ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រធានា​ធិបតី​ត្រាំ​អះអាង​ថា ​ពួក​រដ្ឋ​អាជ្ញា​នឹង​ជ្រៀតជ្រែក​នៅ​ក្នុង​ការ​បោះឆ្នោត​ឆ្នាំ​២១០៨​នេះ


លោក​ប្រធានាធិបតី​ ដូណាល់ ត្រាំ ទះ​ដៃ​នៅ​ក្នុង​ទិវា​រំឭក​គុណ​នៅ​កន្លែង​បញ្ចុះ​សព Arlington National Cemetery កាលពី​ថ្ងៃទី២៨ ខែឧសភា ឆ្នាំ២០១៨។
លោក​ប្រធានាធិបតី​ ដូណាល់ ត្រាំ ទះ​ដៃ​នៅ​ក្នុង​ទិវា​រំឭក​គុណ​នៅ​កន្លែង​បញ្ចុះ​សព Arlington National Cemetery កាលពី​ថ្ងៃទី២៨ ខែឧសភា ឆ្នាំ២០១៨។

ប្រធានា​ធិបតី​សហរដ្ឋ​អាមេរិក ​ដូណាល់ ​ត្រាំ ​បាន​ពោល​អះអាងកាល​ពី​ថ្ងៃ​អង្គារថា រដ្ឋ​អាជ្ញាដែល​ស៊ើបអង្កេតការជាប់​ទាក់​ទិ​នយុទ្ធនាការ​ឃោសនា​បោះ​ឆ្នោត​របស់​លោក​នៅឆ្នាំ​២០១៦ទៅនឹង​ប្រទេស​រុស្ស៊ី ​នឹង​ជ្រៀតជ្រែក​នៅ​ក្នុងការ​បោះ​ឆ្នោត​សភា​នៅ​ខែ​វិច្ឆិកា។

​ប្រធានា​ធិបតី​ត្រាំ ​មិន​បាន​ពន្យល់​ថា​តើ​លោក​គិត​យ៉ាង​ដូចម្តេច​អំពី​ក្រុម​ស្មារតី​ពិសេស​របស់​លោក Robert Mueller នឹង​ជ្រៀត​ជ្រែក​ការ​បោះឆ្នោត​អសនៈ​ចំនួន ៤៣៥​នៅ​ក្នុង​សភាតំណាង​រាស្ត្រ​ហើយ​នឹង​១ភាគ៣​នៃ​សមាជិក​ព្រឹទ្ធសភា​ដែល​មាន​អសនៈ​១រយ​នោះ។​ កាល​ពី​សប្តាហ៍​មុន ​ប្រធានា​ធិបតី​ត្រាំ​បាន​ស្នើរ​ថា ​ការ​ស៊ើបអង្កេត​ដែល​មាន​រយៈ​ពេល​មួយ​ឆ្នាំ​របស់​លោក Mueller ​អាច​ធ្វើឲ្យ​ពួក​អ្នក​បោះឆ្នោត​ប្រឆាំង​នឹង​បេក្ខជន​ដែល​លោក​ចូលចិត្តហើយ ​«នឹង​ធ្វើ​ឲ្យ​ប៉ះពាល់​ដល់​គណបក្ស​សាធារណរដ្ឋ‍»។

លោក​ប្រធានា​ធិបតី​ត្រាំ​ នៅ​ក្នុង​អត្ថា​ធិប្បាយ​តាម​ប្រព័ន្ធ Twitter ជា​បន្តបន្ទាប់ បាន​មិន​អើពើ​ដល់​ការ​សន្និដ្ឋាន​កាល​ពី​សប្តាហ៍​មុនដោយ​លោក Mike Pompeo រដ្ឋ​មន្ត្រី​ការ​បរទេស​ថ្មី​របស់​លោកថា ពួកមន្ត្រី​សហរដ្ឋ​អាមេរិក ​រំពឹងនឹងការ​ខំ​ប្រឹងប្រែង​បន្ត​ដោយ​រុស្ស៊ី​ដើម្បី​ជ្រៀតជ្រែក​ក្នុងការ​បោះឆ្នោត​សភា​អាមេរិក ​ដូច​ដែល​សហគមន៍​ស៊ើប​ការណ៍​សម្ងាត់​សហរដ្ឋ​អាមេរិក​បាន​សន្និដ្ឋាន​ថា​ រុស្ស៊ី​បាន​ធ្វើ​នៅ​ក្នុងការ​បោះឆ្នោត​ប្រធានា​ធិបតី​អាមេរិក​កាល​ពី​២ឆ្នាំ​មុន​ដើម្បី​ជួយ​លោក​ត្រាំ​ឲ្យ​ឈ្នះ​ឆ្នោត។ ដោយ​យុទ្ធនាការ​បោះឆ្នោត​សភា​ឥឡូវ​នេះ​បាន​ស្ថិត​ក្នុង​ដំណាក់​ការ​ដំបូង​នៅរដ្ឋ​ជា​ច្រើន​ក្នុង​សហរដ្ឋ​អាមេរិក​ក្នុង​រយៈ​ពេលជាង​៥​ខែ​ទៀត​នេះ ​លោករដ្ឋ​មន្ត្រី​ការ​បរទេស​អាមេរិក​ Pompeo ​បាន​និយាយ​ថា មាន​ការ​ងារ​ជា​ច្រើន​ទៀត​នៅ​ពេល​ខាង​មុខ​ដើម្បី​បន្ធូរបន្ថយ​ការ​ជ្រៀត​ជ្រែក​របស់​រុស្ស៊ី៕

XS
SM
MD
LG