ផ្នែកជាច្រើននៃប្រទេសចិនកាលពីថ្ងៃសុក្រ បានរងគ្រោះពីការលិចទឹកជំនន់ធ្ងន់ធ្ងរបំផុតក្នុងរយៈពេលជាច្រើនទសវត្សរ៍ ដែលគ្រោះមហន្តរាយនេះ បានរំខានដល់តំបន់រោងចក្រចង្វាក់ផលិតកម្ម រួមទាំងរោងចក្រដែលផលិតឧបករណ៍ការពារសុខភាពដែលចាំបាច់សម្រាប់ប្រយុទ្ធនឹងជំងឺកូវីដ១៩។
អាជ្ញាធរនៅទីក្រុងវូហាន ខេត្តហ៊ូបេ ដែលជាប្រភពដើមនៃជំងឺកូវីដ១៩ និងអាជ្ញាធរនៅខេត្ត Anhui Jiangxi និង Zhejiang បានធ្វើការប្រកាសគ្រោះថ្នាក់កម្រិតក្រហម ខណៈដែលការធ្លាក់ភ្លៀងខ្លាំងបានធ្វើជោរជន់ទន្លេនិងបឹងបួរ។
ការធ្លាក់ភ្លៀងរដូវក្តៅនៅប្រទេសចិនតែងនាំមកនូវទឹកជំនន់ជារៀងរាល់ឆ្នាំ ប៉ុន្តែនៅក្នុងឆ្នាំនេះផលប៉ះពាល់មានភាពធ្ងន់ធ្ងរនិងហូសពីប្រទេសចិនទៀត ដោយសារទឹកជំនន់នេះបានរំខានដល់សង្វាក់ផលិតកម្មសម្រាប់ពិភពលោក ជាពិសេសសម្ភារៈពេទ្យដែលចាំបាច់សម្រាប់ប្រយុទ្ធកូវីដ១៩៕
