេអ៊ែរ​អ៊ីរ៉ង់។

​លោក ​Brian Hook ​នាយក​រៀប​ចំ​ផែន​ការ​គោល​នយោបាយ​របស់​ក្រសួងការ​បរទេស​អាមេរិក​បាន​និយាយ​នៅ​ក្នុង​កិច្ច​សម្ភាសន៍​តាម​ទូរស័ព្ទ​ជាមួយ​ពួក​អ្នក​យក​ព័ត៌មាន​កាល​ពី​ថ្ងៃ​សុក្រ​ថា​ «​យើង​បាន​ព្រម​ព្រៀង​គ្នា​ច្រើន​ជា​ងយើង​មិន​ព្រម​ព្រៀងគ្នា។​ មនុស្ស​កំពុង​និយាយខុស​ពី​ការមិន​ចុះ​សម្រុង​គ្នា​រវាង​សហរដ្ឋ​អាមេរិក​និង​អឺរ៉ុប‍»។

​លោក ​Hook ​បាន​និយាយ​ទៀត​ដោយ​សំដៅ​ដល់​កិច្ច​ព្រម​ព្រៀង​នុយក្លេអ៊ែរ​អ៊ីរ៉ង់​ឆ្នាំ​២០១៥​ ជាមួយ​នឹង​ប្រទេស​មហា​អំណាច​ថា​ «យើង​ជឿ​ជាក់​ថា​ តម្លៃ​និង​ការ​តាំង​ចិត្ត​រួម​របស់​យើង​ដើម្បី​ប្រឈម​បញ្ហា​សន្តិសុខ​រួម​នឹងជម្នះ​ការ​ខ្វែងគំនិត​ណា មួយ​នៃ​កិច្ច​ព្រម​ព្រៀង​ JCPOA ​នោះ»។

​កំណត់​សម្គាល់​របស់​លោក​កើត​មាន​ឡើង​នៅ​ពេល​ដែលលោក ​Donald Tusk ​ប្រធាន​ក្រុម​ប្រឹក្សា​អឺរ៉ុប​បាន​រិះគន់​យ៉ាង​ខ្លាំង​ដល់​រដ្ឋាភិបាល​ក្រុង​វ៉ាស៊ីនតោន​អំពី​ជម្លោះ​ពាណិជ្ជកម្ម​និង​ការ​ដក​ខ្លួន​របស់​សហរដ្ឋ​អាមេរិក​ចេញ​ពី​កិច្ច​ព្រម​ព្រៀង​នុយក្លេអ៊ែរ​អ៊ីរ៉ង់។

នៅ​ពេល​សួរ​អំពី​សារ​តាម​ប្រព័ន្ធ​ Twitterរបស់​លោក ​Tusk ​ប្រធានា​ធិបតី​សហ​រដ្ឋ​អាមេរិក​ ដូណាល់ ​ត្រាំ​ បាន​រិះគន់​តបត​វិញ​ថា​ សហភាព​អឺរ៉ុប​មាន​បញ្ហាពាណិជ្ជកម្ម​យ៉ាង​ខ្លាំង​ជាមួយ​សហរដ្ឋ​អាមេរិក។

​លោក​ ត្រាំ​ បាន​ប្រាប់​ពួក​អ្នក​យក​ព័ត៌មាន​កាល​ពី​ថ្ងៃ​ព្រហស្បតិ៍​ថា «យើង​បាន​ខាត​ប្រាក់​១៥១​ពាន់​លាន​ដុល្លារ​កាល​ពី​ឆ្នាំ​ទៅ​ចំពោះ​ការ​ធ្វើ​ពាណិជ្ជកម្ម​ជាមួយ​សហភាព​អឺរ៉ុប‍»៕

XS
SM
MD
LG