ប្រធានាធិបតីចិនលោក ស៊ី ជីងពីងនិងលោក Nguyen Phu Trong មេដឹកនាំគណបក្សកុម្មុយនិស្តវៀតណាមបានជួបគ្នាក្នុងទីក្រុងប៉េកាំង ដែលជាផ្នែកមួយនៃកិច្ចខំប្រឹងប្រែងផ្សះផ្សារទំនាក់ទំនងដែលមានការតានតឹងលើជម្លោះដែនសមុទ្រក្នុងសមុទ្រចិនខាងត្បូង នេះតាមសេចក្តីរាយការណ៍របស់ VOAផ្សាយជាភាសាវៀតណាម។
បណ្តាញព័ត៌មានរដ្ឋចិនរាយការណ៍ថា ប្រទេសទាំង២ត្រូវតែចាត់ចែងឲ្យបានត្រឹមត្រូវនូវជម្លោះរបស់ខ្លួនក្នុងសមុទ្រចិនខាងត្បូង ដើម្បីធ្វើឲ្យមានបរិយាកាសសន្តិភាពនិងស្ថេរភាពនៅក្នុងតំបន់។
លោក Trong កំពុងដឹកនាំគណៈប្រតិភូជាន់ខ្ពស់មួយ ដើម្បីបំពេញទស្សនកិច្ចទីក្រុងប៉េកាំងរយៈពេល៣ថ្ងៃ បន្ទាប់ពីការដំឡើងការដ្ឋានខួងប្រេងដ៏ចម្រូងចម្រាស់នៅក្នុងផ្ទៃទឹកមានជម្លោះកាលពីឆ្នាំទៅ។
លោក Nguyen Xuan Cuong នាយករងវិទ្យាស្ថានការសិក្សាប្រទេសចិនរបស់វៀតណាមបាននិយាយថា ដំណើរបំពេញទស្សនកិច្ចនេះ បង្ហាញពីទំនាក់ទំនងល្អរវាងរដ្ឋាភិបាលទីក្រុងហាណូយនិងរដ្ឋាភិបាលទីក្រុងប៉េកាំងនៅពេលដែលប្រទេសទាំង២ ប្រារព្ធខួបលើកទី៦៥នៃការបង្កើតចំណងទាក់ទងខាងការទូត។
ក៏ប៉ុន្តែដំណើរបំពេញទស្សនកិច្ចរបស់លោក Trong ក៏កើតមានឡើងមុនពេលដំណើរបំពេញទស្សនកិច្ចដ៏កម្ររបស់លោកទៅកាន់រដ្ឋធានីវ៉ាស៊ីនតោននៅឆ្នាំនេះ ជាដំណើរបំពេញទស្សនកិច្ចមួយដែលត្រូវបានបញ្ជាក់ដោយលោក Ted Osuis ឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងហាណូយ។
លោក Toung Lai អតីតទីប្រឹក្សានាយករដ្ឋមន្រ្តីវៀតណាមនិយាយថា លោកមិនមានការភ្ញាក់ផ្អើលពីការសម្រេចរបស់ប្រធានគណបក្សទៅបំពេញទស្សនកិច្ចប្រទេសចិនមុនទេ ពីព្រោះវៀតណាមជានិច្ចកាលស្វែងរកយោបល់ពីប្រទេសមហាអំណាចជិតខាងរបស់ខ្លួនលើបញ្ហាសំខាន់ៗនោះ។
ទោះជាយ៉ាងណាក៏ដោយ ក្រុមអ្នកសង្កេតការណ៍និយាយថា ចំណាត់ការដ៏ខ្លាំងរបស់រដ្ឋាភិបាលទីក្រុងប៉េកាំងក្នុងសមុទ្រចិនខាងត្បូង បានធ្វើឲ្យវៀតណាមមានទំនាក់ទំនងដ៏ជិតស្និទ្ធជាមួយរដ្ឋាភិបាលទីក្រុងវ៉ាស៊ីនតោន។ លោក Lai និយាយថា វៀតណាមគួរតែចាប់យកឱកាសធ្វើសម្ព័ន្ធភាពជាមួយសហរដ្ឋអាមេរិកនៅពេលដែលអតីតគូសត្រូវនេះ កំពុងធ្វើឲ្យមានគោលនយោបាយមានតុល្យភាពឡើងវិញដល់តំបន់អាស៊ី។
ប្រធានាធិបតីចិនលោក ស៊ី ជីងពីងនិងលោក Nguyen Phu Trong មេដឹកនាំគណបក្សកុម្មុយនិស្តវៀតណាមបានជួបគ្នាក្នុងទីក្រុងប៉េកាំង ដែលជាផ្នែកមួយនៃកិច្ចខំប្រឹងប្រែងផ្សះផ្សារទំនាក់ទំនងដែលមានការតានតឹងលើជម្លោះដែនសមុទ្រក្នុងសមុទ្រចិនខាងត្បូង នេះតាមសេចក្តីរាយការណ៍របស់ VOAផ្សាយជាភាសាវៀតណាម។
បណ្តាញព័ត៌មានរដ្ឋចិនរាយការណ៍ថា ប្រទេសទាំង២ត្រូវតែចាត់ចែងឲ្យបានត្រឹមត្រូវនូវជម្លោះរបស់ខ្លួនក្នុងសមុទ្រចិនខាងត្បូង ដើម្បីធ្វើឲ្យមានបរិយាកាសសន្តិភាពនិងស្ថេរភាពនៅក្នុងតំបន់។
លោក Trong កំពុងដឹកនាំគណៈប្រតិភូជាន់ខ្ពស់មួយ ដើម្បីបំពេញទស្សនកិច្ចទីក្រុងប៉េកាំងរយៈពេល៣ថ្ងៃ បន្ទាប់ពីការដំឡើងការដ្ឋានខួងប្រេងដ៏ចម្រូងចម្រាស់នៅក្នុងផ្ទៃទឹកមានជម្លោះកាលពីឆ្នាំទៅ។
លោក Nguyen Xuan Cuong នាយករងវិទ្យាស្ថានការសិក្សាប្រទេសចិនរបស់វៀតណាមបាននិយាយថា ដំណើរបំពេញទស្សនកិច្ចនេះ បង្ហាញពីទំនាក់ទំនងល្អរវាងរដ្ឋាភិបាលទីក្រុងហាណូយនិងរដ្ឋាភិបាលទីក្រុងប៉េកាំងនៅពេលដែលប្រទេសទាំង២ ប្រារព្ធខួបលើកទី៦៥នៃការបង្កើតចំណងទាក់ទងខាងការទូត។
ក៏ប៉ុន្តែដំណើរបំពេញទស្សនកិច្ចរបស់លោក Trong ក៏កើតមានឡើងមុនពេលដំណើរបំពេញទស្សនកិច្ចដ៏កម្ររបស់លោកទៅកាន់រដ្ឋធានីវ៉ាស៊ីនតោននៅឆ្នាំនេះ ជាដំណើរបំពេញទស្សនកិច្ចមួយដែលត្រូវបានបញ្ជាក់ដោយលោក Ted Osuis ឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងហាណូយ។
លោក Toung Lai អតីតទីប្រឹក្សានាយករដ្ឋមន្រ្តីវៀតណាមនិយាយថា លោកមិនមានការភ្ញាក់ផ្អើលពីការសម្រេចរបស់ប្រធានគណបក្សទៅបំពេញទស្សនកិច្ចប្រទេសចិនមុនទេ ពីព្រោះវៀតណាមជានិច្ចកាលស្វែងរកយោបល់ពីប្រទេសមហាអំណាចជិតខាងរបស់ខ្លួនលើបញ្ហាសំខាន់ៗនោះ។
ទោះជាយ៉ាងណាក៏ដោយ ក្រុមអ្នកសង្កេតការណ៍និយាយថា ចំណាត់ការដ៏ខ្លាំងរបស់រដ្ឋាភិបាលទីក្រុងប៉េកាំងក្នុងសមុទ្រចិនខាងត្បូង បានធ្វើឲ្យវៀតណាមមានទំនាក់ទំនងដ៏ជិតស្និទ្ធជាមួយរដ្ឋាភិបាលទីក្រុងវ៉ាស៊ីនតោន។ លោក Lai និយាយថា វៀតណាមគួរតែចាប់យកឱកាសធ្វើសម្ព័ន្ធភាពជាមួយសហរដ្ឋអាមេរិកនៅពេលដែលអតីតគូសត្រូវនេះ កំពុងធ្វើឲ្យមានគោលនយោបាយមានតុល្យភាពឡើងវិញដល់តំបន់អាស៊ី៕
