ភ្នំពេញ —
មន្ត្រីដឹកនាំគណបក្សសង្គ្រោះជាតិបានធ្វើការវាយបកវិញនៅថ្ងៃព្រហស្បតិ៍នេះទៅលើលោកនាយករដ្ឋមន្ត្រីខ្មែរហ៊ុន សែន ដោយបានហៅសេចក្តីថ្លែងការណ៍របស់លោកថាបានបំភ្លៃការណ៍ពិត។
កាលពីថ្ងៃពុធលោកហ៊ុន សែន បានព្រមានដោយមិនបង្ហាញឈ្មោះចំៗថា ប្រសិនបើគណបក្សជំទាស់ឈ្នះឆ្នោតនោះរបបខ្មែរក្រហមនឹងត្រូវកើតនៅប្រទេសកម្ពុជាឡើងវិញ។
«របបប៉ុល ពត នឹងត្រៀមមកដល់បើគាត់ឈ្នះឆ្នោតពិត តែការឈ្នះហ្នឹង វានៅឆ្ងាយណាស់ តែរបបប៉ុល ពត វានឹងកើតប្រសិនជាគាត់ឈ្នះ»។
លោក ហ៊ុន សែន ព្រមានយ៉ាងដូច្នេះក្នុងសេចក្តីថ្លែងការណ៍មួយជាសាធារណៈក្នុងខេត្តកែបដោយលោកអះអាងថាគណបក្សប្រជែងអាចនឹងរំលាយប្រព័ន្ធធនាគារចោលនៅពេលដែលខ្លួនឡើងកាន់អំណាចនោះ។
លោកកឹម សុខា ប្រធានស្តីទីគណបក្សសង្គ្រោះជាតិដែលជាគណបក្សគូប្រកួតធំជាងគេជាមួយគណបក្សប្រជាជនកម្ពុជាកំពុងកាន់អំណាច។ លោកបានឆ្លើយតបថានេះជាការបង្ខូចបង្កាច់គណបក្សដទៃ។
«គណបក្សប្រជាជន លោកហ៊ុន សែន ហ្នឹងគាត់ដើរធ្វើនយោបាយគឺមិនថ្លៃថ្នូរទេ ដើរបង្ខូចគេ ហើយទី២ យើងដឹងហើយថាប្រជាពលរដ្ឋ គេមិនជឿគាត់ទេ ពីព្រោះគេដឹងថានរណាជាមេដឹកនាំខ្មែរក្រហមហើយ»។
លោកកឹម សុខា បានវាយបកថាលោកនាយករដ្ឋមន្ត្រីហ៊ុន សែន កំពុងតែប្រើវិធីដែលខ្មែរក្រហមធ្លាប់ប្រើក្នុងការបណ្តេញប្រជាពលរដ្ឋចេញពីលំនៅដ្ឋាន។
«គាត់កំពុងតែនាំនូវខ្មែរក្រហមមកវិញ ដូចជាគាត់យកគោលនយោបាយខ្មែរក្រហមមកអនុវត្ត ជាការជម្លៀសប្រជាពលរដ្ឋចេញពីផ្ទះសម្បែង ចេញពីភូមិដ្ឋាន អាហ្នឹងហើយដែលគាត់កំពុងធ្វើតាមខ្មែរក្រហម ហើយមេដឹកនាំសង្គ្រោះជាតិ បាតដៃយើងមិនប្រឡាក់ឈាមទេ សម រង្ស៊ី កឹម សុខា មិនដែលបាតដៃប្រឡាក់ឈាមខ្មែរនោះទេ»។
នេះគឺជាការវាយប្រហារគ្នាដោយវោហាសាស្ដ្ររបស់អ្នកនយោបាយកម្ពុជានៅពេលដែលការបោះឆ្នោតជ្រើសតាំងតំណាងរាស្ដ្រអណត្តិទី៥កំពុងខិតជិតមកដល់។
មានគណបក្សនយោបាយចំនួនប្រាំបីត្រូវបានទទួលស្គាល់ដោយគណៈកម្មាធិការជាតិរៀបចំការបោះឆ្នោតដើម្បីប្រកួតប្រជែងដណ្តើមសន្លឹកឆ្នោតគ្នា។ ប៉ុន្តែគេឃើញមានតែគណបក្សចំនួនពីរតែប៉ុណ្ណោះគឺគណបក្សប្រជាជនកម្ពុជានិងគណបក្សសង្គ្រោះជាតិកំពុងតែសម្តែងវោហាសាស្ដ្រដាក់គ្នាយ៉ាងខ្លាំងក្លា។
លោកហ៊ុន សែន ដែលកំពុងស្ថិតក្នុងតំណែងនាយករដ្ឋមន្ត្រីបានកាន់ក្បាលម៉េក្រូក្នុងការសម្ភោធសមិទ្ធិផលនានាដើម្បីវាយប្រហារជាសារនយោបាយមុនការឃោសានាបោះឆ្នោតមកដល់ទៅលើគណបក្សជាគូប្រកួតគួរឲ្យព្រួយបារម្ភរបស់ខ្លួន។
លោកធ្លាប់និយាយជាច្រើនដងថាគណបក្សផ្សេងពីគណបក្សរបស់លោកឈ្នះឆ្នោតនឹងនាំឲ្យមានសង្គ្រាមស៊ីវិលជាដើម។
ដោយឡែកកាលពីថ្ងៃពុធលោកហ៊ុន សែន បានបន្ថែមសារថ្មីមួយទៀតពីរបបខ្មែរក្រហម។ របបនេះដែលបានសម្លាប់រង្គាលប្រជាពលរដ្ឋកម្ពុជាយ៉ាងតិច១,៧លាននាក់ក្នុងរយៈពេលជិតបួនឆ្នាំ។
ការស្លាប់និងការសម្លាប់រង្គាលនេះដែលគេជឿថាបានធ្វើឲ្យប្រជាពលរដ្ឋខ្មែរបាក់ស្បាតក្នុងជីវភាពរស់នៅរបស់ខ្លួន។
លោក ហ៊ុន សែន ហាក់ដូចជាចុចយកចំណុចនេះមកសង្កត់។ លោកថ្លែងថា៖ «តែងតាំងចៅហ្វាយស្រុកខុស តែងតាំងចៅហ្វាយខេត្តខុស អាចដោះដូរបាន ប៉ុន្តែការបោះឆ្នោតជ្រើសរើសបក្សនយោបាយខុស ដែលទៅអង្គុយភាគច្រើននៅក្នុងសភា ហើយមានសិទ្ធិតែងតាំងនាយករដ្ឋមន្ត្រី គ្រោះថ្នាក់ណាស់ អាចធ្វើឲ្យប្រទេសជាតិក្រឡាប់ចាក់វិញបាន»។
ទោះជាបែបនេះក្តីលោកកឹម សុខា យល់ថាប្រជាពលរដ្ឋកម្ពុជាអ្នកបោះឆ្នោតនឹងមិនបាក់ស្មារតីអំពីបញ្ហាអសន្តិសុខដែលលើកឡើងដោយលោកនាយករដ្ឋមន្ត្រីនោះទេ។
លោកគល់ បញ្ញា នាយកប្រតិបត្តិនៃគណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជាហៅថាខុមហ្វ្រែលអះអាងដូចគ្នានេះដែរ។
«សំឡេងប៉ុណ្ណឹងមិនធ្វើឲ្យមានការភ័យខ្លាចនោះទេ ក៏ប៉ុន្តែវាគ្រាន់តែគ្មានយុត្តិធម៌ដោយសារតែប្រព័ន្ធផ្សព្វផ្សាយ គាត់ផ្សព្វផ្សាយតែម្ខាង សំឡេងរបស់មេដឹកនាំគណបក្សកាន់អំណាចអីចឹងទៅ ហើយគាត់មិនបើកឱកាសបក្សប្រឆាំងហ្នឹងគេពន្យល់ គេបកស្រាយការលើកឡើងរបស់ភាគីម្ខាងទៀត»។
ទោះបីជាមានការឆ្លើយឆ្លងដាក់គ្នារវាងអ្នកនយោបាយខ្មែរនៅមុនការឃោសនាបោះឆ្នោតចាប់ផ្តើមនៅចុងខែមិថុនា អតីតកម្មាភិបាលខ្មែរក្រហមមួយរូបទទួលបន្ទុកកាន់កាប់ឃ្លាំងគ្រាប់បានប្រាប់វីអូអេជាខេមរភាសានៅស្រុកសំពៅលូន ខេត្តបាត់ដំបងកាលពីពេលថ្មីៗនេះថា មេដឹកនាំកម្ពុជាមួយចំនួនបានចូលរួមតស៊ូជាមួយខ្មែរក្រហមមុនខ្មែរក្រហមឡើងកាន់អំណាចនៅឆ្នាំ១៩៧៥។
«ខ្ញុំនៅដាំបាយនៅសាលា នៅបម្រើសាលា វគ្គសិក្សាសាលា បងជា ស៊ីម ហេង សំរិន ហ៊ុន សែន ហើយនឹងកែ គឹមយ៉ាន ហើយបងសុខ អាន ហ្នឹង គាត់នៅក្នុងមន្ទីររៀនហ្នឹង។ គាត់រៀនមួយឆ្នាំ នៅកន្លែង ខ្ញុំនៅហ្នឹង ឆ្នាំ១៩៧២ និង ១៩៧៣»។
ការបោះឆ្នោតថ្នាក់ជាតិនឹងប្រព្រឹត្តទៅនៅថ្ងៃអាទិត្យទី២៨ខែកក្កដាឆ្នាំ២០១៣នេះ។ មានប្រជាពលរដ្ឋចំនួនជាង៩លាននាក់មានសិទ្ធិទៅបោះឆ្នោត៕
កាលពីថ្ងៃពុធលោកហ៊ុន សែន បានព្រមានដោយមិនបង្ហាញឈ្មោះចំៗថា ប្រសិនបើគណបក្សជំទាស់ឈ្នះឆ្នោតនោះរបបខ្មែរក្រហមនឹងត្រូវកើតនៅប្រទេសកម្ពុជាឡើងវិញ។
«របបប៉ុល ពត នឹងត្រៀមមកដល់បើគាត់ឈ្នះឆ្នោតពិត តែការឈ្នះហ្នឹង វានៅឆ្ងាយណាស់ តែរបបប៉ុល ពត វានឹងកើតប្រសិនជាគាត់ឈ្នះ»។
លោក ហ៊ុន សែន ព្រមានយ៉ាងដូច្នេះក្នុងសេចក្តីថ្លែងការណ៍មួយជាសាធារណៈក្នុងខេត្តកែបដោយលោកអះអាងថាគណបក្សប្រជែងអាចនឹងរំលាយប្រព័ន្ធធនាគារចោលនៅពេលដែលខ្លួនឡើងកាន់អំណាចនោះ។
លោកកឹម សុខា ប្រធានស្តីទីគណបក្សសង្គ្រោះជាតិដែលជាគណបក្សគូប្រកួតធំជាងគេជាមួយគណបក្សប្រជាជនកម្ពុជាកំពុងកាន់អំណាច។ លោកបានឆ្លើយតបថានេះជាការបង្ខូចបង្កាច់គណបក្សដទៃ។
«គណបក្សប្រជាជន លោកហ៊ុន សែន ហ្នឹងគាត់ដើរធ្វើនយោបាយគឺមិនថ្លៃថ្នូរទេ ដើរបង្ខូចគេ ហើយទី២ យើងដឹងហើយថាប្រជាពលរដ្ឋ គេមិនជឿគាត់ទេ ពីព្រោះគេដឹងថានរណាជាមេដឹកនាំខ្មែរក្រហមហើយ»។
លោកកឹម សុខា បានវាយបកថាលោកនាយករដ្ឋមន្ត្រីហ៊ុន សែន កំពុងតែប្រើវិធីដែលខ្មែរក្រហមធ្លាប់ប្រើក្នុងការបណ្តេញប្រជាពលរដ្ឋចេញពីលំនៅដ្ឋាន។
«គាត់កំពុងតែនាំនូវខ្មែរក្រហមមកវិញ ដូចជាគាត់យកគោលនយោបាយខ្មែរក្រហមមកអនុវត្ត ជាការជម្លៀសប្រជាពលរដ្ឋចេញពីផ្ទះសម្បែង ចេញពីភូមិដ្ឋាន អាហ្នឹងហើយដែលគាត់កំពុងធ្វើតាមខ្មែរក្រហម ហើយមេដឹកនាំសង្គ្រោះជាតិ បាតដៃយើងមិនប្រឡាក់ឈាមទេ សម រង្ស៊ី កឹម សុខា មិនដែលបាតដៃប្រឡាក់ឈាមខ្មែរនោះទេ»។
នេះគឺជាការវាយប្រហារគ្នាដោយវោហាសាស្ដ្ររបស់អ្នកនយោបាយកម្ពុជានៅពេលដែលការបោះឆ្នោតជ្រើសតាំងតំណាងរាស្ដ្រអណត្តិទី៥កំពុងខិតជិតមកដល់។
មានគណបក្សនយោបាយចំនួនប្រាំបីត្រូវបានទទួលស្គាល់ដោយគណៈកម្មាធិការជាតិរៀបចំការបោះឆ្នោតដើម្បីប្រកួតប្រជែងដណ្តើមសន្លឹកឆ្នោតគ្នា។ ប៉ុន្តែគេឃើញមានតែគណបក្សចំនួនពីរតែប៉ុណ្ណោះគឺគណបក្សប្រជាជនកម្ពុជានិងគណបក្សសង្គ្រោះជាតិកំពុងតែសម្តែងវោហាសាស្ដ្រដាក់គ្នាយ៉ាងខ្លាំងក្លា។
លោកហ៊ុន សែន ដែលកំពុងស្ថិតក្នុងតំណែងនាយករដ្ឋមន្ត្រីបានកាន់ក្បាលម៉េក្រូក្នុងការសម្ភោធសមិទ្ធិផលនានាដើម្បីវាយប្រហារជាសារនយោបាយមុនការឃោសានាបោះឆ្នោតមកដល់ទៅលើគណបក្សជាគូប្រកួតគួរឲ្យព្រួយបារម្ភរបស់ខ្លួន។
លោកធ្លាប់និយាយជាច្រើនដងថាគណបក្សផ្សេងពីគណបក្សរបស់លោកឈ្នះឆ្នោតនឹងនាំឲ្យមានសង្គ្រាមស៊ីវិលជាដើម។
ដោយឡែកកាលពីថ្ងៃពុធលោកហ៊ុន សែន បានបន្ថែមសារថ្មីមួយទៀតពីរបបខ្មែរក្រហម។ របបនេះដែលបានសម្លាប់រង្គាលប្រជាពលរដ្ឋកម្ពុជាយ៉ាងតិច១,៧លាននាក់ក្នុងរយៈពេលជិតបួនឆ្នាំ។
ការស្លាប់និងការសម្លាប់រង្គាលនេះដែលគេជឿថាបានធ្វើឲ្យប្រជាពលរដ្ឋខ្មែរបាក់ស្បាតក្នុងជីវភាពរស់នៅរបស់ខ្លួន។
លោក ហ៊ុន សែន ហាក់ដូចជាចុចយកចំណុចនេះមកសង្កត់។ លោកថ្លែងថា៖ «តែងតាំងចៅហ្វាយស្រុកខុស តែងតាំងចៅហ្វាយខេត្តខុស អាចដោះដូរបាន ប៉ុន្តែការបោះឆ្នោតជ្រើសរើសបក្សនយោបាយខុស ដែលទៅអង្គុយភាគច្រើននៅក្នុងសភា ហើយមានសិទ្ធិតែងតាំងនាយករដ្ឋមន្ត្រី គ្រោះថ្នាក់ណាស់ អាចធ្វើឲ្យប្រទេសជាតិក្រឡាប់ចាក់វិញបាន»។
ទោះជាបែបនេះក្តីលោកកឹម សុខា យល់ថាប្រជាពលរដ្ឋកម្ពុជាអ្នកបោះឆ្នោតនឹងមិនបាក់ស្មារតីអំពីបញ្ហាអសន្តិសុខដែលលើកឡើងដោយលោកនាយករដ្ឋមន្ត្រីនោះទេ។
លោកគល់ បញ្ញា នាយកប្រតិបត្តិនៃគណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជាហៅថាខុមហ្វ្រែលអះអាងដូចគ្នានេះដែរ។
«សំឡេងប៉ុណ្ណឹងមិនធ្វើឲ្យមានការភ័យខ្លាចនោះទេ ក៏ប៉ុន្តែវាគ្រាន់តែគ្មានយុត្តិធម៌ដោយសារតែប្រព័ន្ធផ្សព្វផ្សាយ គាត់ផ្សព្វផ្សាយតែម្ខាង សំឡេងរបស់មេដឹកនាំគណបក្សកាន់អំណាចអីចឹងទៅ ហើយគាត់មិនបើកឱកាសបក្សប្រឆាំងហ្នឹងគេពន្យល់ គេបកស្រាយការលើកឡើងរបស់ភាគីម្ខាងទៀត»។
ទោះបីជាមានការឆ្លើយឆ្លងដាក់គ្នារវាងអ្នកនយោបាយខ្មែរនៅមុនការឃោសនាបោះឆ្នោតចាប់ផ្តើមនៅចុងខែមិថុនា អតីតកម្មាភិបាលខ្មែរក្រហមមួយរូបទទួលបន្ទុកកាន់កាប់ឃ្លាំងគ្រាប់បានប្រាប់វីអូអេជាខេមរភាសានៅស្រុកសំពៅលូន ខេត្តបាត់ដំបងកាលពីពេលថ្មីៗនេះថា មេដឹកនាំកម្ពុជាមួយចំនួនបានចូលរួមតស៊ូជាមួយខ្មែរក្រហមមុនខ្មែរក្រហមឡើងកាន់អំណាចនៅឆ្នាំ១៩៧៥។
«ខ្ញុំនៅដាំបាយនៅសាលា នៅបម្រើសាលា វគ្គសិក្សាសាលា បងជា ស៊ីម ហេង សំរិន ហ៊ុន សែន ហើយនឹងកែ គឹមយ៉ាន ហើយបងសុខ អាន ហ្នឹង គាត់នៅក្នុងមន្ទីររៀនហ្នឹង។ គាត់រៀនមួយឆ្នាំ នៅកន្លែង ខ្ញុំនៅហ្នឹង ឆ្នាំ១៩៧២ និង ១៩៧៣»។
ការបោះឆ្នោតថ្នាក់ជាតិនឹងប្រព្រឹត្តទៅនៅថ្ងៃអាទិត្យទី២៨ខែកក្កដាឆ្នាំ២០១៣នេះ។ មានប្រជាពលរដ្ឋចំនួនជាង៩លាននាក់មានសិទ្ធិទៅបោះឆ្នោត៕
