ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កងទ័ព​ជើងទឹក​សហរដ្ឋ​អាមេរិក និង​កម្ពុជា ចាប់ផ្ដើម​សម​យុទ្ធ​ប្រចាំ​ឆ្នាំ​រួមគ្នា​


កងទ័ព​ជើងទឹក​អាមេរិក និង​កម្ពុជា​ធ្វើ​សមយុទ្ធ CARAT រួមគ្នា​នៅ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ កាលពី​ពេល​កន្លង​ទៅ។ (រូបភាព៖ ទំព័រ Facebook របស់ CARAT)
កងទ័ព​ជើងទឹក​អាមេរិក និង​កម្ពុជា​ធ្វើ​សមយុទ្ធ CARAT រួមគ្នា​នៅ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ កាលពី​ពេល​កន្លង​ទៅ។ (រូបភាព៖ ទំព័រ Facebook របស់ CARAT)

លោក​វរសេនីយ៍​ឯក Erich Diehl មេ​បញ្ជាការ​ប្រចាំ​នៅ​បញ្ជាការ​ដ្ឋាន​សម្រាប់​តំបន់​អាស៊ី​ប៉ាស៊ីហ្វិក​នៃ​កងទ័ព​នៅ​បរទេស​របស់​សហរដ្ឋ​អាមេរិក មាន​ប្រសាសន៍​ថា ភាគី​ទាំង២ និង​កង​ម៉ារីន នឹង​រួមគ្នា​ហ្វឹកហ្វឺន​ទាំង​ផ្នែក​បញ្ជាការ និង​គ្រប់គ្រង​យុទ្ធវិធី​តាម​អង្គភាព​តូចៗ​ដោយ​ប្រតិបត្តិការ​លើ​គោក ការ​បង្ការ​ជំងឺ ការ​ជួសជុល និង​ប្រើប្រាស់​ទូក​សម្រាប់​ប្រតិបត្តិការ។

លើ​ក​ទី៧ រយៈពេល​៥ថ្ងៃ ស្តី​ពី​ការ​ហ្វឹកហ្វឺន និង​សហប្រតិបត្តិការ​ត្រៀម​ជា​ស្រេច​លើ​ផ្ទៃ​ទឹក ឬ​ហៅ​កាត់​ថា​CARAT ដែល​ប្រព្រឹត្ត​ទៅ​នៅ​មូលដ្ឋាន​ទ័ព​ជើង​ទឹក​រាម នៃ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ។

ការ​ហ្វឹកហ្វឺន និង​ការ​ត្រៀម​ជា​ស្រេច​សម្រាប់​សហប្រតិបត្តិការ​លើ​ផ្ទៃ​ទឹក (CARAT) គឺជា​សម​យុទ្ធ​ទ្វេ​ភាគី ដែល​បាន​ធ្វើ​ជា​បន្ត​បន្ទាប់​ដោយ​កងទ័ព​ជើងទឹក​សហរដ្ឋ​អាមេរិក កង​ម៉ារីន​អាមេរិក និង​កងទ័ព​នៃ​ប្រទេស​កម្ពុជា បង់ក្លាដេស ប្រ៊ុយណេ ឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី ថៃ និង​ទីម័រ​ខាង​កើត។

កងទ័ព​ជើងទឹក​អាមេរិក និង​កម្ពុជា​ធ្វើ​សមយុទ្ធ CARAT រួមគ្នា​នៅ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ កាលពី​ពេល​កន្លង​ទៅ។ (រូបភាព៖ ទំព័រ Facebook របស់ CARAT)
កងទ័ព​ជើងទឹក​អាមេរិក និង​កម្ពុជា​ធ្វើ​សមយុទ្ធ CARAT រួមគ្នា​នៅ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ កាលពី​ពេល​កន្លង​ទៅ។ (រូបភាព៖ ទំព័រ Facebook របស់ CARAT)

ថ្លែង​ក្នុង​ពិធី​បើក​សម​យុទ្ធ CARAT នៅ​ព្រឹក​ថ្ងៃ​ទី​៣១ ខែ​តុលា ឆ្នាំ២០១៦ លោក​ស្រី ជូ លីជុង (Ju Lie Chung) អនុ​ប្រធាន​បេសកកម្ម​ស្ថានទូត​អាមេរិក​ប្រចាំ​កម្ពុជា មាន​ប្រសាសន៍​ថា សម​យុទ្ធ CARAT ប្រចាំ​ឆ្នាំ​នេះ​ធ្វើ​ឡើង​ក្នុង​គោល​បំណង​បង្កើន​កិច្ច​សហប្រតិបត្តិការ​លើ​វិស័យ​យោធា​ និង​លើក​កម្ពស់​សន្តិសុខ​លំហ​សមុទ្រ ក៏ដូចជា​ផ្លាស់ប្ដូរ​បទ​ពិសោធន៍​រវាង​កងទ័ព​ជើង​ទឹក​នៃ​ប្រទេស​ទាំង២​អោយ​កាន់​តែ​រឹងមាំ និង​ល្អ​ប្រសើរ​ថែម​ទៀត។

លោកស្រី​បន្ថែម​ក្នុង​សម្ដី​ដើម​របស់​លោក​ស្រី​ថា​៖ «CARAT ជា​សម​យុទ្ធ​ដែល​មាន​ភាព​ស្មុគស្មាញ​បំផុត ហើយ​ជាង​២​ទសវត្ស កន្លង​មក​សម​យុទ្ធ​នេះ​បាន​ធ្វើ​ឲ្យ​កិច្ច​សហប្រតិបត្តិការ​នៅ​ក្នុង​តំបន់ និង​ដៃគូ​នៅ​តំបន់​អាស៊ី​ខាង​ត្បូង និង​អាស៊ី​អាគ្នេយ៍​មាន​ភាព​យូរ​អង្វែង»។

កងទ័ព​ជើងទឹក​អាមេរិក និង​កម្ពុជា​ធ្វើ​សមយុទ្ធ CARAT រួមគ្នា​នៅ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ កាលពី​ពេល​កន្លង​ទៅ។ (រូបភាព៖ ទំព័រ Facebook របស់ CARAT)
កងទ័ព​ជើងទឹក​អាមេរិក និង​កម្ពុជា​ធ្វើ​សមយុទ្ធ CARAT រួមគ្នា​នៅ​ដែន​សមុទ្រ​កម្ពុជា ក្នុង​ខេត្ត​ព្រះសីហនុ កាលពី​ពេល​កន្លង​ទៅ។ (រូបភាព៖ ទំព័រ Facebook របស់ CARAT)

លោក​វរសេនីយ៍​ឯក Erich Diehl មេ​បញ្ជាការ​ប្រចាំ​នៅ​បញ្ជាការ​ដ្ឋាន​សម្រាប់​តំបន់​អាស៊ី​ប៉ាស៊ីហ្វិក​នៃ​កងទ័ព​នៅ​បរទេស​របស់​សហរដ្ឋ​អាមេរិក មាន​ប្រសាសន៍​ថា ការ​ចូលរួម​សម​យុទ្ធ​របស់​កងទ័ព​ជើង​ទឹក​អាមេរិក មាន​គោលដៅ​រួម​ដើម្បី​បង្កើន​ការ​ត្រៀម​ជា​ស្រេច​ជា​អន្តរ​ប្រតិបត្តិការ និង​ផ្ដល់​ឱកាស​ពិសេស​សម្រាប់​ការ​ធ្វើការ និង​រៀន​ពី​កងទ័ព​កម្ពុជា​ដើម្បី​បង្កើន​សមត្ថភាព​ស្នូល​របស់​ខ្លួន​ក្នុង​ការ​បំពេញ​បេសកកម្ម​ក្រៅ​ប្រទេស។

លោក​បន្ថែម​ថា នៅ​ក្នុង​សម​យុទ្ធ​CARAT​នេះ ​ភាគី​ទាំង២ និង​កង​ម៉ារីន នឹង​រួមគ្នា​ហ្វឹកហ្វឺន​ទាំង​ផ្នែក​បញ្ជាការ និង​គ្រប់គ្រង​យុទ្ធវិធី​តាម​អង្គភាព​តូចៗ​ដោយ​ប្រតិបត្តិការ​លើ​គោក ការ​បង្ការ​ជំងឺ ការ​ជួសជុល និង​ប្រើប្រាស់​ទូក​សម្រាប់​ប្រតិបត្តិការ។

លោក អ៊ុក សីហា មេ​បញ្ជាការ​រង​កងទ័ព​ជើង​ទឹក និង​ជា​មេបញ្ជាការ​មូលដ្ឋាន​សមុទ្រ​កម្ពុជា ប្រាប់​ថា លំហាត់​ហ្វឹកហ្វឺន CARAT ប្រចាំ​ឆ្នាំ បាន​ជួយ​លើក​កម្ពស់​សមត្ថភាព​ចំណេះដឹង​ដល់​នាយ​នាវី​ ពល​នាវី កងទ័ព​ជើង​ទឹក​ប្រទេស​ទាំងពីរ និង​បាន​ជួយ​ពង្រឹង និង​ពង្រីក​ចំណង​សាមគ្គី​ភាព មិត្ត​ភាព កិច្ច​សហការ​ល្អ​រវាង​ប្រទេស​ទាំងពីរ ជាពិសេស​បាន​ធ្វើ​ឲ្យ​កង​ទ័ព​ជើង​ទឹក​នៃ​កង​យោធពលខេមរភូមិន្ទ​ និង​កងទ័ព​ជើង​ទឹក​សហរដ្ឋ​អាមេរិក​ឲ្យ​កាន់​តែ​រឹងមាំ​ថែម​ទៀត។

លោក​បញ្ជាក់​ក្នុង​សម្ដី​ដើមថា៖ «បើ​យើង​ក្រឡេក​មើល​ទៅ​លើ​ផ្ទៃ​សមុទ្រ​ទាំង​ដែន​អធិបតេយ្យ​ភាព​ប្រទេស​និមួយៗ និង​លំហ​សមុទ្រ​អន្តរ​ជាតិ​មាន​ការ​ប្រឈម​ទៅ​នឹង​ការ​គំរាម​កំហែង​ពី​ហានិភ័យ​ជា​ច្រើន​ ដូចជា​ការ​ប្លន់​ប្រដាប់​អាវុធ ចោរ​សមុទ្រ ការ​រត់​ពន្ធ​រំសេវ​ជាតិ​ផ្ទុះ ​គ្រឿង​ញៀន​ ការ​ចាប់​ជំរិត​ ជួញ​ដូរ​មនុស្ស និង​ភយន្តរាយ​ផ្សេងៗ​ពី​គ្រោះ​ធម្មជាតិ​ជា​ច្រើន​ទៀត ​ដែល​ចាំ​បាច់​ត្រូវ​តែ​មាន​កិច្ច​សហការ​ល្អ​ពី​បណ្ដា​កងទ័ព​ជើង​ទឹក​ទាំង​នៅ​ក្នុង​តំបន់ និង​អន្តរជាតិ​ក្នុង​ការ​ចូលរួម​ត្រួត​ពិនិត្យ​ឆែក​ឆេរ​ រុករក​ជួយ​សង្គ្រោះ និង​ការ​ផ្ដល់​ជំនួយ​សង្គ្រោះ​បន្ទាន់​នា​នា ក្នុង​គោល​បំណង​រក្សា​អោយ​បាន​នូវ​សុខ​សន្តិ​ភាព​ ស្ថេរ​ភាព សុវត្ថិភាព​លើ​ផ្ទៃ​សមុទ្រ»។

សម​យុទ្ធ​យោធា CARAT បាន​បង្កើត​ឡើង​រយ:ពេល​២០​ឆ្នាំ​មក​ហើយ​ក្នុង​ការ​ធ្វើ​សម​យុទ្ធ​រួមគ្នា​រវាង​អាមេរិក​ជាមួយ​បណ្ដា​ប្រទេស​ក្នុង​តំបន់​អាស៊ី​ប៉ាស៊ីហ្វិក និង​អាស៊ីអាគ្នេយ៍ ដែល​ក្នុង​នោះ​កម្ពុជា​បាន​ចូល​រួម​តាំង​ពី​ឆ្នាំ​២០១០​មក៕

XS
SM
MD
LG