ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អ្នក​បើក​យន្តហោះ​អាមេរិក​ត្រូវ​សិង្ហបុរី​ចាប់​ដាក់​ពន្ធនាគារ​​ដោយ​សារ​រំលោភ​​វិធាន​ទប់​ស្កាត់​កូវីដ១៩


លោក Brian Dugan Yeargan ពាក់​ម៉ាស់ និង​វែនតា​ការពារ​កម្តៅ​ថ្ងៃ​ដើរ​នៅ​ខាង​ក្រៅ​តុលាការ​រដ្ឋ​សិង្ហបុរី ក្នុង​ប្រទេស​សិង្ហបុរី កាលពី​ថ្ងៃទី១៣ ខែឧសភា ឆ្នាំ២០២០។

អ្នក​បើកបរ​យន្តហោះ​ដឹក​ទំនិញ​ជាតិ​អាមេរិក​ម្នាក់​ បាន​ក្លាយ​ជា​ជន​បរទេស​ដំបូង​ដែល​ត្រូវបាន​អាជ្ញាធរ​ប្រទេស​សិង្ហបុរី​ចាប់​ដាក់​ពន្ធនាគារ​ដោយសារ​លោកបាន​រំលោក​លើ​វិធានការ​ដាក់​កំហិត​មិន​ឲ្យ​ចេញ​ពី​កន្លែង​ស្នាក់​នៅ​របស់​ប្រទេស​នេះ​ដើម្បី​ទប់ស្កាត់​ការ​រាតត្បាត​នៃ​ជំងឺ​កូវីដ១៩ នេះ​បើ​តាម​មេធារី​របស់​លោក Brian Dugan Yeargan អ្នក​បើក​យន្តហោះ​របស់​ក្រុមហ៊ុន FedEx។

លោក Yeargan ដែល​មក​ពី​រដ្ឋ​អាឡាស្កា ត្រូវ​បាន​កាត់​ទោស​ឲ្យ​ជាប់​ពន្ធនាគារ​រយៈ​ពេល​បួន​សប្តាហ៍ ក្រោយ​ពី​លោក​ទទួល​កំហុស​ថា​បានចេញ​ពី​សណ្ឋាគារ​រយៈ​ពេល​៣​ម៉ោង​ដើម្បី​ទៅ​ទិញ​ម៉ាស់ និង​ឧបករណ៍​វាស់​កម្តៅ។

មេធាវីរបស់​លោក​ថា​លោក Yeargan បាន​ព្យាយាម​ទិញ​ឧបករណ៍​វាស់​កម្តៅ ​និង​ម៉ាស់​ពី​របី​ប្រអប់​ដើម្បី​ផ្ញើ​ភរិយានៅ​អាមេរិក​ដែល​បាន​ធ្លាក់​ខ្លួន​ឈឺ នៅ​មុន​ពេល​លោក​បើក​យន្តហោះ​ត្រឡប់​ទៅ​អាមេរិក​វិញ​កាល​ពី​ថ្ងៃ​ទី​៦ ខែ​មេសា។

ប្រទេស​សិង្ហបុរី​មាន​ការ​ផ្ទុះ​រាលដាល​ជំងឺ​កូវីដ១៩​ខ្លាំង​ជាង​គេ​នៅ​អាស៊ី​អាគ្នេយ៍​ដោយ​មាន​ចំនួន​អ្នក​ឆ្លង​រហូត​ដល់២៧.០០០​នាក់​កិត​មក​ត្រឹម​ថ្ងៃ​សុក្រ។ អ្នក​ឆ្លង​ភាគ​ច្រើន​ជា​ជនបរទេសដែល​ជា​ពលករ​ធ្វើ​ការ​នៅ​ប្រទេស​ជា​ក្រុង​មួយ​នេះ ហើយ​ទោះ​បីសិង្ហបុរី​បាន​បន្ធូរបន្ធយ​ការ​រឹតត្បិត​ខ្លះ​ចំពោះ​ពលរដ្ឋ​ខ្លួន​ហើយ ក៏​អ្នក​រំលោភ​លើ​វិធានការ​ដាក់​ឲ្យ​នៅ​ដោយ​ឡែក​ពី​គេ ឬ​ហៅ​ថា ចត្តាឡីស័ក​មិន​ពាក់​ម៉ាស់​ក្នុង​ទីសាធារណៈ​ឬមិន​អនុវត្ត​ការ​រក្សា​គម្លាត​ក្នុង​សង្គម អាច​ជាប់​ពន្ធនាគារ​រហូត​ដល់​៦​ខែ​និង​រង​ពិន័យ​រហូត​ដល់​៧.០០០​ដុល្លារ។

ទោះ​បី​លោក​ Yeargan ជា​ជន​បរទេស​ដំបូង​ដែល​ត្រូវ​អាជ្ញាធរ​សិង្ហបុរី​ចាប់​ដាក់​ពន្ធនាគារ​យ៉ាង​ដូច្នេះ ក៏​កន្លង​មក​សិង្ហបុរី​បានចាប់​ពលរដ្ឋ​របស់​ខ្លួន​មួយ​ចំនួន​ដាក់​ពន្ធនាគាររយៈ​ពេល​ពី​៥​ទៅ​៦​សប្តាហ៍ដោយ​សារ​ពួក​គេ​បាន​ចាក​ចេញ​ពី​ផ្ទះ​ដោយ​គ្មាន​ការ​អនុញ្ញាត៕

XS
SM
MD
LG