ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

​លោក អ៊ុំ សំអាន ត្រូវបាន​ព្រះ​មហាក្សត្រ​លើក​លែង​ទោស​តាម​សំណើ​លោក​ ហ៊ុន សែន​


រូបឯកសារ៖ លោក អ៊ុំ សំអាន តំណាងរាស្ត្រ​គណបក្ស​សង្គ្រោះជាតិ ត្រូវបាន​សន្តិសុខ​មន្ទីរ​ឃុំឃាំង​នាំ​ខ្លួន​ទៅ​កាន់​សាលាឧទ្ធរណ៍​នៅរាជធានី​ភ្នំពេញ កាលពី​ថ្ងៃទី២១ ខែកញ្ញា ឆ្នាំ២០១៦។

លោក អ៊ុំ សំអាន​ តំណាងរាស្ត្រ​គណបក្ស​សង្គ្រោះ​ជាតិមុន​ពេល​គណបក្ស​នេះ​ត្រូវ​រំលាយ​នោះបាន​រួច​ពី​ពន្ធនាគារ​នៅ​ថ្ងៃសៅរ៍នេះ​ តាម​ព្រះ​រាជ​ក្រឹត្យ​ព្រះ​រាជទាន​លើក​លែង​ទោស​ដោយ​ព្រះ​មហាក្សត្រ​ព្រះ​បាទ​នរោត្តម​ សីហមុនី ថ្ងៃ​ទី២៥​ ខែ​សីហា​នេះ។​

ព្រះ​រាជក្រឹត្យលើក​លែង​ទោស​បាន​ចែង​ថា៖​ «ត្រូវបាន​លើក​លែង​ទោស​ឲ្យ​ទណ្ឌិត​ឈ្មោះ​ អ៊ុំ សំអាន​ ភេទ​ប្រុស​ អាយុ៤០​ឆ្នាំ​ដែល​ត្រូវបាន​តុលាការ​សម្រេច​ទោស​ដាក់​ពន្ធនាគារ​ពី​បទ​ញុះញង់​ឲ្យ​ប្រព្រឹត្តបទ​ឧក្រិដ្ឋ​ជន​ជាអាទិ៍​ និង​បទ​ញុះ​ញង់​ឲ្យ​មាន​ការរើស​អើង​តាម​អំណាច​តុលាការ​កំពូល»។

ព្រះរាជ​ក្រឹត្យ​នេះ​បន្ថែម​ថា ​ព្រះរាជទាន​លើក​លែង​ទោស​នេះគឺ​យោង​តាម​សំណើ​របស់​លោកនាយក​រដ្ឋមន្ត្រី​ហ៊ុន​សែន​ ​ដែល​នៅ​សប្តាហ៍​នេះ​បាន​ប្រកាស​លើក​លែង​ទោស​ទ្រង់​ទ្រាយធំ។

ដីកា​បង្គ្រាប់​របស់​លោក​ រៀល​ សុភិន ​ព្រះរាជអាជ្ញារង​តុលាការ​ក្រុង​ភ្នំពេញចុះ​ថ្ងៃ​ទី​២៥​ខែ ​សីហា​នេះបាន​សម្រេច​បង្គាប់​ឲ្យ​ប្រធាន​មណ្ឌល​កែ​ប្រែ១​ដោះ​លែង​លោក អ៊ុំ សំអាន។ ​

លោក អ៊ុំ សំអាន​ ត្រូវ​បាន​ចាប់​ខ្លួន​នៅ​ខេត្ត​សៀមរាប​ ពេល​លោក​នៅ​ជា​តំណាង​រាស្ត្រ​គណបក្ស​សង្គ្រោះ​ជាតិជាតិ​ កាល​ពី​ឆ្នាំ​២០១៦។ ​លោក​បាន​វិល​ត្រឡប់​ពី​ស.រ.អា.ទៅ​កម្ពុជា​វិញ​ទោះ​បី​ជា​លោក​ដឹង​ថា ​រដ្ឋាភិបាល​នឹង​ចាប់​ខ្លួន​លោក​ក៏ដោយ៕

XS
SM
MD
LG