ផ្នែកផ្សាយជាភាសាវៀតណាមនៃវីអូអេបានរាយការណ៍ថា កាលពីចុងខែឧសភាលោករដ្ឋមន្ត្រីការពារប្រទេសស.រ.អ. Ashton Carter បានសន្យាថាប្រទេសអាមេរិកនឹងផ្តល់ប្រាក់ឱ្យប្រទេសវៀតណាមដើម្បីទិញនាវាយាមល្បាតធុន Metal Shark Defiant 75 Class សម្រាប់កងឆ្មាំឆ្នេរសមុទ្រនៃប្រទេសនេះ។
លោក Greg Lambrecht អនុប្រធាននៃក្រុមហ៊ុនផលិតនាវា Metal Shark បាននិយាយកាលពីសប្តាហ៍មុនថា ក្រុមហ៊ុនលោកសង្ឃឹមថានឹងចាប់ផ្តើមកសាងកប៉ាល់ទាំងនេះក្នុងខែកក្កដា។ លោក Lambrecht មិនបាននិយាយប្រាប់អំពីទឹកប្រាក់នៃកុងត្រាសម្រាប់ស្ថាបនានាវាទាំងនេះទេ ហើយលោកក៏មិនបានប្រាប់ឱ្យដឹងអំពីចំនួននៃនាវាធុន Defiant 75 មានល្បឿន៤០-knot ដែលក្រុមហ៊ុនលោកនឹងផលិតដែរ។
អត្ថបទមួយរបស់ទីភ្នាក់ងារព័ត៌មាន Reuters បានសរសេរថាកុងត្រាផលិតនាវាទាំងនេះមានទឹកប្រាក់១៨លានដុល្លារ៕
