ភ្នំពេញ —
មេដឹកនាំគណបក្សសង្គ្រោះជាតិគឺលោកសម រង្ស៊ី និងលោកកឹម សុខានៅថ្ងៃសៅរ៍នេះបានចាប់យកខេត្តកំពង់ស្ពឺ និងខេត្តតាកែវជាថ្ងៃបើកឆាកយុទ្ធនាការឃោសនារកសំឡេងឆ្នោត។ ការបើកយុទ្ធនាការឃោសនាលើកដំបូងនេះបានធ្វើឡើងមួយថ្ងៃក្រោយពីលោកសម រង្ស៊ីបានវិលមកកាន់ប្រទេសកម្ពុជាវិញ។
មេដឹកនាំគណបក្សសង្គ្រោះជាតិទាំងពីរនឹងធ្វើដំណើរឃោសនារកសំឡេងឆ្នោតជាមួយគ្នានៅទូទាំង២៤ខេត្តក្រុងដើម្បីគៀងគរសំឡេងគាំទ្រពីម្ចាស់ឆ្នោត។
សម្រាប់ខេត្តកំពង់ស្ពឺ និងខេត្តតាកែវ អ្នកគាំទ្រគណបក្សសង្គ្រោះជាតិជាច្រើនម៉ឺននាក់បានមកស្តាប់គោលនយោបាយរបស់លោកសម រង្ស៊ីនិងលោកកឹម សុខា។ ក៏ប៉ុន្តែក្បួនឃោសនាមិនមានអ្វីប៉ះទង្គិចធ្ងន់ធ្ងរទេ គ្រាន់តែនៅពេលដែលក្បួនដង្ហែរបស់គណបក្សសង្គ្រោះជាតិគ្រោងនឹងឲ្យលោកសម រង្ស៊ីនិយាយទៅកាន់ប្រជាពលរដ្ឋនៅក្នុងផ្សារថ្នល់ទទឹង តែត្រូវបានគណបក្សប្រជាជនកម្ពុជាចាក់ធុងបាសដោយបើកសំឡេងខ្លាំងរកស្តាប់អ្វីពុំឭ។
ការចាក់ធុងបាសរំខានដែលធ្វើឡើងដោយគណបក្សប្រជាជនកម្ពុជាបានធ្វើឲ្យប្រជាពលរដ្ឋដែលមកចង់ស្តាប់គោលនយោបាយរបស់គណបក្សសង្គ្រោះជាតិបានខឹងសម្បារ។
ប្រជាពលរដ្ឋមួយរូបមកពីខេត្តកំពុងស្ពឺបាននិយាយរិះគន់ថា គណបក្សប្រជាជនកម្ពុជាគ្មានធ្វើអ្វីក្រៅពីចាក់ធុងបាសរំខានគេទេ។
លោកបញ្ជាក់ថា៖ «ខ្ញុំយល់ថា អត់មានគោលការណ៍អ្វីនិយាយនឹងគេទេ។នៅតែធ្វើការពុករលួយរហូត ហើយអត់មានពាក្យអ្វីទៅនិយាយទេ។និយាយតែប៉ុណ្ណឹងចាក់តែបាស ឭថ្លង់ដល់ពួកផ្សារស្តាប់រកអ្វី និយាយអ្វីអត់បានទេ»។
លោកសម រង្ស៊ីនិងលោកកឹម សុខាបានមិនបាននិយាយសារនយោបាយនៅផ្សារថ្នល់ទទឹងទេ ក៏ប៉ុន្តែនៅតាមផ្សារមួយចំនួនទៀតនិងនៅតាមទីសាធារណៈនានា លោកបានបង្ហាញពីគោលនយោបាយរបស់គណបក្សសង្គ្រោះជាតិ ដោយមានអ្នកគាំទ្រជាច្រើនចាំស្តាប់ និងស្វាគមន៍មេដឹកនាំទាំងពីរ។
សំឡេងស្រែកស្វាគមន៍ «ជយោ! ឯកឧត្តមសម រង្ស៊ី។ ជយោ!ឯកឧត្តមកឹម សុខា។ ដូរមិនដូរ? ដូរ ដូរ ដូរ។ ដូរទៅណា? សង្គ្រោះជាតិ សង្គ្រោះជាតិ សង្គ្រោះជាតិ។ លេខប៉ុន្មាន? លេខ៧»។
លោកសម រង្ស៊ី ប្រធានគណបក្សសង្គ្រោះជាតិបានថ្លែងទៅកាន់អ្នកគាំទ្រនៅលើឆាកមួយដែលបានរៀបចំនៅលើរថយន្តកាំម៉្ញុង។ លោកបាននិយាយថា បោះឆ្នោតជូនគណបក្សសង្គ្រោះជាតិគឺបំបាត់ជនអន្តោប្រវេសន៍និងអំពើពុករលួយ។ ចំណែកលោកកឹម សុខាវិញបាននិយាយថាបើចង់បានលានត្រូវតែបំបាត់សែន។ ចំណុចនេះលោកកឹម សុខាពន្យល់ថា បើគណបក្សសង្គ្រោះជាតិឈ្នេះឆ្នោត និងផ្តល់ប្រាក់បៀវត្សជូនមន្ត្រីរាជការនិងកម្មករឲ្យបាន១លានរៀល។
លោកកឹម សុខាបានសន្យាជាមួយប្រជាពលរដ្ឋនៅក្នុងខេត្តកំពង់ស្ពឺថា គណបក្សសង្គ្រោះជាតិនឹងបំបាត់កន្លែងយកលុយផ្លូវជាតិលេខបួនរបស់ក្រុមហ៊ុន AZ នៅពេលគណបក្សសង្គ្រោះជាតិគ្រប់គ្រងរដ្ឋាភិបាល។
លោកបញ្ជាក់ថា៖ «ផ្លូវនេះផ្លូវអាមេរិកាំងធ្វើឲ្យទេ មិនមែនឲ្យក្រុមហ៊ុនហ្នឹងយកលុយទេ»។
ផ្លូវជាតិលេខបួន ដែលរដ្ឋាភិបាលសហរដ្ឋអាមេរិក បានប្រគល់ជូនរដ្ឋាភិបាលកម្ពុជាដើម្បីបម្រើផលប្រយោជន៍ប្រជាជន តែផ្ទុយទៅវិញរដ្ឋាភិបាលបានប្រគល់ឲ្យក្រុមហ៊ុន AZ របស់លោកឧកញ៉ាអ៊ឹង ប៊ុនហូវសមាជិកសភាខាងគណបក្សប្រជាជនជាអ្នកយកលុយទៅវិញ។
សព្វថ្ងៃនេះមានកន្លែងយកលុយចំនួនបីកន្លែង គ្រាន់តែកំណាត់ផ្លូវប្រមាណជាង២០០គីឡូម៉ែត្រតែប៉ុណ្ណោះពីភ្នំពេញទៅកាន់ក្រុងព្រះសីហនុ។
ចំណែកនៅក្នុងខេត្តតាកែវវិញ មេដឹកនាំទាំងពីរបានបង្ហាញសារនយោបាយស្រដៀងគ្នានឹងខេត្តកំពង់ស្ពឺដែរ ដោយបានអំពាវនាវឲ្យមានការផ្លាស់ប្តូរ បើចង់ឲ្យប្រទេសមានការរីកចម្រើន។
ក្បួនឃោសនារបស់លោកសម រង្ស៊ី និងលោកកឹម សុខានឹងបន្តទៅខេត្តកំពត ខេត្តកែប និងខេត្តព្រះសីហនុនៅថ្ងៃអាទិត្យទៀត។
នៅមុនពេលលោកសម រង្ស៊ីចាប់ផ្តើមបើកយុទ្ធនាការឃោសនារកសំឡេងឆ្នោតមានជនមិនស្គាល់មុខបានបាញ់មួយគ្រាប់ចូលក្នុងទីស្នាក់ការគណបក្សសង្គ្រោះជាតិ ដែលមានទីតាំងនៅសង្កាត់បឹងកក់២ ខណ្ឌទួលគោក។ នេះបើតាមសេចក្តីប្រកាសព័ត៌មានរបស់គណបក្សសង្គ្រោះជាតិ។
ការបាញ់ប្រហារនេះបានកើតឡើងនៅព្រឹកថ្ងៃសៅរ៍នេះ តែនៅពុំទាន់ដឹងថា ក្រុមជនណាមួយចេញមុខទទួលខុសត្រូវឡើយ។
លោកសម រង្ស៊ីបានប្រាប់ក្រុមអ្នកសារព័តមាននៅក្នុងខេត្តកំពង់ស្ពឺថា លោកថ្កោលទោសការបាញ់ប្រហារនេះ។
លោកនិយាយថា៖«ខ្ញុំថ្កោលទោសរាល់អំពើហិង្សា ជាអំពើខុសច្បាប់ ត្រូវតែគោរពឆន្ទៈប្រជារាស្ត្រខ្មែរ ដោយសន្តិវិធី។ ដោយយើងគោរពច្បាប់ទាំងអស់គ្នា។ កុំឲ្យមានអ្នកណាលួចបាញ់ លួចប្លន់ លួចប្រើអំពើហិង្សា»។
លោកសម រង្ស៊ីមិនបានចោទប្រកាន់ថា គណបក្សណាមួយនៅពីក្រោយខ្នងការបាញ់មកលើទីស្នាក់ការគណបក្សសង្គ្រោះជាតិនៅឡើយ៕
មេដឹកនាំគណបក្សសង្គ្រោះជាតិទាំងពីរនឹងធ្វើដំណើរឃោសនារកសំឡេងឆ្នោតជាមួយគ្នានៅទូទាំង២៤ខេត្តក្រុងដើម្បីគៀងគរសំឡេងគាំទ្រពីម្ចាស់ឆ្នោត។
សម្រាប់ខេត្តកំពង់ស្ពឺ និងខេត្តតាកែវ អ្នកគាំទ្រគណបក្សសង្គ្រោះជាតិជាច្រើនម៉ឺននាក់បានមកស្តាប់គោលនយោបាយរបស់លោកសម រង្ស៊ីនិងលោកកឹម សុខា។ ក៏ប៉ុន្តែក្បួនឃោសនាមិនមានអ្វីប៉ះទង្គិចធ្ងន់ធ្ងរទេ គ្រាន់តែនៅពេលដែលក្បួនដង្ហែរបស់គណបក្សសង្គ្រោះជាតិគ្រោងនឹងឲ្យលោកសម រង្ស៊ីនិយាយទៅកាន់ប្រជាពលរដ្ឋនៅក្នុងផ្សារថ្នល់ទទឹង តែត្រូវបានគណបក្សប្រជាជនកម្ពុជាចាក់ធុងបាសដោយបើកសំឡេងខ្លាំងរកស្តាប់អ្វីពុំឭ។
ការចាក់ធុងបាសរំខានដែលធ្វើឡើងដោយគណបក្សប្រជាជនកម្ពុជាបានធ្វើឲ្យប្រជាពលរដ្ឋដែលមកចង់ស្តាប់គោលនយោបាយរបស់គណបក្សសង្គ្រោះជាតិបានខឹងសម្បារ។
ប្រជាពលរដ្ឋមួយរូបមកពីខេត្តកំពុងស្ពឺបាននិយាយរិះគន់ថា គណបក្សប្រជាជនកម្ពុជាគ្មានធ្វើអ្វីក្រៅពីចាក់ធុងបាសរំខានគេទេ។
លោកបញ្ជាក់ថា៖ «ខ្ញុំយល់ថា អត់មានគោលការណ៍អ្វីនិយាយនឹងគេទេ។នៅតែធ្វើការពុករលួយរហូត ហើយអត់មានពាក្យអ្វីទៅនិយាយទេ។និយាយតែប៉ុណ្ណឹងចាក់តែបាស ឭថ្លង់ដល់ពួកផ្សារស្តាប់រកអ្វី និយាយអ្វីអត់បានទេ»។
លោកសម រង្ស៊ីនិងលោកកឹម សុខាបានមិនបាននិយាយសារនយោបាយនៅផ្សារថ្នល់ទទឹងទេ ក៏ប៉ុន្តែនៅតាមផ្សារមួយចំនួនទៀតនិងនៅតាមទីសាធារណៈនានា លោកបានបង្ហាញពីគោលនយោបាយរបស់គណបក្សសង្គ្រោះជាតិ ដោយមានអ្នកគាំទ្រជាច្រើនចាំស្តាប់ និងស្វាគមន៍មេដឹកនាំទាំងពីរ។
សំឡេងស្រែកស្វាគមន៍ «ជយោ! ឯកឧត្តមសម រង្ស៊ី។ ជយោ!ឯកឧត្តមកឹម សុខា។ ដូរមិនដូរ? ដូរ ដូរ ដូរ។ ដូរទៅណា? សង្គ្រោះជាតិ សង្គ្រោះជាតិ សង្គ្រោះជាតិ។ លេខប៉ុន្មាន? លេខ៧»។
លោកសម រង្ស៊ី ប្រធានគណបក្សសង្គ្រោះជាតិបានថ្លែងទៅកាន់អ្នកគាំទ្រនៅលើឆាកមួយដែលបានរៀបចំនៅលើរថយន្តកាំម៉្ញុង។ លោកបាននិយាយថា បោះឆ្នោតជូនគណបក្សសង្គ្រោះជាតិគឺបំបាត់ជនអន្តោប្រវេសន៍និងអំពើពុករលួយ។ ចំណែកលោកកឹម សុខាវិញបាននិយាយថាបើចង់បានលានត្រូវតែបំបាត់សែន។ ចំណុចនេះលោកកឹម សុខាពន្យល់ថា បើគណបក្សសង្គ្រោះជាតិឈ្នេះឆ្នោត និងផ្តល់ប្រាក់បៀវត្សជូនមន្ត្រីរាជការនិងកម្មករឲ្យបាន១លានរៀល។
លោកកឹម សុខាបានសន្យាជាមួយប្រជាពលរដ្ឋនៅក្នុងខេត្តកំពង់ស្ពឺថា គណបក្សសង្គ្រោះជាតិនឹងបំបាត់កន្លែងយកលុយផ្លូវជាតិលេខបួនរបស់ក្រុមហ៊ុន AZ នៅពេលគណបក្សសង្គ្រោះជាតិគ្រប់គ្រងរដ្ឋាភិបាល។
លោកបញ្ជាក់ថា៖ «ផ្លូវនេះផ្លូវអាមេរិកាំងធ្វើឲ្យទេ មិនមែនឲ្យក្រុមហ៊ុនហ្នឹងយកលុយទេ»។
ផ្លូវជាតិលេខបួន ដែលរដ្ឋាភិបាលសហរដ្ឋអាមេរិក បានប្រគល់ជូនរដ្ឋាភិបាលកម្ពុជាដើម្បីបម្រើផលប្រយោជន៍ប្រជាជន តែផ្ទុយទៅវិញរដ្ឋាភិបាលបានប្រគល់ឲ្យក្រុមហ៊ុន AZ របស់លោកឧកញ៉ាអ៊ឹង ប៊ុនហូវសមាជិកសភាខាងគណបក្សប្រជាជនជាអ្នកយកលុយទៅវិញ។
សព្វថ្ងៃនេះមានកន្លែងយកលុយចំនួនបីកន្លែង គ្រាន់តែកំណាត់ផ្លូវប្រមាណជាង២០០គីឡូម៉ែត្រតែប៉ុណ្ណោះពីភ្នំពេញទៅកាន់ក្រុងព្រះសីហនុ។
ចំណែកនៅក្នុងខេត្តតាកែវវិញ មេដឹកនាំទាំងពីរបានបង្ហាញសារនយោបាយស្រដៀងគ្នានឹងខេត្តកំពង់ស្ពឺដែរ ដោយបានអំពាវនាវឲ្យមានការផ្លាស់ប្តូរ បើចង់ឲ្យប្រទេសមានការរីកចម្រើន។
ក្បួនឃោសនារបស់លោកសម រង្ស៊ី និងលោកកឹម សុខានឹងបន្តទៅខេត្តកំពត ខេត្តកែប និងខេត្តព្រះសីហនុនៅថ្ងៃអាទិត្យទៀត។
នៅមុនពេលលោកសម រង្ស៊ីចាប់ផ្តើមបើកយុទ្ធនាការឃោសនារកសំឡេងឆ្នោតមានជនមិនស្គាល់មុខបានបាញ់មួយគ្រាប់ចូលក្នុងទីស្នាក់ការគណបក្សសង្គ្រោះជាតិ ដែលមានទីតាំងនៅសង្កាត់បឹងកក់២ ខណ្ឌទួលគោក។ នេះបើតាមសេចក្តីប្រកាសព័ត៌មានរបស់គណបក្សសង្គ្រោះជាតិ។
ការបាញ់ប្រហារនេះបានកើតឡើងនៅព្រឹកថ្ងៃសៅរ៍នេះ តែនៅពុំទាន់ដឹងថា ក្រុមជនណាមួយចេញមុខទទួលខុសត្រូវឡើយ។
លោកសម រង្ស៊ីបានប្រាប់ក្រុមអ្នកសារព័តមាននៅក្នុងខេត្តកំពង់ស្ពឺថា លោកថ្កោលទោសការបាញ់ប្រហារនេះ។
លោកនិយាយថា៖«ខ្ញុំថ្កោលទោសរាល់អំពើហិង្សា ជាអំពើខុសច្បាប់ ត្រូវតែគោរពឆន្ទៈប្រជារាស្ត្រខ្មែរ ដោយសន្តិវិធី។ ដោយយើងគោរពច្បាប់ទាំងអស់គ្នា។ កុំឲ្យមានអ្នកណាលួចបាញ់ លួចប្លន់ លួចប្រើអំពើហិង្សា»។
លោកសម រង្ស៊ីមិនបានចោទប្រកាន់ថា គណបក្សណាមួយនៅពីក្រោយខ្នងការបាញ់មកលើទីស្នាក់ការគណបក្សសង្គ្រោះជាតិនៅឡើយ៕
