ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋមន្ត្រី​ការពារ​ជាតិ​អាមេរិក ​Jim Mattis​ ប្រកាស​លា​លែង​ពី​តំណែង​ក្រោយ​ពេល​មិន​យល់​ស្រប​ជាមួយ​លោក​ត្រាំ


Ukrainian deminers collect unexploded material during demining works on Blue Lake in Horenka village, Kyiv region, due to the approaching bathing season.
Ukrainian deminers collect unexploded material during demining works on Blue Lake in Horenka village, Kyiv region, due to the approaching bathing season.

រដ្ឋមន្ត្រី​ការពារ​ជាតិអាមេរិក​លោក ​Jim Mattis ​កាល​ពីថ្ងៃ​ព្រហស្បតិ៍​បាន​ប្រកាស​ថា ​លោក​បាន​លា​លែង​ពី​តំណែង​ដោយ​បាន​យក​លិខិត​លាលែង​របស់​លោក​ទៅ​កាន់​លោក​ប្រធានាធិបតី​ ដូណាល់ ត្រាំ​ ដោយ​ផ្ទាល់​បន្ទាប់​ពី​កិច្ច​ប្រជុំ​ពេល​អាហារ​ថ្ងៃ​ត្រង់​នៅ​សេត​វិមាន។ ​

លិខិត​របស់​លោក​ Mattis ​មិន​និយាយ​ពី​ឈ្មោះ​លោក​ ត្រាំ​ ទេ​ ​តែ​បាន​បាន​គូស​បញ្ជាក់​ពី​ភាព​ខុស​គ្នា​យ៉ាង​ខ្លាំង​រវាង​ទស្សនៈ​របស់​លោក​និង​ទស្សនៈ​លោក​ប្រធានាធិបតី​ ជាពិសេស​អំពី​សារៈ​សំខាន់​នៃ​សម្ព័ន្ធ​មិត្ត​និង​ការ​ប្រើ​អំណាច​របស់​សហ​រដ្ឋអាមេរិក។ ​លោក ​Mattis ​បាន​សរសេរ​ថា៖ «យើង​ត្រូវ​តែ​មាន​ភាព​ម៉ឺង​ម៉ាត់​និង​ច្បាស់​លាស់​ក្នុង​ការ​ធ្វើ​ទំនាក់​ទំនងជាមួយ​ប្រទេស​ទាំង​នោះ​ដែល​ផល​ប្រយោជន៍​ជា​យុទ្ធសាស្រ្ត​កាន់​តែ​មាន​ភាព​តាន​តឹង​ខ្លាំង​ឡើង​ជា​មួយ​យើង»។​

លោក​បាន​ព្រមាន​ថា រុស្ស៊ី ​និង​ចិន​ចង់​ចាត់​ចែង​ពិភព​លោក​តាម​បែប​ផ្តាច់​ការ​របស់​គេ​ ដោយ​សំឡេង​វ៉េតូ​ប្រឆាំង​ការ​សម្រេច​ចិត្ត​ខាងសេដ្ឋកិច្ច​ ខាង​ការទូត​ និង​ខាង​សន្តិសុខ​របស់​ប្រទេស​ទាំង​នោះ។ លោក ​Mattis​ បាន​សន្និដ្ឋាន​ដោយ​សរសេរ​ថា​ លោក​នឹង​លា​ចេញ​ពី​តំណែង​នៅ​ចុង​ខែ​កុម្ភៈ​នេះ។​

លោក​សរសេរ​ថា៖​ «ដោយសារ​លោក​ប្រធានាធិបតី​មាន​សិទ្ធិ​ជ្រើស​រើស​រដ្ឋមន្ត្រី​ការពារជាតិ​ដែល​មាន​ទស្សនៈ​ស្រប​ជាមួយ​លោក​លើ​ប្រធាន​បទ​ទាំង​នេះ​ និង​ប្រធាន​បទ​ដទៃ​ទៀត ​ដូច្នេះ​ខ្ញុំ​ត្រូវ​ចុះ​ចេញ​ពី​តំណែង»។​

ការ​សម្រេច​ចិត្ត​របស់លោក Mattis ​បាន​កើត​ឡើង​មួយ​ថ្ងៃ​ក្រោយ​ពី​លោក ​ត្រាំ​ បាន​ប្រកាស​ថា ​លោក​នឹង​ដក​កង​ទ័ព​អាមេរិក​២,០០០​នាក់​ពី​ប្រទេស​ស៊ីរី ដែល​ជា​ការផ្លាស់​ប្តូរ​មួយ​ដែល​ក្រសួង​ការពារ​ជាតិ​បាន​ជំទាស់៕​

XS
SM
MD
LG