ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

នាយករដ្ឋ​មន្រ្តី​ប៉ាគីស្ថាន​ថ្មី​ប្រឈម​បញ្ហា​ធំ​ៗ​បំផុត


លោក Imran Khan (កណ្តាល) មេដឹកនាំ​គណបក្ស Tehreek-e-Insaf នៃ​ប្រទេស​ប៉ាគីស្ថាន ថ្លែង​នៅ​ក្នុង​ការ​ជួបជុំ​មួយ​នៅ​ក្នុង​ទីក្រុង​ Peshawar ប្រទេស​ប៉ាគីស្ថានកាលពី​ថ្ងៃទី​០៧ ខែសីហា ឆ្នាំ ២០១៦។
លោក Imran Khan (កណ្តាល) មេដឹកនាំ​គណបក្ស Tehreek-e-Insaf នៃ​ប្រទេស​ប៉ាគីស្ថាន ថ្លែង​នៅ​ក្នុង​ការ​ជួបជុំ​មួយ​នៅ​ក្នុង​ទីក្រុង​ Peshawar ប្រទេស​ប៉ាគីស្ថានកាលពី​ថ្ងៃទី​០៧ ខែសីហា ឆ្នាំ ២០១៦។

លោក Imran Khan អតីត​ជើងឯកកីឡា Cricket ​អន្តរជាតិ​ម្នាក់​បាន​ស្បថ​ចូល​កាន់​ដំណែង​ជានាយក​រដ្ឋ​មន្រ្តី​ប៉ាគីស្ថាន​ទី២២​នៅ​ថ្ងៃ​សៅរ៍​នេះ។​ លោកឥឡូវនេះ​ប្រ​ឈម​បញ្ហា​លំបាកៗ ​រួមមានការ​ចាយ​វាយ​អស់​រូបីប័ណ្ណ​បម្រុង​បរទេស​ហើយ​នឹង​ការ​កើន​ឡើងនូវការ​ដាក់​សម្ពាធ​អន្តរជាតិ​របស់​អន្តរជាតិ​ឲ្យ​ធ្វើ​ការ​ប្រឆាំងក្រុម​ភេរវកម្ម​ដែល​កំពុង​ប្រតិបត្តិការ​នៅ​ក្រៅ​ប្រទេស។

​នៅ​ក្នុង​សុន្ទរកថា​ទទួល​ដំណែង​របស់​លោក​បន្ទាប់​ពីការ​ជាប់​ឆ្នោត​នៅ​ក្នុង​សភា​កាល​ពី​មួយ​ថ្ងៃ​មុន ​អតីត​កីឡាករ Cricket ​បាន​សន្យា​ចាត់​វិធានការ​ដ៏​ខ្លាំងប្រឆាំង​នឹងជន​ណា​ដែល​បាន​លួចប្លន់​ប្រទេស។

លោក Khan បានឡើង​កាន់​អំណាច​តាម​រយៈ​សារ​ប្រឆាំង​នឹង​អំពើ​ពុករលួយ​ហើយ​នឹងការ​សន្យាការទទួល​បាន​សិទ្ធិ​ស្មើៗ​គ្នា​សម្រាប់​ពលរដ្ឋ​ទាំងអស់​នៅ​ក្នុង​ប្រទេស​ប៉ាគី ស្ថាន​ដែល​នៅ​ទី​នោះវប្បធម៌​របស់​អ្នក​ដែល​មាន​ដំណែង​ជាន់​ខ្ពស់​បាន​ក្លាយ​ជាច្បាប់។ពាក្យស្លោក​របស់​លោក«ការផ្លាស់​ប្តូរ»​និង​«ប្រទេស​ប៉ាគី​ស្ថាន​ថ្មី​»នឹង​ធ្វើ​ឲ្យ​ធ្វើ​ឲ្យ​ផ្នែក​មួយ​នៃសង្គម​សកម្ម​ឡើង​វិញ ​រួមមាន​មនុស្ស​វណ្ណៈ​ថ្នាក់​កណ្តាល​ដែល​រស់​នៅទី​ក្រុង​និង​យុវជន​ដែល​បាន​ទទួល​ការ​អប់​រំ​ដែល​កាល​ពី​ពេល​មុន​មើលឃើញ​នយោបាយ​ថា​ជា​វិស័យ​របស់​ក្រុម​គ្រួសារ​ល្បី​ឈ្មោះ​២​ដែល​ឡោម​ព័ទ្ធ​ទៅ​ដោយ​អំ​ពើ​ពុករលួយ​និង​អំណាច។

​ទោះ​ជាយ៉ាង​ណាក៏ដោយ ​ពួក​អ្នក​រិះគន់​លោក Khan ​បាន​ចោទ​ប្រកាន់​ថា​លោក​បាន​ទទួល​ការគាំទ្រ​មក​សេវាកម្មយោធា​និង​ទីភ្នាក់​ងារស៊ើបការណ៍​ដ៏​មាន​អំ​ណាច។គណបក្ស​សំខាន់​ៗ​ជា​ច្រើន ​រួមមាន​គណបក្ស PML-N ​ដែល​ជាគណ​បក្ស​របស់​លោក Nawaz Sharif ​អតីត​នា​យក​រដ្ឋ​មន្រ្តី​ដែល​គេ​បណ្តេញ​ចេញ​ពី​អំណាចនិង​ត្រូវគេ​ចាប់​ដាក់​គុក ​និង​គណបក្សPPP ​របស់​លោកស្រី Benazir Bhutto ​អតីត​នាយករដ្ឋ​មន្រ្តី​ដែល​ត្រូវ​គេសម្លាប់​បាន​ចោទ​ប្រកាន់​ពីការលួច​បន្លំ​សន្លឹឆ្នោត​ហើយ​បាន​ទាម​ទារ​ឲ្យ​បង្កើត​គណៈកម្មការ​សភា​មួយ​ដើម្បី​ស៊ើប​អង្កេត៕

XS
SM
MD
LG