ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សហរដ្ឋ​អាមេរិក​និងកាណាដា​លុបចោល​កម្មវិធី​ TikTok​ នៅលើ​ឧបករណ៍​រដ្ឋាភិបាល


និមិត្តសញ្ញា​​បណ្ដាញ​សង្គម TikTok
និមិត្តសញ្ញា​​បណ្ដាញ​សង្គម TikTok

ប្រទេស​កាណាដា ​និង​សហរដ្ឋ​អាមេរិក​ កាលពី​ថ្ងៃចន្ទ ​បាន​ចាប់ផ្តើម​ដំណើរការ​ហាមឃាត់​កម្មវិធី​ TikTok ​មិន​ឲ្យ​ប្រើ​នៅ​លើ​ឧបករណ៍​របស់​រដ្ឋាភិបាល។

សេតវិមាន​បាន​ផ្តល់ពេល​ ៣០​ ថ្ងៃ​ដល់​ទីភ្នាក់ងារ​សហព័ន្ធ​ដើម្បី​បញ្ឈប់​ការប្រើប្រាស់​កម្មវិធី​ប្រព័ន្ធ​ផ្សព្វផ្សាយ​សង្គម​ដ៏​ពេញនិយម​ដោយ​អនុវត្ត​ការហាមឃាត់​ដែល​ត្រូវ​បាន​អនុម័ត​ដោយ​សភា​កាលពី​ខែធ្នូ។

វិធានការ​របស់​សហរដ្ឋ​អាមេរិក​មាន​ការលើកលែង​មាន​កម្រិត​សម្រាប់​មន្ត្រី​អនុវត្ត​ច្បាប់​ សន្តិសុខ​ជាតិ ​និង​គោលបំណង​ស្រាវជ្រាវ។

កម្មវិធី​ TikTok ​ដែល​គ្រប់គ្រង​ដោយ​ក្រុមហ៊ុន​ចិន​ ByteDance​ បាន​ទាក់ទាញ​ការត្រួតពិនិត្យ​ពី​រដ្ឋាភិបាល​លោក​ខាងលិច​ ទាក់ទង​នឹង​សុវត្ថិភាព​ទិន្នន័យ​អ្នកប្រើប្រាស់​ និង​សក្តានុពល​ដែល​កម្មវិធី​នេះ​អាច​ប្រើ​ដើម្បី​ផ្សព្វផ្សាយ​ទស្សនៈ​គាំទ្រ​ចិន។

ក្រុមហ៊ុន​បាន​ច្រាន​ចោល​ការ​ព្រួយ​បារម្ភ​នេះ ​ហើយ​បាន​ហៅ​ការ​ហាម​ប្រាម​នេះ​ថា​ជា ​«ឆាកល្ខោន​នយោបាយ»។

អ្នកនាំពាក្យ​ក្រសួង​ការបរទេស​ចិន​បាន​និយាយ​ក្នុង​អំឡុង​សន្និសីទ​សារព័ត៌មាន​នៅ​ថ្ងៃអង្គារ​នេះ​ថា​ សហរដ្ឋ​អាមេរិក​ «បាន​និង​កំពុង​ពង្រីក​គំនិត​នៃ​សន្តិសុខ​ជាតិ​ និង​រំលោភ​អំណាច​រដ្ឋ​ដើម្បី​គាបសង្កត់​ក្រុមហ៊ុន​របស់​ប្រទេស​ដទៃ»។

នៅ​ប្រទេស​កាណាដា ​លោក​នាយក​រដ្ឋមន្ត្រី ​Justin Trudeau ​បាន​និយាយ​ថា ​ការហាមប្រាម​ TikTok ​លើ​ឧបករណ៍​របស់​រដ្ឋាភិបាល​អាច​ជា​សញ្ញា​ដល់​ប្រជាជន​ទូទៅ។

គណៈកម្មការ​អឺរ៉ុប ​និង​ក្រុមប្រឹក្សា​សហភាព​អឺរ៉ុប​បាន​ហាមឃាត់​ TikTok​ នៅ​លើ​ទូរស័ព្ទ​បុគ្គលិក​កាលពី​សប្តាហ៍​មុន៕

XS
SM
MD
LG