ភ្ជាប់​ទៅ​គេហទំព័រ​ទាក់ទង

ប្រធានាធិបតីស.រ.អា.និងរុស្ស៊ីមិនធ្វើកិច្ចពិភាក្សាធំដុំទេអំឡុងទស្សនកិច្ចនៅអាស៊ី


លោក ដូណាល់ ត្រាំ ចាប់​ដៃ​ជាមួយ​លោក ពូទីន នៅ​​ឯក​ជំនួប​កំពូល​ APEC ក្នុង​ទីក្រុង Danang ប្រទេស​វៀតណាម កាល​ពី​ថ្ងៃទី​១០ ខែ​វិច្ឆិកា។

កាល​ពី​ថ្ងៃ​សុក្រ​ មន្ត្រី​សេត​វិមាន​បាន​ព្យាយាម​ទប់​ស្កាត់​ការ​សន្និដ្ឋាន​ដែល​ថា ​លោក ដូណាល់ ត្រាំ ប្រធានាធិបតី​សហរដ្ឋ​អាមេរិកអាច​នឹង​ជួប​ប្រជុំ​ទ្វេ​ភាគី​ជា​មួយ​លោក ​Vladimir Putin​ ប្រធានាធិបតី​រុស្ស៊ី​នៅ​ក្រៅ​កិច្ច​ប្រជុំ​កំពូល​នៃ​សហ​ប្រតិបត្តិការ​សេដ្ឋ​កិច្ច​អាស៊ី​ប៉ាស៊ីហ្វិក​នៅ​ប្រទេស​វៀតណាម។

អ្នកនាំពាក្យ​សេតវិមាន​និយាយ​ថា​ ការសន្ទនា​របស់​មេដឹក​នាំ​ទាំង​ពីរ​អាច​ជាការ​និយាយ​គ្នា​យ៉ាង​ខ្លី។ ​នាង​ Sarah Sanders ​និយាយ​ថា ​មិន​មាន​គម្រោង​សម្រាប់​កិច្ច​ពិភាក្សាផ្លូវការ​នោះ​ទេ។​ ជំនួយការ​របស់​រដ្ឋាភិបាល​វិមាន​ក្រឹមឡាំង ​ប្រទេស​រុស្ស៊ី​ និយាយ​ប្រាប់​ទីភ្នាក់ងារ​ព័ត៌មានរបស់​រុស្ស៊ី​ថា ​លោក Putin ​និង​លោក ត្រាំ ​នឹងជួប​គ្នា​នៅ​ថ្ងៃ​សុក្រ​នៅ​ក្រៅ​កិច្ច​ប្រជុំ​កំពូល​នៅ​ក្រុង​ Danang ​ប្រទេស​វៀតណាម។ ​

​មុន​ពេល​លោក​ចេញ​ដំណើរ​ទៅអាស៊ី​ លោក ​ត្រាំ​ ​បាន​ប្រាប់​អ្នកយក​ព័ត៌មាន​ថា​ លោក​រំពឹងថា នឹង​ជួប​ជាមួយ​លោក​ Putin ​ដើម្បី​សុំឲ្យ​រុស្ស៊ី​ជួយ​ទាក់​ទង​នឹង​ការ​ទប់​ស្កាត់​ការ​ផលិត​អាវុធ​នុយក្លេអ៊ែរ​របស់​កូរ៉េខាង​ជើង៕

XS
SM
MD
LG