នៅ​ពេល​ដែល​ប្រធានាធិបតី​ចិន​លោក Xi Jinping បញ្ចប់​ដំណើរ​ទស្សនកិច្ច​រយៈពេល ៣ថ្ងៃ​របស់​លោក​ទៅ​កាន់​ទីក្រុង​មូស្គូ ប្រទេស​រុស្ស៊ី សេតវិមាន​ប្រធានាធិបតី​អាមេរិក​បាន​បង្ហាញ​ទុទ្ទិដ្ឋិនិយម​ថាការពិភាក្សា​របស់​លោក Xi ជាមួយ​នឹង​ប្រធានាធិបតី​រុស្ស៊ី​លោក Vladimir Putin នឹង​មិន​ត្រួសត្រាយ​ផ្លូវ​ឱ្យ​មាន​ការ​បញ្ចប់​សង្គ្រាម​នៅ​ក្នុង​ប្រទេស​អ៊ុយក្រែន​នោះ​ទេ។ ប្រធាន​ការិយាល័យ VOA ប្រចាំ​សេតវិមាន​អ្នកស្រី Patsy Widakuswara រាយការណ៍​អំពី​រឿង​នេះ​ពី​រដ្ឋធានី​វ៉ាស៊ីនតោន។ លោក ភី សុភាដា ជូន​សេចក្ដី​ប្រែ​សម្រួល។