បណ្តាមេដឹកនាំពិភពលោកថ្កោលទោសលោក Putin និងអំពាវនាវឲ្យបញ្ឈប់ការវាយប្រហារលើអ៊ុយក្រែន
បណ្តាមេដឹកនាំនានាជុំវិញពិភពលោកបានថ្កោលទោសចំពោះការវាយប្រហារយ៉ាងពេញទំហឹងរបស់ប្រធានាធិបតីរុស្ស៊ី លោក Vladimir Putin ទៅលើប្រទេសអ៊ុយក្រែន ដោយបានហៅទង្វើនេះថាជាសង្គ្រាមឃោរឃៅ និងគ្មានការបង្កហេតុ។ អគ្គលេខាធិការអង្គការអូតង់លោក Jens Stoltenberg ថា៖ «សន្តិភាពនៅក្នុងទ្វីបរបស់យើងត្រូវបានបំផ្លាញ»។ ពលរដ្ឋនៅតាមប្រទេសនានាដូចជារុស្ស៊ី ស៊ុយអែត ជប៉ុន បារាំង និងប្រទេសផ្សេងទៀតជាច្រើនចេញធ្វើបាតុកម្មតាមផ្លូវប្រឆាំងនឹងការឈ្លានពាននេះ។
ការតវ៉ាជុំវិញពិភពលោក ផ្ទុះឡើងប្រឆាំងនឹងការវាយប្រហារអ៊ុយក្រែន
មនុស្សរាប់រយនាក់ បានតវ៉ានៅទីក្រុងម៉ូស្គូ ទីក្រុង St. Petersburg ទីក្រុង Yekaterinburg និងកន្លែងផ្សេងទៀតក្នុងប្រទេសរុស្ស៊ី ក៏ដូចជានៅទីក្រុងនានា ពីអឺរ៉ុបរហូតដល់ប្រទេសអូស្ត្រាលី បន្ទាប់ពីទាហានរុស្ស៊ីបានវាយប្រហារអ៊ុយក្រែនកាលពីថ្ងៃព្រហស្បតិ៍។
រុស្ស៊ីបោះឆ្នោតរារាំងសេចក្តីសម្រេចអ.ស.ប.ថ្កោលទោសការឈ្លានពានអ៊ុយក្រែន
រុស្ស៊ីកាលពីថ្ងៃសុក្រ បានបោះឆ្នោតរាំងខ្ទប់ (វ៉េតូ)សេចក្តីសម្រេចមួយរបស់ក្រុមប្រឹក្សាសន្តិសុខអង្គការសហប្រជាជាតិដើម្បីថ្កោលទោសនិងបញ្ឈប់ការឈ្លានពានរបស់ខ្លួនលើប្រទេសអ៊ុយក្រែន ក៏ប៉ុន្តែប្រទេសជាច្រើននិយាយថាពួកគេនឹងព្យាយាមរកមធ្យោបាយឱ្យរុស្ស៊ីទទួលខុសត្រូវពីសមាជិកទាំងអស់របស់អង្គការពិភពលោកនេះនៅក្នុងមហាសន្និបាតអង្គការសហប្រជាជាតិវិញ។
ទ័ពអ៊ុយក្រែននិងរុស្ស៊ីប្រយុទ្ធគ្នាដណ្តើមការគ្រប់គ្រងរដ្ឋធានីកៀវ
មានសំឡេងផ្ទុះនិងការបាញ់គ្នាកាលពីថ្ងៃសៅរ៍នៅរដ្ឋធានីកៀវរបស់អ៊ុយក្រែន ខណៈទ័ពរុស្ស៊ីនិងអ៊ុយក្រែនប្រយុទ្ធគ្នាដើម្បីដណ្តើមកាន់កាប់ទីក្រុងនេះ។ មន្ត្រីអ៊ុយក្រែនបានអំពាវនាវឱ្យប្រជាពលរដ្ឋជួយការពារក្រុងកៀវទប់ទល់នឹងកងទ័ពរុស្ស៊ីដែលរុលមក។ មូលដ្ឋានទ័ពមួយកន្លែងក្បែររដ្ឋធានីអ៊ុយក្រែនបានរងការវាយប្រហារ ប៉ុន្តែយោធាអ៊ុយក្រែនថាខ្លួនបានទប់ទល់ឈ្នះការវាយប្រហារនេះ។
