នីហ្សេរីយ៉ាសង្កត់ធ្ងន់លើយុទ្ធនាការប្រឆាំងការជួញដូរមនុស្ស
នីហ្សេរីយ៉ាទើបតែបញ្ចប់យុទ្ធនាការរយៈពេលមួយសប្តាហ៍ក្នុងការបង្ហាញការប្រឆាំងនឹងការជួញដូរមនុស្ស ដើម្បីប្រារព្ធទិវាពិភពលោកប្រឆាំងការជួញដូរមនុស្ស ដែលធ្វើឡើងនៅថ្ងៃទី៣០ ខែកក្កដាកន្លងទៅនេះ។ ការិយាល័យអង្គការសហប្រជាជាតិប្រឆាំងគ្រឿងញៀននិងឧក្រិដ្ឋកម្មនិយាយថា នីហ្សេរីយ៉ាគឺជា ប្រភព ទីតាំងឆ្លងកាត់ និងគោលដៅចម្បងមួយនៅអាហ្វ្រិកសម្រាប់ការជួញដូរមនុស្ស ប៉ុន្តែមានអត្រាផ្តន្ទាទោសទាបចំពោះឧក្រិដ្ឋជន។ លោក Timothy Obiezu រាយការណ៍រឿងនេះពីទីក្រុងអាប៊ូហ្សា ប្រទេសនីហ្សេរីយ៉ា។ លោក សាយ មុន្នី ជូនសេចក្តីប្រែសម្រួល៕
