ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ Trump ថា​លោក«មិន​ចង់​បាន​អំពើ​ហិង្សា​​ទេ»​ ខណៈ​ការប្តឹង​ដក​លោក​ពី​តំណែង​ខិតជិត​មកដល់


ប្រធានាធិបតីសហរដ្ឋអាមេរិកលោក Donald Trump លើកដៃ ខណៈលោកឡើងលើយន្តហោះប្រធានាធិបតីដើម្បីធ្វើដំណើរទៅកាន់រដ្ឋ Texas ពីអាកាសយានដ្ឋន Joint Base Andrews ក្នុងរដ្ឋ Maryland ថ្ងៃទី១២ ខែមករា ឆ្នាំ២០២១។
ប្រធានាធិបតីសហរដ្ឋអាមេរិកលោក Donald Trump លើកដៃ ខណៈលោកឡើងលើយន្តហោះប្រធានាធិបតីដើម្បីធ្វើដំណើរទៅកាន់រដ្ឋ Texas ពីអាកាសយានដ្ឋន Joint Base Andrews ក្នុងរដ្ឋ Maryland ថ្ងៃទី១២ ខែមករា ឆ្នាំ២០២១។

ខណៈការប្តឹង​ចោទ​ប្រកាន់ដើម្បីដក​ប្រធានាធិបតីសហរដ្ឋអាមេរិកលោក ដូណាល់ ត្រាំ​ (Donald Trump) ចេញពី​មុខតំណែង​ប្រធានាធិបតី​ នឹង​រំពឹងថា​ត្រូវធ្វើ​នៅពេល​ខាងមុខ​នោះ​ រដ្ឋ​សភា​អាមេរិក​កាលពី​ថ្ងៃ​អ​ង្គារ​ បាន​ព្យាយាម​ជំរុញ​ឲ្យ​អនុប្រធានាធិបតីសហរដ្ឋអាមេរិក​ និង​សមាជិក​គណៈ​រដ្ឋមន្រ្តី ចាត់​វិធានការ​ឲ្យ​កាន់​តែ​លឿន​។ នេះ​បើ​តាម​ការ​ផ្សាយ​ឲ្យ​ដឹង​របស់​ទី​ភ្នាក់​ងារ​ព័ត៌មាន ​AP ។

សមាជិក​សភាតំណាង​រាស្ត្រ​ខាង​គណបក្ស​ប្រជា​ធិបតេយ្យត្រូវ​អនុម័តនូវ​សេចក្តី​សម្រេច​មួយ​ ដោយ​អំពាវ​នាវ​ឲ្យលោកអនុ​ប្រធានាធិបតី​ Mike Pence ​ប្រើ​ប្រាស់អំណាចរដ្ឋធម្មនុញ្ញ ក្រោម​វិសោធនកម្ម​ទី​២៥ ដើម្បី​បណ្តេញ​លោក​ ត្រាំ​ ចេញ​ពី​តំណែងជា​ប្រធានាធិបតី​អាមេរិក។​

លោក​ ត្រាំ​ បាន​លើកឡើង​ថា​ ការ​ចោទ​ប្រកាន់​ដើម្បី​ទម្លាក់លោក​ចេញ​ពី​តំណែង​របស់​រដ្ឋ​សភា នឹង​បណ្តាល​ឲ្យ​មាន ​«កំហឹង​ខ្លាំង​ក្លា» ប៉ុន្តែ​លោក​បាន​បញ្ជាក់ថា​ លោក «​មិន​ចង់​បាន​អំពើ​ហិង្សា​» នោះ​ទេ។​

សមាជិក​សភា​សហរដ្ឋ​អាមេរិកខាង​គណបក្ស​ប្រជាធិបតេយ្យ​ លើក​ឡើង​ថា​ លោក​ ត្រាំ ​គឺជា​បុគ្គល​ដ៏គ្រោះ​ថ្នាក់​សម្រាប់​លទ្ធិប្រជា​ធិបតេយ្យ​ បន្ទាប់​ពី​មាន​អំពើកុបកម្ម​បះបោរ​ ដែល​បណ្តាល​ឲ្យ​ស្លាប់​ជីវិត​មនុស្ស​នៅ​ក្នុង​វិមាន​សភា​សហរដ្ឋ​អាមេរិក​ កាល​ពី​សប្តាហ៍​កន្លង​ទៅ​។​

ដំណើរ​ការ​នៃ​ការ​ចោទ​ប្រកាន់​ទម្លាក់លោក​ ត្រាំ​ ដោយ​រដ្ឋសភា​អាមេរិក​ ឬហៅថា​ Impeachment​ នោះ​ នឹង​ចាប់​ផ្តើមនៅ​ថ្ងៃ​ពុធ​នេះ​។

លោក​អនុប្រធានាធិបតី​ Pence ​រហូត​មក​ដល់​ពេល​នេះ​ មិន​បាន​បង្ហាញ​ពី​ចំណាប់​អារម្ម​ណ៍របស់​លោក​ ក្នុង​ការ​ប្រើ​ប្រាស់​វិសោធ​ន​កម្មទី​២៥​នៃ​រដ្ឋធម្មនុញ្ញ​ ដើម្បី​ទម្លាក់​លោក​ ត្រាំ​ ចេញ​ពី​តំណែង​នោះ​ទេ។

លោក​ ត្រាំ នឹង​ទទួលការ​ចោទ​ប្រកាន់​តែ​មួយ​ករណី​ប៉ុណ្ណោះ​ពី​រដ្ឋ​សភាអាមេរិក​ គឺបទ «ញុះ​ញង់​ឲ្យ​មានអំពើ​កុប​កម្ម​បះ​បោរ»៕

XS
SM
MD
LG