សហរដ្ឋអាមេរិកបានបន្ទោសរដ្ឋាភិបាលរុស្ស៊ីពាក់ព័ន្ធនឹងការស្លាប់របស់មេដឹកនាំបក្សប្រឆាំងរុស្ស៊ីលោក Alexey Navalny នៅក្នុងពន្ធនាគារដាច់ស្រយាលមួយរបស់រុស្ស៊ី។ លោក Navalny បានជាប់ពន្ធនាគាររយៈពេលយូរក្រោមបទចោទប្រកាន់ជាច្រើន ដែលរួមមានទាំងបទចោទប្រកាន់ជ្រុលនិយមផងដែរ ដែលត្រូវបានគេមើលឃើញជាទូទៅថាជាការដាក់ទោសសម្រាប់ការរិះគន់របស់លោករាប់ឆ្នាំលើប្រធានាធិបតីរុស្ស៊ីលោក Vladimir Putin។ អ្នកស្រី Patsy Widakuswara ប្រធានអ្នកឆ្លើយឆ្លងព័ត៌មានរបស់ VOA ប្រចាំសេតវិមាន រាយការណ៍អំពីរឿងនេះពីរដ្ឋធានីវ៉ាស៊ីនតោន។ អ្នកនាង ស្រេង លក្ខិណា ជូនសេចក្តីប្រែសម្រួល៕